Mateo 15:11 - Sinia' Jlamtis 1994

¹¹ Je nak ka inkajyi'n ni i'nio' jitieyi'i pa Sinia' siunie tal kisie'e, jla'm ijiate jla'am ni tal jikiwetk'i ti ikajyi'n ni i'nio' jitieyi'i pa Sinia'.

Mateo 15:11 ပူးပေါင်းရင်းမြစ်များ

Mateo 15:10

Sekyi'i tanayi japo i'nio', ti iyone 'ate: —K'iuyeyi siu'nie, tejnisiets'i:

Mateo 15:12

Siojopo t'eyasajnas ijioyisi, ti i'yasisi'n ti iyonisi 'ate: —¿'Najane pi jiwone ti iliatisiji napo Fariséojos, ti impe'ya siunie jiwo ti jlamti?

Marcos 7:15

Siuniwa tal kisie'e ti ijiojwa'm ni i'nio', je niwaka ka inkajyi'n ni i'nio' ka je 'esie jitieyi'i ni Sinia'. Jla'm ijiate jla'm siuniwa tajla'm ni jlosik ni i'nio' ti 'yakajyi'n.

Romanos 14:14

Siuti ya'am Pablok'i'm ti ajiap ni Saka'niona Jesús, naka ni i'nio' siunie ti lajk'ipa ka t'ojliye ka inejyi ni jlosik. Jlampet ti po' siunie ti ijwi'il pa k'iejliyi ti iyo'ate, “T'ojli naka”, 'yina jlam jla'am jiwek ti 'nachiye.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Romanos 14:20

Ká akajyinajyi siuniwa wask'i'nelaja ni Sinia' jikijmaye. Jlam'ne wikie'eyi siuniwa wask'i'nelaja jitiuwa je tiajlayiji pa aswet'iaye. Jla'm ijiatayi jla'am siunie ti ijiate ti je 'es ti jitiuwa, naka ti jit'iminayi ti jiwet'ia po' ni askiecha.

1 Timoteo 4:3

Janapokaye siunapo ti ja ke inwejna'm napo ka injwa'yits'iji'n. Kiak jawo janeyiji siunie k'iejliyi ti itijw napo, ti janjwe'el ka je 'esieyiji ka titiuwa. Jlam'ne Sinia' jla'am ti ilisane niwak wask'i'nelaja atowak'i'ni sik'ioye ti sa'am ti atankiunieje, jla'yi ti kastant'ieje ni siunie ijiatk'i, siuti jatiuwa, sek jane'yi ka iyokiepe sinikanitiejayi pi Sinia'.

Tito 1:15

Siunapo i'nio' ti 'esk'i ni jitienkiujnieye je ijwil ka jiniliajaye pet siupuwa i'wi'in. Jlampet siunapo ti takakiunisi kiwa Saka'niona jlamtis, je 'es ni jitienkiujnieye, kia'iyo pit ijwilis niwa wask'i'nelaja je isis. Tepa jawo ka kiak je iwo ti yamayi'i pet ni jitienkiujnieye jla'yi ni jlosik, ti wuj ti t'ojli.

Hebreos 13:9

Nit'onitiek'iye siuniwa inka'neyasajnayejes ka ne'yi pa siunie 'wenayiji ka pakaye ka intonajyi'n. Nak sitiliataja pet ka je akinieyi siuniwa jikeyis iyone napo i'nio' ape'e ni siuniwa inkas, 'yina siuniwa asosikis jawoyi jijweyeja' pet naka siunie Sinia' jikap'ijliuskiye iyo, kajeyepa ti siunapo i'nio' yame pet niwa ajwel'ni, je iniuyeje.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.