Mateo 13:23 - Sinia' Jlamtis 1994

²³ Jlampet niwak inseliaki ti ijniuj'li nak ajnat ti 'ejts'iyi, napoka pet siunapo ti its'iuye niwa Sinia' jlamtis, 'es ti iyoyi. Jak je iyoyiji yiyi ts'iji jla' poye, yi'i japa cien puwa jla' ti tajla'm, ni'ne ti setenta puwa tajla'm, ni'ne ti treinta puwa tajla'm.”

Mateo 13:23 ပူးပေါင်းရင်းမြစ်များ

Mateo 12:33

“Siojona a'la' ti 'es isis pet niwa jla', jlampet siojona ti je 'es je isis pet niwa jla'. Jla' niwak 'yakajanit jana a'la' ti je 'es, ni'ne ti 'es jana a'la'.

Mateo 13:8

'Yina po' 'neje puwa itijwa'm pet siupa ajnat ti 'ejts'i. Iyo jlaye kajeyepa, iyot'iyipi japa inseliaki ti ijwienjli cien puwa tajla'm ti wakajlat'ipi, iyot'iyipi japa setenta puwa jla', iyot'iyipi japa treinta puwa jla'.

Mateo 3:10

Pajk'i ti wakal ni siunie ala' ti ja tikienaja niwa a'la' ti ja tijwajak'i isia'm, ti ja tenajak'i niwa jijwetis. A'la'pe jana ja ke 'esie, ti ja ke iwo jlaye, janak tijwajakiejepi, ka titietajayajampe ni jwat.

Mateo 3:8

'Esiji ka anilesanayiji, kajanitie siunie jiwoyeyi ti jininekiajla'.

Marcos 10:15

Siu'nie jayoyi ijiatk'i, ti siunie i'nio' kiak ja ke iniwone 'ate iyo ni kia'le ti janki'm ilia'm ni jika anechijiayas ni Sinia', 'yina naka ja ke 'noyi.

Marcos 4:20

'Yina jlajmiliet, po 'neje pet siunapo iyo 'ate siojona inseliaki ti ijniuj'li siunie ajnat ti 'ejts'i, 'yina its'iuye niwa Sinia' jlamtis, jla'yi ti 'es ti isimis ilia'm, siu'neje ti iyo jlaye. Po' niwa jla' treinta, ijia niwa setenta niwa jla', ijia niwa cien niwa jla' tajla'm iyo ni siuniwa a'yejnap jiwek, niwa jla' nojwa'm.

Lucas 13:9

Ent'a ka jiwekie'ejana'a ka iwo jlaye. Siuti ja ke iwo jlaye, ijiatayijijna'a ka ajwaja.”

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Lucas 8:8

Siupuwa ijniuj'li pa ajnat ti 'ejts'i, tekil'ne puwaka jlam yamjli pijia'm, paj ti yiyeyi ti iyo jlaye, iyot'iyipi japa yiyi japa cien puwa jlo', ti ijwienjli japa inseliaki tajla'm. Kiak iyo kiwa Jesús yamtiyi, yine ape'e ti 'yakets'iyejap ti iyo'ate: —¡I'nio' ni jik'iot tiojwa'l po', kank'iuyeyijna'a!

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 8:47

Siunie ti Sinia' jlas its'iuye ki iyo niwa jlamtis ni Sinia', 'yina siuti je lijts'ase'm, ¿tepa jawo ka k'iuyeyi?”

Hechos 16:14

Jakayi'ne siujlieja i'nioki jle' iyo'ate Lidia, Tiatira jleliki, iwin'ni niwa lotakijnies siuniwa isis ti lasasi'ni wat ape'e. Itienkiuni pa Sinia' jlajaka, 'yina its'iuye'ni ja Pablo ti tamti ti iyo jlamtikie', sekyi'i isim'ne ilia'm, jla'yi ti 'yajlinitk'iye siupa Sinia' iyoneje.

Hechos 17:11

Siupapo Judíojos jlamp'an je iyo'ate siupapo yi' Tesalónicaja, ti wuj ti t'ojni'n, ti jlam jeye jlamis 'es ti isimits'i niwa Sinia' jlamtis, 'yaka itiliajasi it'imina ti its'iuyisie. Jlomas ti i'ye'en puwa inamtis, ti ijialas ka 'najanisi ka ijiatayi siupa iyo ja Pablo puwa yamtiyi.

2 Corintios 9:10

Sinia' iwijna'm ni i'nio' kawijnajnata siojona inseliaki ka 'not'isia'm, siu'neje niwa inkas ti titiuwa. 'Yina kia'iyo naka jla'am ti janwe'nase'm ni siuniwa inseliaki janeyi ts'ijiye ja ke piniye siunapo jantaj'l aswa'm ti ja niwakaye jlaye ti jantaj'l aswa'm, siunie ti ja asama ti jajnayejyi.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Filipenses 4:17

Je'ne ka nakaye ka ts'eliaja ti jiwoye'ni i'wiejieta', 'yina awojonk'iye ka Sinia' jlam kiajatajak'i'ni ka inoye'asem'ni ka je instayepe pet siunie jawo ka wenak'i'm, naka ni siunie ti ja wujwa ti jamp'elisina'.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

1 Tesalonicenses 4:1

'Nakayi japo i'lijwas, etijnape pa Saka'niona Jesús jle', ti sa'am wuj ti anip'elisina'ase ka je aleyeyi ni siunie iyo ni pajk'i ti 'eyasanayi, siunie ti Sinia' yimink'i. 'Ejie'nase'm ka je aleyeyi naka kawoyeyi.

2 Tesalonicenses 2:10

Jankajli ti janwoyi wikie'eyi siuniwa wuj ti je isis ti jawo ka inkamank'iji'n napo i'nio, napo ijioyi pit naka ni jiliaye ti laj jlaja. Napoka ti je isi'me ni siunie ti ijiatk'i, 'wenajliyi ti iwit'ianisi, 'yina it'imintaja ka injwayis.

Hebreos 4:2

Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.

Hebreos 6:7

A'wena siunie jot, ti neki'n 'yina i'niat yajmi isia'm. Jak je iyoyiji siunapo takawijnajni ti'yekiujni'n, 'yaka Sinia' isiayi ape'e siunie 'es.

Hebreos 8:10

“Jlampa je k'iejeyeyik'i'ni kiwak jlomas, 'yina siuniwa jlomas atayeje siunie jayone napoka Israel jika kia'lis ti i'lij jaliyijap, 'naka siu'nie: Jayijnits'i niwa jitienkiujnieyejes siuniwa 'yaka'neyasajnayejes, sekjane'yi ka ip'isinajats'ina'a niwa jikiojwa'l. 'Yina jayama ti ja Jiniayeyisk'i'm jlampet ti jlamis janapokaye ti ja ika kia'lisa' pet.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.