Mateo 15:10 - Sinia' Jlamtis 1994

¹⁰ Sekyi'i tanayi japo i'nio', ti iyone 'ate: —K'iuyeyi siu'nie, tejnisiets'i:

Mateo 15:10 ပူးပေါင်းရင်းမြစ်များ

Mateo 13:19

Napoka siunapo ti ipi'yayisieta niwak Sinia' jlamtis, ti ijwi'il ni Sinia' jika anechijiayas, 'yina ti je 'yijene siunie iyoyiyi, 'nes ni imosik sekyi'i ti ijialayi siunie ipi'yata. Napoka'ne siunapo ti a'yejnap, puwak inseliaki ijniuj'li pa ajnat 'nayi yelk'a ape'e.

Mateo 15:11

Je nak ka inkajyi'n ni i'nio' jitieyi'i pa Sinia' siunie tal kisie'e, jla'm ijiate jla'am ni tal jikiwetk'i ti ikajyi'n ni i'nio' jitieyi'i pa Sinia'.

Mateo 15:9

Tepa jawo ka injwelis ka 'esie ka siwunitis, kajeyepa ti taka'neyasane siuniwa iyo ni i'nio' ti ijwil ka ijiatayi jla'am ka 'esie.”

Mateo 24:15

“Ja'wena' siunie pini' jloniye jwesie'e, siunie ijiate ti je 'es, Sinia' jijwejlanik jiwo Daniel ijwilt'ipi, yi'i jana Sinia' ji'wuk ti ijiate jlam ti 'es. (Am ti 'najane ti jlamtijie'n ni imp'esinik, tejnisk'i niwa inamtis).

Lucas 24:45

Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet,

Efesios 1:17

Ti 'esp'an pa Jinia' pa Sijwajieti Jesús ti Saka'niona, Sinia' ti jijweye po', ka ijiatayi ka i'neyasana' ka 'najanajyimpe, jla'yi ka intant'iejayi niwa wask'i'nelaja ni iyo siu'nie awonaja. Sek jane'yi ka ijiatayijijna'a ka intant'iejayi ti jla'am ni Sinia'. 'Nak 'ajleje ni Sinia'.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.