Mateo 18:10 - Sinia' Jlamtis 1994

¹⁰ “Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Mateo 18:10 ပူးပေါင်းရင်းမြစ်များ

Mateo 1:20

Ijiatjliyi wakal siupi jitienkiujnieye iyone, ti Saka'niona jijliujwanik poli jlele yiyet'iyipi pa José ti ijwijliane ti i'wi'in. Iyone'ne 'ate: —José, David jlas, ká anit'ajanit'ni. Ki'm ilia'm jana María. Weyi, kajeyepa ti siunie kia'le ni ja jlasa' jantajla jana Sinia' jikimet ti 'es.

Mateo 12:20

Ja ke i'najaneje'n siunie sisej ti pajk'i ti isiaja ka inkiajati, jla'yi ti ja ke ineki siojona kates ti ja'no'me ka 'najaneje'n ka 'nojmat'e. Jajnotk'i'ni ti ja ke inleyi siunie 'es, janeyi ts'ijiye jantate isia'm naka ni siunie je 'es.

Mateo 18:14

'Yina kia'iyo ni Asna' ti yi' poliyi, ti je iyojonk'iye ka injwanjli paka inetia'n siunapo kia'lis ti je sakakiuyis.

Mateo 18:6

“Jane'yi pa siupi ti jank'ajlinit ti janwoyi ni jike' siunapo je 'esijiyi ti sajmela'aja'n ti je ilijin'ni ijyik'i, iyo'ate siu'nie kia'le. Janakaye'ne siunie ti ja titietaja ni i'niat jlajlik'i ti ja tits'ijwana 'woyi siojona sisaj ti kiojieti, ti janemk'ana'ni.

Mateo 2:13

Jlampa yama'ni papok siupapo i'nio 'yijejne'n, Saka'niona jijliujwanik poli jlele inikajanitia'm pa José, ti yiniji pa jijwejlik ti imia'a, iyonat'iyijpe 'ate: —Neppijia'm, majna'a mayi ni kia'le siu'neje jana jlet, ka 'yiltanayi jana Egipto. Sek we'e'nina'a ijiatjliyijna'a jla'am ka poyetana'a paka ijwi'lase'm. Herodes janwojyin'ni ni kia'le, ti iyo ka ila'an.

Mateo 2:19

Jlampa Herodes 'yalat'ipi, Saka'niona jijliujwanik poli jlele ijioyi'ni pa José ti ini'wenkijna'm ti yine jijwejliki ti imia'a, ts'e yi'i japa Egipto, iyone 'ate:

Mateo 24:31

Sek jane'yi ka pesiejayinie'e jana 'woso', ni jla'lap jawo ti ja pesiejayi. Siunie I'nio' Jlas ka injloyena'a napo jijliujwajnas poli jlele ti jajnotk'i wita'm siunapo i'nio' pajk'i ti i'winakit ti isi'mik'i, taj'le ni kilie', siu'neje ni 'yu'yi ni kilie', jla'yi 'niji yi'i ni iniwuk, siu'neje 'niji wikinaja, jla'yi 'niji yi'i ni tajlap'e 'ni ajnat, jla'yi 'niji jla'a ni ajnat.

Lucas 1:19

Injlojwanik poli jlele isiujlie ti iyo'ate: —Ya'am Gabrielk'i'm, ti anoyeje ni Sinia'. Jla'am ti sijliu' ka ijwi'la siu'nie inka'niye ti 'es.

Lucas 10:16

Yiyik'i ti kia'iyo pa Jesús, sekyi'i ti kiak t'ipa iyonayipi japo t'eyasajnas: —Siunie jank'iu'wase'm, nak its'iuk'i'm pet. Jlampet siunie ti je isima'yi aselia'm, nak 'yaka pet ti je isi'm ijyilia'm. Siunie i'nio' je isi'm ijyilia'm, nak 'yaka pet ti je isi'm ilia'm siunie I'nio' sijliu'.

Lucas 16:22

“Yit'iyipe japa jloma ti 'yalat'ipi pak p'ijliusie, siupapo injlojwajnas poli jlele nami'ni ti ijioyiji pa Abraham ti yi'i pa Sinia' ji'wet. Siupa i'nio' inkaje' ti 'yalat'ipi pet, 'yina titijik'ne k'iye.

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 12:15

Tiwonajat'iyijpe 'ate: —¡Atajt'imi je 'es! Je takajla japa Rode, iyoyet'ipi 'ate: —¡Jlam je awo! Iyoyet'iyispe'eje 'ate: —¡Je jla'am, paka jla'am pa injlojwanik poli jlele ti i'yena!

Hechos 12:23

'Yina ti je iyunit siupa ti jlam ijiate jla'am ti Sinia', ta'a'ne siupa Saka'niona jijliujwanik poli jlele ti jiliaye itione, jiwos itiujwkinayi. Sekyi'i 'yal'ne paka.

Hechos 27:23

Siukia ajnaje injlojwanik poli jlele ini'wenkink'i'm tajle siunie Inia' pet ti ajonit,

Hechos 5:19

Ajnaj ti Saka'niona jijliujwanik poli jlele ijyijlat'ik'ipe ti 'yajliniti ti iliejnamk'i puwa 'wuk kiwitawa p'otis japa insat jiwe, sekyi'i iyonat'iyijpe 'ate ti itionak'i kisie'e:

Romanos 14:10

'Yina siuti am ti je tiujw niwa wask'i'nelaja, ¿yot'iyi'ni ti jiliaki ni akiecha? Siupet ti a'am ti jitiujw niwak wask'i'nelaja, ¿yot'iyi'ni 'neje pet ti jiliaki ni akiecha? Jlam'ne ni jayoki ti ja kaswikie'eyi ti janiojoki jitieyi'i pa Sinia', ti jla'am ti ja kas'ye'en siupa sitis iyo.

Romanos 14:21

Ijiatjliyi, siuti nak it'imina ti iliyi ni jitienkiujnieye ti 'es ni akiecha, 'esiji ka je atojw pa t'isie'n paka k'iejliyeyi, ni'ne ka nakaye ni at'es. 'Esiji ka je k'iejliyeyi paka atojw, ka pakaye ka int'emijne'n.

Romanos 15:1

Siuti sa'am ti jwamjla'a ni awoki, ti sijweye t'onik'i siunie sitienkiujnieye ti 'es, 'esiji ka initojmataja sa'am siuniwa 'najwes t'a'ti, ka yina sa'am sitipe'e, napoka ti kasjwanjliyik'i ti awoki siunie ti atankiunieje pa Sijwajieti. 'Yina je 'esiji ka ijwienkitak'iyi siunie ti sa'am ti kasteliaja ka iyoki.

1 Corintios 11:22

'Yejne'n, jlam'ne po' ni jwajla'a yi' as'wete, ka'yekiuniejyi'n ta'a siu'neje ni ji'yayejyi. ¿Yot'iyi'ni ti kiak jiwonayi napoka Sinia' jilis ti je woye lajaye? ¿Yot'iyi'ni ti jit'iajwejlanatak'i wita'm napoka i'nio' ti p'ijliusis? ¿Tepa jayone pi i'lij ti jawi'nase'm? ¿Jot'i ka ijiunitieyi siunie jiwoyeyi? ¡Jeyi! ¡Wuj ti je 'es siunie jiniwonayi!

1 Corintios 16:11

Je 'es ka je a'yenajyi'n. Noyeyeje siuti t'iskiunietaja'n, ja'nakayeyi ti ja ke inwo jijliak'aliye pi ji'niayi, 'nakayi ti jankajli ka ijnok'i. Kastejlajan'n k'iye napo si'lijwas ijia.

1 Corintios 9:22

Kia'iyojliyi ti ajyi siunapo ti k'iejli t'oni ti iyoyi kiwa Sinia' jlamtis, 'yina kia'awoye'ijyi pet ti ajwel ka je sit'iuni kiwa Sinia' jlamtis ti awoyi, kajeyepa ti awo ka 'yakajli ka iwoyi kiwa Sinia' jlamtis. It'imina ti awo'ate, 'wanjliyi ka i'nio 'wenayeyi papo ka initewitanik'i, lapakawo ti ajalasta ka i'yaka'n ka ijwiejiet jiwek paka ine'yi napo i'nio', je awet'iantaja ka nak inojwaja'm jiwek papo ka isiaka'n.

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 10:10

Po' ni iyo'ate, “A'tisk'iji'n niwa Pablo jlamtis ti yiji niwa jip'esijna', jak je iyoyiji ti jla'am ti yi' saka kiowe'e ka insta wat ti lajk'iyi paka woyi. Siuti iyo jlamtikie', siuniwa jlamtis iyo laj lajaye.”

Gálatas 6:1

I'lijwas, siuti ji'wena' ni akiecha ti iniuyiji'n jayo ti iyoyi siunie je 'es, 'yina asa'am ti int'onieyi pijia'm jana Sinia' jikimet, p'elisina', nejia'n pijia'm. Noyeje 'nakayi ti jaleyi ni siunie je 'es, sekyi'i janapilieyinie'e ni siunie tijnajyi ka woyi. 'Yina joskiye, nilesaniji ja 'nakayeyijna'a ni siunie inkajejlasaye ja ke inkajli pet.

1 Tesalonicenses 4:8

Jak je iyoyiji siunie i'nio' ti iliaki naka inka'neyasajnaye, je paka ka i'nioye ka inlaki. Iliaki pa Sinia' ti iwints'e'm janaka jikimet ti 'es.

1 Timoteo 4:12

Nilesaniji, 'nakayeyijna'a ti ja lajak'i paka injwel ka laja lajaye siunie jiwoye, ti a'm ti jwemik'ia'm. Siunapo Sinia' jilis ti jan'we'en siunie jiniwoneje, ti jlamtiyeta ape'e napo i'nio', siunie akijmaye ti 'es, siunie emijnaye, siunie atankiujnieye ti 'es, je 'es ka woyi paka k'iejliyeyi siunie je 'es, ka kiak iniwonisieyijinie'e pet.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

Apocalipsis 8:2

A'wena japo ijwienjli sikio' itij'we times tom'niji injlojwajnas poli jlele ti takasitk'i jitieyi'i 'ni Sinia', sekyi'i tijwankitajamk'i jawa ji'woso'l, siojowa tipajwukk'iji'n.