Mateo 4:23 - Sinia' Jlamtis 1994

²³ Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Mateo 4:23 ပူးပေါင်းရင်းမြစ်များ

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 12:9

Jesús taj'le siojo yi'i, ti yamat'ipi, ti ijio kiajwe jlaja 'najla'wet.

Mateo 13:19

Napoka siunapo ti ipi'yayisieta niwak Sinia' jlamtis, ti ijwi'il ni Sinia' jika anechijiayas, 'yina ti je 'yijene siunie iyoyiyi, 'nes ni imosik sekyi'i ti ijialayi siunie ipi'yata. Napoka'ne siunapo ti a'yejnap, puwak inseliaki ijniuj'li pa ajnat 'nayi yelk'a ape'e.

Mateo 13:54

ijioyi siujlieja ajnat ji'wet jla'am. Ijioyits'i jawa t'ajla'wetis jla'am japo i'nio', yijits'i jawa isi'il jilis, ti taka'neyasane ni Sinia' jika anechijiayas. Ka wojlijinipi japo i'nio' ti ipi'yajanisiepe, sekyi'i ti kiak iyoyeyisi: —¿Tepit'i iyo 'ni i'nio'? ¿Tepit'i iniwone siuti 'yijene, jla'yi ki iyo ti i'winki'n siuniwa ti ikaniti'n napo i'nio' ti i'winatajas?

Mateo 14:14

'Yina ti tisiojmayeje'n, i'yejne'n japo i'nio', sekyi'i wuj ti ip'ilisijne'n, jakayi ti je pini' japo ijwiejiete'n japo je isis, ti tokiji'ni.

Mateo 24:14

Jlampet siunie inka'niye ti 'es ti ijwil ki iyo nak Sinia' jika anechijiayas jantej'w ape'e 'ni ajnat ti ja tijwelaja ape'e, ja 'nakayeyi ti wikie'eyeyi napo i'nio' yi' ape'e 'ni ajnat jampe'ya pet. Jiwekie'ajana'a ka ajnat ino'we.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 9:35

Jesús iniuk'i'ni jawa isi'il siu'neje jawa ji'wetis jilis japo i'nio', ti taka'neyasa'n yi'i jawa t'ajla'wetis jla'am japo i'nio'. Ti iyo ka'niyeja' ti ijwi'il kiwa Sinia' jlamtis, ti niwaka jika anechijiayas. Ijwiejiete wikie'eyi kiwa jiwet'ia iyo japo i'nio', siu'neje kiwa iliatits'i yijits'i jawa t'ajwes japo i'nio'.

Marcos 1:14

Jlampa t'otiejajampe a'laja'm pak Juan, Jesús ijio 'niji yi'i jlaja Galilea ti iyo jika'niyeja' kiwa Sinia' jlamtis.

Marcos 1:21

Jlampa 'nesajan'nipe ja Jesús ti jla'yis siupapo yamk'i, 'niji yi'i jlaja isi' Capernaum, siojopa jloma i'nio 'wanjlijyi'n, Jesús ijioyi siojopa Judíojos t'ajla'wet ti taka'neyasa'n.

Marcos 1:39

Jesús itijwits'i puwak 'najla'wetis yiji jlaja Galilea ti iyo jlamtikie' niwak Sinia' jlamtis ti isis, siu'neje ti iniujwank'i kisie'e puwa imose'l.

Marcos 3:10

'Yaka i'winis ti je pini' papo je isis ti ijwiejiete'n, jak je iyoyiji siupapo je isis ti iyo kanses, 'yina ini'nomajayisiji ti iyo kankiejts'e ja Jesús.

Marcos 6:2

Ti yiyeyi siojopa jloma ti i'nio 'wanjlijyi'n, ijioyeyi japa 'najla'wet sekyi'i ti taka'neyasana. Jlam'ne siupapo i'nio' ti je pini' ti ipi'yayisie init'ipa 'yenape papo i'nio' ti ipi'yayisie, ka iwojlinijisipi pa ininekiajlayisi ti iyoyis 'ate: —¿Tepat'i yi'ipe ti ini'neyasa'n? ¿Tepat'e tajle'e siunie ijiate ti 'yije'en ni i'nio' siu'neje ni ti 'yijene pi iyone ti ijwiejiet pa?

Marcos 6:6

'Yijenajant'itiejpe pa iyo ja Jesús, ti kia'iyo papo i'nio' sek ji'wet'e ti 'yakakiuyis. Jlampa yamajampe 'nijiye kiaka, Jesús ya'am ti ijioyits'i siupuwa ajnatis jilis ti je tose ti taka'neyasa'n.

Lucas 10:9

Siuti japoye papo je isis sekjane'yi jwajietajyi'n, ka awonayipe 'ate, “Siunie Sinia' jika anechijiayas je toj'wase'm.”

Lucas 13:10

Yit'iyipe japa jloma, ijyiwitajam'ni siojopa jloma ti i'nio 'wanjlijyi'n, Jesús taka'neyasa'n yi'i japa 'najla'wet.

Lucas 16:16

“Siunie Moisés jika'neyasajnaye, siu'neje niwa jilisajna' t'ipi papo injwejlanawos, laja po' yiyi pet siunie yi'i ni Juan inajiejnawo. Sektajlap'e ti tiwok jika'niyeja' napo i'nio' ni Sinia' jika anechijiayas, 'yina wikie'eyi ti ini'netisi ti iyo ka 'noyisi.

Lucas 20:1

Yit'iyipe japa jloma, Jesús yits'e yi'i jlaja 'najla'wet ti taka'neyasa'n, ti 'yiyasajne'n papo i'nio', ka 'najane paka wone pa Sinia' jika'niye ti 'es. 'Nesat'i'nijpe papo pa'yijis jika anechiyasas, siu'neje papo taka'neyasane pet pa Moisés jika'neyasajnaye, jla'yisik'i siupapo kijilas jle' po',

Lucas 4:14

Jesús Sinia' jikimet ti 'es jijweye tipoyiji, ti yapiliet'ipi Galiléaja. Wikie'eyi papo i'nio' yijits'i puwa ajnatis 'yijene pi iyone.

Lucas 5:17

Siojopa jloma ti Jesús taka'neyasa'n, sekyiyet'i'yijpe pet siupapo ijia Fariséojos, siu'neje papo taka'neyasane pa Moisés jika'neyasajnaye, yik'iji'n paka'a, itijw puwa isi'il tajlits'i yiji jlaja Galilea, siu'neje puwa ajnatis Judea, jla'yi jlaja Jerusalén. 'Yina 'yakaj pa Sinia' jijweye ti yijap pa Jesús ti ijwiejiete'n papo i'nio' je isis.

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Lucas 6:6

Siojopa jloma ti i'nio 'wanjliyet'ijyi'ne, Jesús taka'neyasa'n kiajwe japa 'najla'wet. Sekyiyet'iyijpe siupa i'nio' ti jikio' 'yalk'i tom jijweye.

Lucas 7:21

Ijyiwitisi ti Jesús 'loj papo ijwiejiete'n siupapo je isis, i'mieniti'n papo i'nio' jitiej je isis, je pini 'neje papo i'nio' ti talojo' ti ijwiejiete'n.

Lucas 7:22

Iyo'ne 'ate pa Jesús ti isiujlieyi: —Maye'ni, jwelayi pi Juan siuniwa iyo niwa jipechiyeyi, siu'neje ni ji'wena', ti siunapo talojo' i'winaja'n 'nakayi, siunapo je t'ojni'n t'iskiuniek'iji'n 'nakayi, jlampet siunapo inkiso'ol jitio' yi'ik'i netiana kiwa ijiok'i'ni. Siunapo ti je tipechijyimpe ka jwejlikie ti alk'iji'n niwa jik'iot tiojwa'l, jlampet siunapo i'nio mases 'wasanajan pet. Siunapo i'nio' ti p'ijliusis tiwok pet jika'niyejayi siuniwa Sinia' jlamtis ti isis.

Lucas 8:1

Yam'niji pak siupa iyot'iyipi pa Jesús, 'yina yam'ne ti iniuk'i'ni puwa isi'il, jla'yi puwa ji'wetis jilis papo i'nio', ti iyoyi jlamtikie' puwa Sinia' jlamtis ti isis, ti ijwi'il pa jika anechijiayas. Siojopo t'eyasajnas ti itijwa'm niwa sikioye times tom'niji 'yuninisk'i,

Lucas 9:11

Siupapo i'nio' ti t'ijieyeyisi yamat'i'nijpe ti ijiutisik'iji'n. 'Yina Jesús je takama'yi ilia'm, jlam ijwiljlijia'm pet ni iyo ni Sinia' jika anechijiayas, ijwiejietjlijyi'n papo je isis.

Lucas 9:60

Jesús isiujlie ti iyo'ate: —Ejlo'okiu wek, ena'ate siunapo 'yajle'n ka imp'o'ne pet napok jika amejyi. Naj woyi pet amtikieyi ni Sinia' jika anechijiayas.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Juan 6:59

'Yina kiak iyo 'niwak Jesús jlamtis ti 'yiyasajne'n japo i'nio' yi'i jlaja Judíojos t'ajla'wet, yi'i jlaja Capernaum.

Juan 7:1

Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 18:4

Yiyi japa jloma ti i'nio 'wanjlijyi'n, ijioyeyi'ijyi japa t'ajla'wet papo Judíojos, ti takamtijniene, siu'neje papo je Judíojos, jlam 'yijijienta'a ka namitis isia'm puwa Sinia' jlamtis.

Hechos 20:25

“'Nakayi jlam je awo, siuti asa'am siojopo ajwelajajampe ni Saka'niona Sinia' jika anechijiayas, ja ke ekiajlayi'i ka si'wena'.

Hechos 28:31

Jlam ikatatjliyi ti iyo jlamtikie', ti ijwil pa Sinia' jika anechijiayas, jla'yi ti taka'neyasane pa Saka'niona Jesús ti Sijwajieti. Siupa iyoyi jlam k'ejma ti lajk'ipa ka intom'ni k'iye ti iyo jlamtikie'.

Romanos 10:15

'Yina, ¿tepa jawo ka inamtik jiwos ijnoyi ti lajk'ipa ka injloyi? Iyo niwa Sinia' jlamtis ti iyo'ate, “¡Ijiat ti 'es wat ti 'nes'ni siunapo ti name nak inka'niye ti 'es!”