Mateo 18:5 - Sinia' Jlamtis 1994

⁵ Siunie janki'm ilia'm siunie kia'le naka'ne siunie na'am ijyik'i, ijiate je 'wena paka inki'm ilia'm, ya'am ti isi'm ijyilia'm.

Mateo 18:5 ပူးပေါင်းရင်းမြစ်များ

Mateo 18:4

Siunie ti ijiate jla'am ti jle' po' yi'i ni jika anechijiayas ni Sinia' naka ni je initonit, siunie iniwone 'ate siu'nie kia'le.

Mateo 18:6

“Jane'yi pa siupi ti jank'ajlinit ti janwoyi ni jike' siunapo je 'esijiyi ti sajmela'aja'n ti je ilijin'ni ijyik'i, iyo'ate siu'nie kia'le. Janakaye'ne siunie ti ja titietaja ni i'niat jlajlik'i ti ja tits'ijwana 'woyi siojona sisaj ti kiojieti, ti janemk'ana'ni.

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Mateo 25:45

“Janwoyena'a 'ate ni anechiyas ti jankiujlie, “Ijiatk'i siu'nie jayo'nase ti jajwi'lase'm ti ja lajak'iyi paka wonayi ka k'iejliyeyi, siu'napo ti je 'esijiyi, siu'niwa ajwel'ni, ijiate je t'i jijwela' ka 'wenaye, ya'am ti lajk'iyi paka awonak'i ka noyeyek'i'm”.”

Mateo 7:8

Kajeyepa ni siunie i'nio' ti'yasane, yi' kiojyi. Jlampet ni i'nio' ti iyojyi'n, i'wi'in kajeyepa. Jlampet ni i'nio' ti i'yase'ni pi Sinia', nak Sinia' ja'najlinit k'iye.

Marcos 9:37

—I'nio' ni jane'yi ni janki'm ilia'm ni kia'le 'ate iyo 'ni siu'nie, lapakawo ti janakaye jla'am ni yi'i ti janeyi, kia'iyo lapakawo ti je 'wena paka inki'm ilia'm ya'am ti isi'm ijyilia'm ni i'nio'. 'Yina je yamkata ka inki'm ijyilia'm, kia'iyo isi'm ilia'm ni siunie sijliu'.

Marcos 9:41

Ijiatk'i siu'nie jayoyi, ti siuti po' ni janwe'nase'm ja ke tiwet'ianaja ka i'niata wek paka a'yayejyi, lapakawo ti janakaye jla'am ti ini'nopijietak'i, ijiate nak japoye pet ni jatena jikiojyi.

Lucas 9:48

Kiak t'ipa iyonayijipi: —I'nio' ni janki'm ilia'm siunie kia'le iyoye'ate siunie na'm ijyik'i, ijiate ya'am ti isi'm ijyilia'm. I'nio' ni isi'm ijyilia'm, nakayep'ajne pet siunie ti isi'm ilia'm siunie I'nio' sijliu'. Jla'm ijiate jla'am siunie i'nio' je 'esijiyi ti lajk'iyipa kawo ti jane askiowe'e, nak ijiate ti t'an pijia'm.

Juan 13:20

Ijiatk'i siunie jajwi'il ti awo'ate, Siunie i'nio' isi'm ilia'm ni siunie ajlo' pet, nak isi'm ijyilia'm. 'Yina jlam pet ni isi'm ijyilia'm, nakaye pet ti isi'm ilia'm siunie I'nio' sijliu' pet.”

Gálatas 4:14

Ka kia'iwo ka 'omaja ijyilia'm siuti si'wenaye ti je ts'es ti kiak anine'ne ti amti'yase'm. 'Yina kiaka'ne ti ajwe'el ti ijnejlita, jla'yi ti je siwonayi 'ate siunie i'nio' jiniliak ti ijio'wase, 'yina siwonayi 'ate ni injlojwanik poli jlele ti Sinia' ijliu', siu'neje ti iyot'e 'ate ti jla'am pa Sijwajieti Jesús.