Mateo 22:11 - Sinia' Jlamtis 1994

¹¹ “Paj ti yamat'ipi pa anechiyas ti 'yuyi papo yi 'wuk kiajwe, i'win'ne pak siupa ti je 'yuts'iji'n puwa ji'wuye ti inlakijnieye jla'yis.

Mateo 22:11 ပူးပေါင်းရင်းမြစ်များ

Mateo 13:30

Ejlowek jayina'ate ka injlas'ni pijia'm. Paj ka wakajlana'a ni ipiatatiok t'ejes 'wanjle'e, sekjane'yi ka ijliuyenie'e napo 'yakawos ka inajnat niwa cizaña ka ijnot wita'm, kants'ejwanamk'i, sekjane'yi ka jwat t'otiejajamna'a. Jantemisiji ka inekieyisinie'e ni ipiatatiok t'ejes 'wanjle'e ti janlanits'i, ka injwosayisiamna'a jana 'yakapiski ti ja'yotat.”

Mateo 22:10

“'Yina yam'ni'ne papok jikawos ti ijioyits'i puwak jika'wulis japak isi'. Isiuti papo ti ijiutiek'i wita'm, siupapo t'oniye je isis, siu'neje papo t'oniye isis. Pakayi'ne ti tipoyeyi japa 'wuk siojopa yinisi kiajwe japa inlakijnieye.

Mateo 3:12

Itiu'un siojopa jika a'la', ti jankiene ni ipiatatiok t'ejes 'wanjle'e ti 'wena jajnoti ni jop t'ejes ti ijlijni'ni. Janena'ana'a siupa jane'ne siupa ipiatatiok t'ejes 'wanjle'e ti 'es. Ja jlampet siuniwa jop ijlijni'ni ka intatajayijamna'a siunie jwat ti je paj ka 'no'me.

Romanos 13:14

'Yina woye asp'ota' ni Saka'niona Jesús ti Sijwajieti ti jatojmata'yi ilia'm ni inwak. Ká awoye 'weta' siuniwa 'yijijiene ni 'assie'n ka woyeyi.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

2 Corintios 5:3

Ja 'nakayeyijna'a ti janakaye ti jamp'o'n sitipe'e, jawo'ate ni si'wu', ja ke kas'najliyek'ijinna'a.

Gálatas 3:27

'Naka 'neje jla'am siunie ti inajiejnasts'ase'm, sekyi'i ti injwanjliyeyik'i pi Sijwajieti, jiwoyeyi as'wuye ti jla'am.

Efesios 4:24

Woyeyi as'wuye siunie asosik ti ink'ie', siunie ti jlam pa Sinia' ti jilisanik. Sinia' iyotajank'iye ka awoye'ate iyo ti jla'am ti jlam ti 'es, 'yina nak 'yakaja'aja pet ti jiwoyeyi siunie tijnajyi, siu'neje ti jinilesanayiji jitieyi'i, lapakawo ti jiwoyeyi as'nayija' siunie ijiatk'i.

Apocalipsis 16:15

(Saka'niona iyo'ate: —'Yejne'n, jayapimet jayo'ate iyo ni kajlajnata ti yisi'lietk'i napo i'nio' ti iyoyetaja ni jikajlajnaye. Jak je iyoyiji pet siunie je inikiwalinit, je jlase' pet siunie awone ti e'ne ni ikap'ijliuskiye ti 'es, siunie ti itime ti ilisank'i niwa ji'wuye ti ja'nots'iji'n, 'nakayi ti ja ke i'najleje'n, 'yina ja lajak'ina'a pa ka k'iejliyeyi ka t'ajwejli ineniji ka i'nistana'a.)

Apocalipsis 19:8

'yina Sinia' iyone 'ate, “'Ots'i siunie lotakinie ti lemi siunie je t'ojli, siunie ti intaj jlal je ijwi'yi, 'yina naka ti ti'yenajap siunie askijmaye ti 'es ti jiwoyeyi ti asa'am ti ika kia'lits'ase'm.”

Apocalipsis 3:18

Tempi it'imina ti kiak awo'naja ti ajwe'la'm, ti awo'ate, Mayi siu'nie yik'i wikinie maja ti 'najli ti tajla'm ni jwat ti tilisanaja, ja 'nakayeyi ti ja ijiatak'i ti jwajla'a ja'we'en. 'Yina mayi 'neje siu'niwa lotakijnies lemi ti yik'i, 'nakayi ti japoye pa jap'one atepe'e, kajeyepa wuj ti ts'ajwej'la ti i'najleje'n. Sek jane'yi ka akieyijna'a siu'nie inkakie' yik'i, ti jatojnata'm niwa atate, sekjane'yi ka 'esieyijinie'e ka 'yen kisie'e.