Mateo 24:7 - Sinia' Jlamtis 1994

⁷ Napo i'nio' siunapo yi' ape'e 'ni ajnat janilajne'n ti janapits'i wita'm. Siunapo anechiyasas kiak janwojliyi jantats'i wita'm. Nel'lias japoye ape'e 'ni ajnat. Siu'neje ti ajnat ti'wesi ja pansisak'i.

Mateo 24:7 ပူးပေါင်းရင်းမြစ်များ

Lucas 21:11

Siunie ajnat ti jan'wesi, ja pansajak'i, kiak jawo ja ke jlasiye ni nel'lias ti japoye, inlaye kia'iyojliyi ti janejyits'i puwa ajnatis. Siupapo i'nio' jan'we'en puwa ja k'iejliyeyi ti ja 'lan poliyi, ti ja ke tijweyeje, ja ke lisa' niwa ja'nakaj ta'a k'iye niwak jlomas.

Hechos 11:28

Ijwienjli'ne siupa jle' iyo'ate Agabo, paka'ne ti takasit, Sinia' jikimet ti 'es yamtijie'n, sekyi'i iyo'ne 'ate: —Siu'niwa jlomas nel'lia japoye, jantejw ape'e 'ni ajnat. Ijiate, ti yiyeyi puwak jlomas po' pa nel'lia ape'e pa ajnat, pakayi ti Claudio iyo anechiyas wujwa' yi'i japa ajnat Roma. Jlajmiliet ti Sinia' jilis 'yijenayi pa iyone, iyo'ni ka inoyeje papo ijia yi'i Judéaja, k'iejliyi pi i'wi'in ti iyo ka nene. Sekyi'i siupa k'ie puwa ijiutis wita'm, iwinisiam'ne ja Bernabé jla'yi ja Saulo, ti ijliuyisi papo Sinia' jilis yi' Judéaja, ka tekiajlaja papo kijilas kanwenk'i papo ijia.

Hechos 2:19

Ja'winkina siuniwa ja'nakaj poliyi ti jankelitk'i napo i'nio', jla'yi siuniwa ja'nakaj pet 'ne ajnat'e ti a'tisk'iji'n, 'woyis siu'neje ni jwat, ja ke jlasiye ni tosieja.

Hebreos 12:27

Siunie ti iyo'ate pi Sinia', “Jajwanjliyik'i kiu'ujwe ti kiak jayone”, siunie ijio'we ti naka ti Sinia' jan'wesijnits'i siuniwa jilisajna', sek jane'yi ti jantatek'i isia'm. 'Yina jlampet siuniwa ti je yits'e japaka jlomaye ka ti'wesinajats'i, 'yina ti t'o'nik'i niwaka ti ja ke titiajlana.

Apocalipsis 6:12

Jlampet ti yiyeyi ti its'isate ape'e siojo ijwienjli sikio' itij'we times tom'niji t'etieje ape'e ja imp'esinik siojo 'wolepo 'woma, siuti a'yenayi, sekyi'i ti poye siojo ti ijiat ti pansak'i ti ajnat ti'wesi. Isiojwayeyiji ni kilie' ti 'yo'me, iyoye'ate siunie ji'wu' jla'a ask'ilieki ti isiojwa'. 'Yina siunie we'la kia'iyojliyi ti isiataje, 'ate iyo ni 'woyis.

Apocalipsis 6:5

'Yina siojo 'wolepo 'woma ti yiyeyi siojo tomik'i pet ti timesieyiji, jakayi'ne ti najapeja jawa no'we ti its'isate ape'e siojowa t'etiejek'i ape'e ja imp'esinik. Sekyi'i ape'yayeyi pit siojo ijwienjli jawaka 'neje siojowa pini' Sinia' jilisajna' jitiete itijwk'i, jlam pa yiyeyi pet siojo ti najapeja jawa no'we ti pesieje, ti iyo'ate: —¡Jomet! 'Yina siuti a'yenayi, a'wenayi ja a'lenta isiojwats'i. Jlampet siojo yi' ape'e itiunin'ni pet jikiojyi jla'a ijliak'ajlimpe.

Apocalipsis 6:6

'Yina jikiowe'e jawak ijniujlits'i pini' Sinia' jilisajna' jitiete itijwk'i ape'yayeyi pa jla'lap pa ti iyo'ate: —Ijwienjlik'i wek pi jikiojieti ijniujli siunie ipiatatiok t'ejes 'wanjle'e, ni'ne ka najapejak'i wek pi jikiojieti ijniujli siunie jlesiki' jimak, jikaja ni i'nio' inkijmayewo ti jloma ijwienjli. 'Esiji ka je akajyi'n ni impe' siu'neje ni at'es.

Apocalipsis 6:8

Siuti a'yenayi, a'wena ja a'lenta majats'i'ni ape'e. Siojo yi' ape'e jle' iyo'ate 'Najlati. 'Wanjliyejap pet isia'm siunie jika anechijiayas ni Inlaye, sekyi'i tekiajlajats'i ni jijweye ape'e jawak jijwa'al ijniujlits'i 'ni ajnat ka iwo jiwet'iaye, ka intejwk'i'ni napo i'nio' ti isiene ni inwak, ka nel'lia inlankini, siu'neje ka inlaye inlankiniji'n, siu'neje ka inkiene niwa pini' yi' ape'e 'ni ajnat ka inlajne'n.