Mateo 17:20 - Sinia' Jlamtis 1994

²⁰ Jesús iyo'ne 'ate ti isiujlie: —'Nakayi pet ti je ijiate ka astankiujnieye poye. Ijiatk'i siunie jayo'nase ti 'wanjliyi ka kia'iwo ka jwamjla'aja ni atankiujnieye ka poye, ka wo'ate siojona mostaza jlo' jlase', 'wanjlit'itieje ka janakaye tikijnaki ka awone 'ate, “¡Taj'le ni jle'yi, 'ye'n paka jlasi!”, ijiate jank'iu'wa'm. Jalajk'i paka k'iejliyeyi ka into'm aselia'm.

Mateo 17:20 ပူးပေါင်းရင်းမြစ်များ

Mateo 13:31

Jesús yamtiyi k'iye 'neje siunie ti i'yejnap jiwek, iyo'ne 'ate: —Siunie Sinia' jika anechijiayas 'yiniye 'neje jana mostaza jlo', ti 'yut isia'm ni i'nio' yi'i pa jiwasok.

Mateo 14:29

Jesús iyone'ne 'ate: —¡Jomet! Pedro ijyijlitayi ti tisiojmajyi'n ti tajla'm jlaja kasejkana, ti t'iskiujni'n ape'e ja i'niat, ti ijioyi ja Jesús.

Mateo 17:17

Jesús ipi'ya wek ti kia'iyo, sekyi'i ti kia'iyoyeyi: —¡I'nio' jiniliaja, ti laj jitienkiujnieyeja'! ¿Tepat'e ja nojwaja'm puwa jlomas ti jayi'asap? ¿Tepat'e ja nojwaja'm puwa jlomas ti janilayit'iase? ¡Namayi'ne pa jwemik!

Mateo 17:19

Siojopo i'nio' ti tajlayi ja Jesús, jakayi'ne japo t'eyasajnas ti kiak iyonayisi ti i'yasis'ni: —¿Yot'iyi'ni pet ti je akajlaje ka kiak iyonaja ka iyokiosa ta'a kisie'e?

Mateo 17:9

Jesús kiak t'ipa iyonayipi ti yapiliet'iyispe ajnat'e, ti ijliuye: —Siukia iyo ki ji'wena ká ajwelajiamna'a paka ne'yi pa, ijiatjliyijna'a ka inotie kisie'e ni I'nio' Jlas ti jantajli ni a'no'.

Mateo 21:21

Jesús isiujlie ti iyo'ate: —Ijiate siu'nie jayo'nase, siuti ja lajk'ipa ka askakiujnieyeja', astankiujnieye japoye, ja akajlajyi siunie awone jana higok. Ja ke 'najataja ka 'najanayi paka awonayi, siu'neje ti jawone'ate jana tikijnaki ti ja amtiye'yi, “¡Taj'le ni jle'yi, ma isia'm yi'i ni i'niat!” Ijiatjliyi ka kiak iwoyeyinie'e.

Mateo 8:26

Iyo'ne pet 'ate ti isiujlie: —¿Yot'iyi'ni ti ijnots'inajyits'i? ¡Ijiateje napo yi 'ne 'nakayi jla'am ti laj astankiujnieyeja'! Sekyi'i ti iniyet'ipi pijia'm, tamtiyet'i'yijpe pa jlajwu siu'neje pa i'niat, sekyi'i ti 'yakamaja t'ipi, 'yakama ti 'yakama.

Marcos 11:22

Jesús isiujlie ti iyo 'ate: —Ká akakiuye pa Sinia'.

Marcos 11:23

Ijiatk'i siu'nie jayo, ti siuti japoye pa kanwone 'ate ka jloye siujlieja tikijnaki, “¡Nitajla'n, nitateja'm ni i'niat!”, 'yina ijiate, siuti kiak jawo janjwankitk'i ni jitienkiujnieye ti siupa iyo kawone, je 'es'ne ka je ijiatayi ka intankiu'n.

Marcos 4:31

Janak a'yejnap jiwek jana mostaza jlo' jlase' ti t'otiejata isia'm. 'Yina ape'e 'ni ajnat, poyeta niwa ijia ti kia'iyo ti sajmela'aja'n, 'yina jla'am ijiatayi ti je wujwe.

Marcos 9:23

Jesús isiujlie ti iyo'ate: —¿Yot'iyi'ni ti a'lej kiak jiwone ti jiwo'ate: “Ka 'najane wat paka wone”? ¡Siunie i'nio' ijiate ti jitienkiujnieye po', jwajla'a je t'o'ni k'iye!

Lucas 1:37

Kajeyepa pa Sinia' lajk'iyi pa jla'am ka instayija'm.

Lucas 17:6

Saka'niona isiujlie ti iyo'ate: —Ka poye siunie astankiujnieye ni 'es 'wanjlit'itie ka wo'ate jana jlojlase' jana mostaza ti samjlie'e, je jwela ka je akajlajyi ka wonayi 'ate ka ne'yi japa a'laye, “Taj'le ni jle'yi, jlase ni i'niat lajlik'i”, siojona a'la' jana jlamti'yi jank'iu'wa'm ni jiwone.

Lucas 18:27

Jesús isiujlie papo ti iyo'ate: —Siunie je 'yakajli napo i'nio', Sinia' 'yakajli jla'am.

Juan 11:40

Iyo'ne 'ate ja Jesús ti isiujlieyi: —¿Jlam'ne ajwe'la'm ti awo'ate ka je sakakiutiejna'a ja'we'en ni Sinia' jijweye?

1 Corintios 12:9

Janaka 'neje ti Sinia' jikimet ti tajle siunie ti it'imina ti ijiate ti jitienkiujnieye po' ni i'nio'; siu'neje ti iyo jijweyeja' ni i'nio' ka injwajiete'n napo je isis.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

Hebreos 3:19

Ijiatjliyi a'wena'ne papok i'nio' ti je i'yakanisi ka 'noyisi paka ajnat yi'i pa Sinia', lapakawo ti 'yakakiuyis puwa jlamtis.