Mateo 16:16 - Sinia' Jlamtis 1994

¹⁶ Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Mateo 16:16 ပူးပေါင်းရင်းမြစ်များ

Mateo 1:16

'yina Jacob paka pet pa José jinia'. 'Yina pa José paka t'ipi pa María k'iemjla, sekyi'i pak jlas'ne pet ja Jesús pa Cristo, ti iyo'ate, Injwajieti ti Sinia' jijliujwanik.

Mateo 14:33

Jakayi'ne siojopo ijia yiji jlaja kasejkana, t'opiyeyis kiajwe ti iyunitis iyoyeyis 'ate: —¡Ijiatp'ane ti Sinia' jlajts'a'm!

Mateo 16:15

'Yina Jesús iyo'ne 'ate: —¿Tepi jiwoyeyi pet ti asa'am siupa jijwela' ka yama?

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 4:3

Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Marcos 14:61

Ejlo'o wek siukia tiwonaja, 'yina je iyo jiwek ka inkiujlie japo i'nio'. Siojo pa'yijis jika anechiyas wuj yikiajlayi'iji ti i'yas'ni ti iyone 'ate: —¿Mi a'am ti Injwajieti'a'm, siunie Sinia' jijliujwanik? ¿Mi a'am 'neje ti Jlasts'a'm siunie Sinia' ti 'es?

Lucas 2:11

Siu'nie jloma yijints'e yi'i jana isi', David jika isi', ni Asjwajietiye, ti Saka'niona.

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 11:27

Iyo'ne 'ate: —Ijiate, 'ni Ika'niona, je akakiu ti a'am ti Injwajieti a'm ti jitiajle pi Sinia', jla'yi ti Jlajts'a'm pi Sinia', pajk'i ti kasts'ajane pi awonaja ti jla'am ti ja'nes 'ne ajnat'e.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Juan 6:68

Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Juan 6:69

Pajk'i ti ak'iukie, it'imina ti kastant'ie'a ti a'm ti Sinia' inlesa'n.

Hechos 14:15

—I'lijwas, ¿yot'iyi'ni ti kiak jiwoyeyi? I'niolts'e'm awok'iate jiwoyeyi. Niwak it'imina ti 'nak ajok'i, ti awok samtikie' niwa Sinia' jlamtis ka leyeyi niwaka ti je i'manitie. Ataj womayi jla'am pa Sinia' ti laj jlaja, ti jilisanik ni poli jla'yi 'ni ajnat, jilisanik ni i'niat lajlik'i, wikie'eyi siuniwa jlele.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

2 Corintios 3:3

'Yina je istie', ti paka Sijwajieti ti 'yiti' pak imp'esinik ti ijliuyets'e'm ka itiunieje napo i'nio'. Je imp'esinik jikie' t'e' paka inkiene ti 'yiti', siojona Sinia' jikimet ti laj jlaja janak isiene. Je janaka 'neje jana sisaj ka tena'a puwa ka inamtisie', 'yina tenaja ni i'nio' jlosik.

2 Corintios 6:16

¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

1 Tesalonicenses 1:9

Siukia awoniji'ni ti pajk'i ti 'yijene pi iyone, jitiej iyunitisk'i'ni ti ajo'wasepi ijwi'il ti ijiate ti 'es ti jiki'm selia'm, siu'neje ni ijwilis ti jiliyeyi kiwa aska topa ti jiwunitie. Naka 'neje jla'am ti jik'iuyi pi Sinia' ti je jikakiuye ti ijiate jla'm ti Sinia' ti ji'wasankiye po', jla'yi ki jiwoyeyi ti jlonitie jla'am.

1 Timoteo 3:15

kajeyepa 'lojwinie'e ka je simajli. 'Yina je sikiwit'a'm siunie iyo ni sikijmaye, ti Sinia' ji'wet jlelets'e'm, ka iyot'e 'ate, Sinia' ti je paj ka netia'n jilis. Jlam ti yints'e'm ka 'yitie pijia'm naka ni siunie ijiatk'i jla'yi ti akiejek'i ape'e.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

Hebreos 10:31

¡Wuj ti a'tie siunie inwet'ia ti titiajlajaja ni Sinia', ti 'najlati je isie'ne!

Hebreos 12:22

'Yina jlampet ti asa'am 'wenayi pet ni siunie jiniojwayiji, janaka pet siojona Sión ti kia'iyo tikijnaki ti jiniojwayiji, siu'neje jana isi' Sinia' ti je paj ka netia'n ji'wet pet, siojona Jerusalén ti yi' poliyi. Siu'neje ti jiniojwayiji siojopo injlojwajnas poli jlele ti je pini' ti iyunitie pi Sinia'

Hebreos 3:12

I'lijwas, joskiyeyi ma ja ke poyena'a pa ka ileyi pa Sinia' siuti kiak jawoyeyi, askiojwa'l 'wena jawonayi ilia'm, siu'neje ti ja ke ak'iuye naka Sinia' ti je paj ka inetia'n.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

1 Jn 4:15

I'nio' ni iyo'ate, ti je 'yakakiu, “Jesús jla'am ti Sinia' jlas”, nak i'nio' yiji pi Sinia'. Sinia' kia'iyoyeyi pit yiyeje pi i'nio'.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:5

I'nio' ni je 'yakakiu pi Jesús ti jla'am ti Sinia' jlas, nak toma ilia'm pet ki iyo ni yi' ape'e 'ni ajnat.

Apocalipsis 7:2

Sekyi'i a'we'en 'neje ja injlojwanik jikiecha ti tal 'niji yi'i ni taj'le ni kilie' ti itiu'un ni siujlie'e wikinie tikienaja'ni pa ti tiwok jijwukisa', ti tajle pa Sinia' ti laj jlaja. 'Yina jaka 'neje ti ijliuyi'ni japoka ijia injlojwajnas poli jlele siojopo ti tijliukieje ka iwo jiwet'iaye 'ni ajnat siu'neje ni i'niat lajlik'i, ti iyo'ate: