Mateo 23:9 - Sinia' Jlamtis 1994

⁹ Siu'neje ti ja ke awoyeyi asnaye pa ka ne'yi kane ajnat'e. Jwankita jla'am siunie ijiate ti Asnayi, ti yi' poliyi.

Mateo 23:9 ပူးပေါင်းရင်းမြစ်များ

Mateo 23:10

Wuj ti je 'esk'i naka siunie ka tiwona'ase'ni 'ate, 'Nak saka anechiyas. Injwajieti ijwienjli ti jla'am ti anechiyas.

Mateo 6:32

Jlam'ne siunapo i'nio' je t'ekiyeje ti iyoyi ni je 'es, niwaka ti iyoyi jijliak'aliye ti jikiowe ijioyi. Jlampet ti asa'am, siunie Asna' ti yi' poliyi 'yijene ta'a pi iyone niwaka ti injwesieyejijyi'n k'iye.

Mateo 7:11

“Ijwil ka woyeyi ti asa'am ti je insisie', as t'ajla'a'm pa k'iejliyi ka kia'iwo ka jiniliakie pa ka ena kiojyi. ¿Tepi iyo pi Asna' pi yi' poliyi? ¡Jla'm ijiatayi jla'm ti 'yu'we ti janwejna'm ni siuniwa wask'i'nelaja isis siunapo t'ajle!

Hechos 22:1

—I'lijwas, jla'yi japo ti asa'am ti inkijliyejyi'n, k'iuyek'imna'a siunie jayo ti jayamti itipe'e.

1 Corintios 4:15

'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

2 Corintios 6:18

Ya'am ti ja Asnayek'i'm, sek jane'yi siuti asa'am ja ilisa'ase'm ti asejniaye'ase'm, siu'neje ti ayijniests'ase'm, iyo ni Saka'niona ti lajk'ipa ka ijnojliji ni jijweye.”

Hebreos 12:9

'Yejne'n, astaj enayi 'ate siu'nie: siuti awok kia'lisa', siunapo siniewot ti awak'ne ajnat'e ijliuts'e'm, 'yina ak'iukie. 'Yina awo'ate, ¿yot'iyi'ni ka je its'iukie ni Sinia' poli jlele naka ti sosik atajlaja, ti nakaye ti si'wasankiye jatiajlajaja?

1 Jn 3:1

'Yena ki iyo ni jlemijnaye ni Sinia' ti je jlase' ti yints'e'm; yamitits'eme ti iyo jilisats'e'm. Ijiatjliyi sa'am ti Sinia' jilists'e'm. Tempi it'imina siunapo tajle pet ni ajnat ti je itiant'iets'e, kajeyepa ti je itiant'iejesi pi Sinia'.