Mateo 27:51 - Sinia' Jlamtis 1994

^51-54 Jakayi'ne ti its'isat'ik'ipe jak 'najla'wet tip'onajajam'ni ts'iji jik'ioyi, tajlap 'niji pijia'm ti ijiuti isia'm. Sekyi'i ajnat ti'wesiye, siuniwa sisajas ti wus its'isajamk'i. Siojo tokis jika anechiyas, siu'neje japo jla'yis ti i'yena ki t'ajwes ki Jesús, ti i'wina ti kia'iyo, ti ajnat ti'wesi, wuj ti jnots'ijnits'i. Sekyi'i iyoyis'ne 'ate: —¡Ijiatp'aneje ti Sinia' jlas siukia! Sekyi'i ti 'ajlajamk'i kiwa a'no'l, je pini' napo Sinia' jilist'ipi ti 'yalt'ijyimpe, napok napo yapik'i pijia'm. Jak je iyoyi yiyi jakiak jloma ti Jesús iniuk'i kisie'e ti tajla'm ki a'no', kia'iyo iniu kisie'e, sekyi'i 'yuyeyisi janak Jerusalén, isi' ti 'es, Sinia' ji'wet. 'Yina je pini' papo i'nio' i'wi'in ti kia'iyo.

Mateo 27:51 ပူးပေါင်းရင်းမြစ်များ

Marcos 15:38

Siuti kia'iyo, sekyi'i siupa lotakinie ti tip'onajaja'm jik'ioyi jla'a 'najla'wet wuj kia'iyo its'isajank'ipe pet jakayi itiajlat pijia'm paj ti yiye ajnat'e ti its'isk'i.

Hebreos 6:19

Siu'nie sinijijwiye, 'naka ti 'yit pijia'm niwa sosikis, 'yina je tikiwitajayi. Iyoye 'ate siojona kasejkana ti po' siojona tejeye pet ti yajapajne'n 'yina janaka ti 'yit pijia'm ti titietajatajaja'm ni i'niat. Siunie sinijijwiye enaja naka ni Jesús, jla'am ti tojmap ts'iji ji'wechaja siupa tip'onajaja'm siojopa 'najla 'wet yi' poliyi. Jla'am ti iyo si'niayija' 'nakayi, kajeyepa jla'am ti pa'yijis jika anechiyas wuj ti ja ke paja kant'eki, iyot'iyipi pak Melquisedec t'ipi.

Lucas 23:45

Kilie' 'yoma'a, 'yina siupa lotakinie tip'onajaja'm japa 'najla'wet jik'ioyi its'isk'i'ne jikiowek'i.

Apocalipsis 11:19

Jak je iyoyiji yajmi wek 'niji kiaka, sekyi'i ti 'ajlaja'm ja ji'wuk kiwet jlaja Sinia' ji'wuk yi' poliyi, sekyi'i ikajayi jlaja a'la' t'aj siujlieja ti 'yakajanitk'i siupa iyot'iyipi pa Sinia' ji'lij, ti yi' kiajwe jlajak Sinia' ji'wuk. Sekyi'i ti poye siojowa tak'ajyits'i siu'neje puwa ina'lapis ti pesieje, siu'neje ti yek'isia'm, siu'neje ti ajnat ti'wesi, siu'neje ti je jlase' jawa alatiu'.

Mateo 28:2

Kawojliyisi pa jakayi ti ajnat ti'wesiye ti pansak'iyi, jakap'anijpe ti nama isia'm ni injlojwanik, Sinia' jijliujwanik ti tal poliyi, ti ijiots'e yi'i ki a'no'. Yiyi ja a'no' ti 'yumaja t'ipi jakia sisaj ti tip'onatajaja'm, sekyi'i ti yiyejen'ni ape'e.

Apocalipsis 11:13

Jakayi'ne ti ajnat ti'wesiye ti ijiat ti pansak'i, 'nak k'iek'i pa no'we siojopa isi' ti iwiests'isia'm, 'yina ijwienjli sikio' itij'we times tom'niji puwa mil papo i'nio mases no'we. Jlampet siojopo 'wanjle'e je jlase' ja iyo ti jnots'ijnits'i, sekyi'i 'yaka jla'm iwo ti iyunitieyis pi Sinia' ti yi' poliyi.

Hebreos 9:3

'Yina jlampet siupa jitiowe 'neje ti tojmi 'wechaja paka lotakinie ti tip'onaja ilia'm, japaka pet siojopa ti ijiatt'iyijpe ti Sinia' ji'wuk ti 'ejts'i ti t'otata.

Lucas 23:47

Jlam'ne siupa tokis jika anechiyas, ti i'winaja siupa iyot'iyipi, sekyi'i iyo'ne 'ate, ti iyunit pa Sinia': —¡Ijiatp'aneje 'ni i'nio' ti jlam je iyo ti 'es!