Mateo 27:32 - Sinia' Jlamtis 1994

³² Jlampa yama'ni ti yamisk'i, 'nayiji sek isiutieyisi'i ni i'nio', siojo jle' iyo'ate Simón, Cirene jlele. Jaka'ne ti its'iuyeje ti itijlia jlajak Jesús jika cruz, kajeyepa ti tijliukieje.

Mateo 27:32 ပူးပေါင်းရင်းမြစ်များ

Mateo 16:24

Sekyi'i Jesús kiak iyonayi japo t'eyasajnas: —I'nio' ni jawo ka iwo 'yiyasanikie', 'esiji kanleyi siunie iyo ti jla'am siunie iyo'neje ni jikijmaye, jantejlia jana jika cruz, sekjane'yi ka inamana'a ijyik'i.

Mateo 5:41

Siunie tokis ti 'yijie'na'm ka atejlia pa k'iejliyi, pi k'iejliyi'i pa iyo ka leyi'i, ni'ne ka injwanjli pa kilómetro, siuti a'am ja akajmatayijna'a wat ape'e, siupa ja e'neje'n.

Marcos 15:21

Yit'i'yipe siojo 'nayiji ti isiutieyisi siojo i'nio' jle' iyo'ate Simón, Cirene jlele, Alejandro siu'neje pa Rufo jiniayis, ti k'iejli yapitie tal 'lajna'm, 'yina tokis t'as'ne k'iye ti ijliuye ka ink'iuyeje jlaja jika cruz ja Jesús ka intejlia.

Lucas 23:26

Ti yamat'iyisijpe pa Jesús ti jank'iejwatits'i japa cruz, isiutiet'iyisipe pa i'nio' jle' iyo'ate Simón, Cirene jlele, ti tal ojwe, jota napi. Isiejesin'ne ti itilkinisi japa cruz, Jesús ja tik'iejwata'a, ti 'wanjlijap'ni isia'm pa Jesús ti titilki.

Juan 19:17

Jesús titilkinaja'ne jlaja jika cruz, ti tikiniejayi. Paj ti yiyeyi siojo ajnat jle' iyo'ate Ijnetik Jleli 'Wet, siunapo Hebréojos iyonisi 'ate Gólgota.

Hechos 11:20

'Yina po' pet siupapo tal Chípreje, siu'neje papo tal Ciréneje, ti tijnayits'i pet jlaja isi' Antioquía, ti iyoyis jlamtikieyi siupapo je Judíojos ti ijwi'il pa Jesús ti Saka'niona.

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

Hechos 2:10

Frigia jlele, Panfilia jlele, siu'neje Egipto jlele, siu'neje napo tajlits'i siuniwa iniujwape'n pet jana Libia, ti je tojwape'n jana Cirene. Po'neje napo tal 'niji Rómaja.

Hechos 6:9

Siupapo Judíojos t'ajla'wet jle' iyo'ate “Inkipijnaspe T'ajla'wet”, papok siupapo iniewiti pa Esteban. Cirene jlele, Alejandría jlele, ijia papo tajle siupuwa ajnatis Cilicia, jla'yi japa Asia.

Hechos 7:58

Tokiet'iyijpe kisie'e ti titiajlanaja'm japa isi', sek tenaja'a'ne ti sisajas titietajaja'n. 'Yina ti yiyet'iyisipi siupa ijioyisiji, siupapo ijiutkinisi paka jitis iwo ji'wuye tilienat'ijyits'ipe. Ijiutkinisi pet siupa jwemik jle' iyo'ate Saulo kan'yena.