Mateo 28:2 - Sinia' Jlamtis 1994

² Kawojliyisi pa jakayi ti ajnat ti'wesiye ti pansak'iyi, jakap'anijpe ti nama isia'm ni injlojwanik, Sinia' jijliujwanik ti tal poliyi, ti ijiots'e yi'i ki a'no'. Yiyi ja a'no' ti 'yumaja t'ipi jakia sisaj ti tip'onatajaja'm, sekyi'i ti yiyejen'ni ape'e.

Mateo 28:2 ပူးပေါင်းရင်းမြစ်များ

Mateo 27:60

Sekyi'i José yamayi ti jamp'o'ne yi'i pa jika ajnat jla'am, ti pajk'i ta'a ti wakal ti titijikia'm yiji jlaja tikijnaki, sek yina'a. Itime ti ip'ionayija'm jla'a sisaj ti wuj, sekyi'i ti yama.

Mateo 27:66

Sekyi'i yam'ni'ne, yiyisi ti ilisanayisi ti 'yitisiame siujlieja sisaj ti ip'ionisiaja'm, jla'yi ti jikajwukis yinayits'i. Sekyi'i ti sek iliyeyisi'i japo tokis ijia ti i'yenkinisie.

Juan 20:1

Siojokia tajlaja'm ti k'iejli mot, ti ajnaj 'wanjle ajnat'e, María Magdala jleliki ijio a'noyi. Ti yiyeyi, siujlieja sisaj tip'onajaja'm jet'i k'iejets'i'nijpe ti totie ts'ijiye.

Hechos 16:26

Jlam nesi'lieyi, 'yaka jejat'ipi wata'a ti ajnat ti'wesiye, ti pansak'i i'wisinayi'ni siojo to'm ajnat'e k'iye jlaja insat jiwe. T'ekiyejamk'i kiwa 'wuk kiwitawa, jakayi siukiwa wikijnies t'aka japo t'otiek'i a'laja'm, ti t'ekijyits'i.

Hechos 5:19

Ajnaj ti Saka'niona jijliujwanik poli jlele ijyijlat'ik'ipe ti 'yajliniti ti iliejnamk'i puwa 'wuk kiwitawa p'otis japa insat jiwe, sekyi'i iyonat'iyijpe 'ate ti itionak'i kisie'e:

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

Apocalipsis 11:19

Jak je iyoyiji yajmi wek 'niji kiaka, sekyi'i ti 'ajlaja'm ja ji'wuk kiwet jlaja Sinia' ji'wuk yi' poliyi, sekyi'i ikajayi jlaja a'la' t'aj siujlieja ti 'yakajanitk'i siupa iyot'iyipi pa Sinia' ji'lij, ti yi' kiajwe jlajak Sinia' ji'wuk. Sekyi'i ti poye siojowa tak'ajyits'i siu'neje puwa ina'lapis ti pesieje, siu'neje ti yek'isia'm, siu'neje ti ajnat ti'wesi, siu'neje ti je jlase' jawa alatiu'.