Mateo 16:18 - Sinia' Jlamtis 1994

¹⁸ Awo'naja 'ate ti a'am ti Pedro'a'm. A'm siojona sisaj ti jayi'na ape'e napo ika kia'lis Inia' jilis. Siunie jijweye iyo pit ni inlaye ja ke inkajli.

Mateo 16:18 ပူးပေါင်းရင်းမြစ်များ

Mateo 10:2

'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis.

Mateo 11:23

“Asa'am ti as'wet pet jana Capernaum, ¿jijwelayet'e ka tikinie'asena'a ka ijnoki poliyi? ¡Je'e, 'wenajliyijna'a ti ja intatajayik'i isia'm na kiawe ti laj jlaja, siunie inlaye 'wet! 'Yina ka japakaye t'ipi japa Sodoma ka tenajaja siukiwa iyo kiwa ti'wenkina'ase'm, japak isi' a'wenajta'ne 'nakayi.

Mateo 18:17

Siuti kiak jawo ja ke ink'iuye papoka ti a'yista, sek jane'yi ijiatayijna'a ti ja ane wikie'eyi napo Sinia' jilis, ka jwelajamna'a. 'Yina siuti ja ke ink'iuyeje papoka, ja aleyeyijna'a ti jiwo akiechaye ti a'nayi ijwienjliyetaja k'iye ni iyo ti Sinia' jilists'ase'm. Jawonayijna'a 'ate ni k'iejliyi, iyoye'ate siunapo isi'm ilia'm niwa inkat'ijnieyejes.

Mateo 4:18

Ti Jesús t'iskiunieje'n jikiusk'i ja i'niat jlajlik'i yiji jlaja Galilea, sek i'wi'ne siojopo ji'niayi ijwienjli. Japoka japo Simón, tiwonajat'ijyi'nijpe'eje 'ate Pedro, siu'neje ja jikilia Andrés. Jlam'ne itietisiajam'ni pa i'niat japa jika 'nijiak jit'io, ti iyo'ni.

Mateo 7:24

“Ka ne'yi pa siunapo ipi'ya niwa yamtis, jla'yi ti iyoyi. Iyo'ate siunie i'nio' ti ji'wuk 'yita ape'e japa sisaj.

Juan 1:42

Andrés yameje'ni ja ji'yini ja Jesús, sekyi'i ti iyonayi 'ate: —A'am ti e' iyo'ate Simón, ti Juan jlajts'a'm. 'Yejne'n, e' jawo'ne 'ate 'nakayi Cefas.

Hechos 2:47

Jla'am iyunitisjli pa Sinia', wikie'eyi papo i'nio' ti ijiunit, ti isis. Kiajatak'i'ni puwa jlomas Sinia' jla'm iyomjliyi'iji papo jilis, ti tijwajyi'n.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

1 Corintios 15:55

“Am ti 'najlati'a'm, ¿tepi ijiojwi pi ajweye pi jijwel ka akients'e, ti ja kastatek'i isia'm? ¿Tepi ijiojwi siupi ajweye, ti jakients'e, ti jijwel ka kaslaki siunie anis?”

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”

Efesios 3:10

Lapakawo ti iyojonk'iye pet ka intant'ieje wikie'eyi siuniwa yiji ni poli niwa jijweye po' pet, siu'neje napo anechiyasas ti kia'iyo yiji ni poli naka Sinia' t'ajankijnieye ti ijwienjli je k'iejliyiji'n, ti jilis ijwilis.

Efesios 5:32

'Yejne'n, ya'am awo'ate ti ajwel naka ti to'misiame ti yiji niwa Sinia' jlamtis: niwakayeta ti ijwi'il ni Sijwajieti siu'neje napo iyoyi ni inamtik.

Colosenses 1:18

Jla'am 'neje ti jletik siunapo Sinia' jilis. Paka pi jlas ti iniajnat, jla'am 'neje ti inia'an ti iniu kisie'e ti tajli ni a'no', ti iyo anechiyasa' siunie wuj.

1 Timoteo 3:15

kajeyepa 'lojwinie'e ka je simajli. 'Yina je sikiwit'a'm siunie iyo ni sikijmaye, ti Sinia' ji'wet jlelets'e'm, ka iyot'e 'ate, Sinia' ti je paj ka netia'n jilis. Jlam ti yints'e'm ka 'yitie pijia'm naka ni siunie ijiatk'i jla'yi ti akiejek'i ape'e.

1 Timoteo 3:5

Kajeyepa ti siuti janakaye siunie je 'yijene ka 'yena ni ji'wet, ¿tepa jawo ka 'najane paka wone ka 'yena napo Sinia' jilis?

Hebreos 12:28

Awo'ate, siunie Sinia' iwints'e'm ni jika anechijiayas nak je paj pet ka'wesi. Ijiatayijia'm pa Sinia', 'yina 'yu'we ka kiak iyonaja siunie iyo ka tiwonaja, ti ja ijiunitie siu'neje ti ja ke kasjweye.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 21:14

'Yina siojo inwasok tip'onajajap jlajak isi' itijwa'm niwa sikioye times tom'niji jawa sisajas jawa tiwoki jijwetisila' ti 'yit pijia'm. Po' jawa inamtis yi'i jleyis napo 'wolepo 'woma jijliujwajnas siunapo itijwa'm niwa sikioye times tom'niji.