Mateo 18:9 - Sinia' Jlamtis 1994

⁹ Siupet ka janakaye atate ka int'emi'na ka ajia'm ni ake', laj'ni, tate. 'Wanjliyijna'a ka atate injwanjli 'yina ti ja ajia'm jiwek jana in'wasankiye siojona laj jlaja, siuka 'wanjliye wita'm niwa atate 'wanjliyi ja ke i'nesi siuti ja intatajaja nak inlaye 'wet ni jwat ti je paj ka 'no'me.

Mateo 18:9 ပူးပေါင်းရင်းမြစ်များ

Mateo 16:26

¿Jot'e ka 'esieyi ni i'nio' siuti jankajli siuniwa wask'i'nelaja yi' ape'e 'ni ajnat, 'yina ti ja netia'n ni i'nio'? ¿Tent'itie japa kanitejwe'e na i'nio' ka tekiajlaja jana ji'wasankiye?

Mateo 18:8

“Siunie akio' ni'ne ka nakaye ni asat ti jat'emina ti ja ajia'm ni ake', esiti sek jane'yi ka atatayijna'a. 'Wanjliyi ka akio' ni'ne ka nakaye asat ijwanjlik'i 'yina lapawo ti ja ajia'm janaka in'wasankiye ti laj jlaja, je'ne ka nakaye ka i'nesi siunie ti 'wanjli wita'm niwa akioye siu'neje niwa asatis ti ja intatajaja nak jwat ti je paj ka 'no'me.

Mateo 19:17

Iyo'ne 'ate ja Jesús ti isiujlie: —¿Yot'iyi'ni ti si'yaseje'n siunie 'es? Ijwienjli jla'am ti 'es, naka Inia'. Siuti jiwojonk'iye ka ajia'm janak in'wasankiye ti laj jlaja, woyi niwak Inia' jlamtis yi'i ni ji'wet.

Mateo 5:22

Awo'ate ti ajwe'el naka ti jwesieje ni jikiecha, jitis po'. Siunie i'nio' ti jlam jla'am ti iliaki'ni ni jikiecha, nak ja tokiji napo pa'yijis ijnosikis jiwos siunapo jlame ti yiji jana Jerusalén. Siunie iliaki ni jikiecha, ti iyo 'ne'liaja', nak ijiate ti 'yu'we ka tenaja siunie ijio'we'ni pet napoka ti iyoyi naka, siunie inlaye 'wet ti laj jlaja naka na jwat.

Mateo 5:29

“Siojona atate to'm ajweyeje ti jant'emi'na, ton kisie', tate. Ja 'nakayeyijna'a ka je i'wanjli wita'm ka intatajtaja nak inlaye 'wet laj jlaja'.

Marcos 9:47

Jlampet ti janakaye atate ti jant'emina ti ja ajia'm ni ake', lajni. 'Yina ja ejloye wek ti janjwanjli jana atate, lapakawo ti ja ajia'm ni jika anechijiayas pa Sinia'. Jlampet siuti kiak jawo jajnol wita'm niwa atate, nak je i'manit, siuti ja intataje ni ji'wet pet naka inlaye ti t'o'n,

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

Apocalipsis 21:27

Siunie ti t'ojli ja ke ijnojwa'm, ni'ne ka nakaye ti ti'niachiki, ni'ne ka nakaye siunie ik'emisijnaye. Ja napokataja jla'am siunapo ti jleyis yi'i siunie imp'esinik ti 'wolepo 'woma jip'esinik, jleyis yi'i napo ji'wasankiye ti t'o'n po'.