Mateo 4:13 - Sinia' Jlamtis 1994

¹³ 'Yina je yi' Nazarette, ka sek ne'yiyi. Capernaum jlajaka ti iyo 'weta', ti yi' kiuts'i ja i'niat jlajlik'i, isi'il yiji papo Zabulón siu'neje pa Neftalí jika ajnatis t'ipi.

Mateo 4:13 ပူးပေါင်းရင်းမြစ်များ

Mateo 11:23

“Asa'am ti as'wet pet jana Capernaum, ¿jijwelayet'e ka tikinie'asena'a ka ijnoki poliyi? ¡Je'e, 'wenajliyijna'a ti ja intatajayik'i isia'm na kiawe ti laj jlaja, siunie inlaye 'wet! 'Yina ka japakaye t'ipi japa Sodoma ka tenajaja siukiwa iyo kiwa ti'wenkina'ase'm, japak isi' a'wenajta'ne 'nakayi.

Mateo 17:24

Ti Jesús yiyeyi isia'm jlaja Capernaum, ti jla'yis japo t'eyasajnas, siojopo i'nio' isi'm ilia'm niwa inkat'ijnieyejes ti ijioyi'ni japa 'najla'wet, ijioyi ja Pedro ti i'yase'n, ti iyone 'ate: —¿Ma takat'i'n ape'e niwa inkat'ijnieyejes ni aka'niona siojona ijioyi'ni jana 'najla'wet?

Mateo 4:14

Pak siupa jloma ti yiyeyi siupa iyot'iyipi pa Sinia' jijwejlanik jiwo Isaías ti iyo'ate:

Mateo 4:15

“Ajnat siojopa Zabulón, siu'neje pa Neftalí jika ajnatis, ji'wechaja pa Jordán, jikiuts'i pa i'niat jlajlik'i yiji japa Galilea, ji'wet papo i'nio' siupapo je t'ekiyiji ti je isis.

Mateo 9:1

Jlampa yama 'niji siupi ti 'nelanjie'e, Jesús tisiojmajiam'ne japa kasejkana, tomat'iyispe i'niat ji'wechaja, 'yina yiyeyi siujlieja ti ijiate ti jika ajnate.

Marcos 1:21

Jlampa 'nesajan'nipe ja Jesús ti jla'yis siupapo yamk'i, 'niji yi'i jlaja isi' Capernaum, siojopa jloma i'nio 'wanjlijyi'n, Jesús ijioyi siojopa Judíojos t'ajla'wet ti taka'neyasa'n.

Marcos 2:1

'Nak nojwaja'm puwa jlomas, Jesús yapilie'eje 'niji jlaja isi' Capernaum. T'ijieyeje wek ti yi'ni 'ate,

Lucas 10:15

Asa'am ti as'wet jana Capernaum, ¿jijwelat'e ka tikinie'asena'a pijia'm poliyi? ¡Ja jeye, 'wenajliyi ni siunie ja tiwona'ase ti ja intatayi isia'm siunie kiawe ti je ti'wena k'ioyi, siunie inlaye 'wet!”

Lucas 4:23

Jesús isiujlie'ne papo ti iyo'ate: —Ja ayeyijipi'ni ti ja sijwela' siunie inke' ti iyo'ate, “'Ni inkakiewo wuj, nijwajiet.” Siu'neje ni jawonak'i ti jawoye'yi 'ate, “Siunie ajieye'a 'ni'neye ti jiwoyi ti jle' Capernaumme, kiak jawo'ojyi jalesane'eje ti ja ene'e 'naka'a yi'i jla'a aka ajnat.”

Juan 2:12

Yam'ni'ne ti ijioyisi jlaja Capernaum ti itimisieyi siukia iyoyisi, jla'yiki jlaja jlet siu'neje japo ji'niayi ijwienjliyi siu'neje japo t'eyasajnas. Sek 'wanjliyits'i paj ti jlomas nak nojwaja'm ti sek yiyits'i.

Juan 4:46

Ti paj'ni wat ape'e, yapilie 'niji yi'i jlaja Caná yiji jlaja Galilea, yi'i ti iyojwa'n at'esa' ki i'niat. 'Yina pope ja i'nio' anechiyas siojo 'yasa'n jitieyi'i, ji'wet jlaja jle' iyo'ate Capernaum, siojo jlas je 'es'ni.

Juan 6:17

tomayis i'niat ji'wechaja 'niji yi'i jlaja Capernaum. Jlampa ajnaj wujwa, ti je 'nesjli'ijyi ja Jesús.

Juan 6:24

Siuti je i'winis ja Jesús siu'neje japo t'eyasajnas, sekyi'i ti yama'ni ti yiyis kasejkanaja, yi'i jlaja Capernaum ti iyoyisijyin'ni.

Juan 6:59

'Yina kiak iyo 'niwak Jesús jlamtis ti 'yiyasajne'n japo i'nio' yi'i jlaja Judíojos t'ajla'wet, yi'i jlaja Capernaum.