Mateo 26:56 - Sinia' Jlamtis 1994

⁵⁶ 'Yina kia'iyo kajeyepa ti kiak iyoyi niwak inamtis t'ipi, iyot'iyipi papo Inia' jijwejlanawos t'ipi. Jakayi'ne ti lajk'i pa ka 'wanjliyejap japo t'eyasajnas ja Jesús, 'yina yam'ni ti i'yiltajne'n.

Mateo 26:56 ပူးပေါင်းရင်းမြစ်များ

Juan 16:32

'Nakayi yiyi janak jloma, siujlie'e jloma ti ja inetianajyi'n, ja apilie'ek'ina'a niwa as'wetis, ka sijwanjliyena'a pi ja siliyeyi'i. Mejla'ala ka ijiatayi ka sijwanjli, 'yina po' ni Inia' yi' ijiap.

Mateo 26:31

Jesús sekyi'i ti ijwijla'm ti iyone'ate: —'Yejne'n, siu'nie ajnaj ja inwikie'eyeyi ti ja leyek'i. Iyo niwa Sinia' jlamtis ti iyo'ate, “Jalia'an ni sontas jiwo, siuniwa jiliajwas janitiajnate'n ape'e 'ni ajnat.”

Mateo 26:54

Siut'itie ka kia'iwo, ¿tepat'e jota iwo niwak inamtis ti ijwil siunie iwit'ia, siu'nie ajyi?

2 Timoteo 4:16

Siojokia jloma ti 'nelanjie'e senaja jitieyi'i napo i'nio' anechiyasas, tiwet'ianaja ka poye paka inoyijk'i'm ka intamti pet itipe'e, ti si'yasaja'ni. 'Yina pajlat'nine ti yam'ni ti iliyisk'i. 'Esiji ka Sinia' je iwoyi jitisayi kiaka.

Hechos 1:16

—I'lijwas, lapakawo ti yiyi jana jloma tenat'iyipi, Sinia' jikimet ti 'es iyont'iyijipi pa David ti ijwi'il pet, ti yi'i ni ji'wet, ti ijwi'il kia Judas masa. Kiak sa'yitape, ti iniutiejeje ja Jesús kawo jlamtikie' niwa Sinia' jlamtis. 'Yina je pajtaja ti iyoyeyi siunie iyo, ti iniank'iye japo i'nio' ti isimisie'e ja Jesús.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Hechos 2:23

Je woyejliyi ti tekiajlaja'ase, kajeyepa ti pajk'i ta'a jlam pa Sinia' ti itime siupi janwone; siupi jiwonayi ti jik'iejwata'yi japa cruz ti jiliana', ti jijliuyeyeje papo i'nio' siupapo lajk'iyi paka woyi, ti je isis.

Mateo 21:42

Jesús kiak iyoye'ijyi 'ate: —¿Jet'i ji'yena'ijyi siuniwa inamtis t'ipi ti iyo'ate: “Siojona sisaj siunapo 'wukiul jiwos iwit'iane, jla'aka p'an siu'nie jloma ti jiateje ti laja po' ti 'yaka'm ape'e niwa ijia. Lapakawo ti je 'wena paka kiak iwone naka ni Saka'niona. Siuti a'wena ni jikijmaye iyone, wuj ti kasteliaja”?