Mateo 13:22 - Sinia' Jlamtis 1994

²² Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Mateo 13:22 ပူးပေါင်းရင်းမြစ်များ

Mateo 12:32

Kia'iyojliyi siunapo ji'lij ja ke 'esieyi ni I'nio' Jlas, Sinia' jamp'elisijne'n jiwek, jlajma ijiatayi siunapo ji'lij jane'ne ti ja ke 'esie janak siojona Sinia' jikimet ti 'es, je pajna'a ka inkiwaliyi'i ni jitis iyo.

Mateo 13:39

Jlampet siupi i'nio' ti 'yut isia'm puwa cizaña, naka imosik. Jlampet siunie ti tiliena'a pi inwomik, naka pet siunie ti ajnat jano'we. Siunapo ilie'ne pak inwomik, napoka pet Sinia' jijliujwajnas poli jlele.

Mateo 13:40

Siupuwa cizaña ti siupapo jiwos ijiut wita'm ti jwat 'yutia'm, janakaye pet siunie jawoyi ti ajnat jano'we.

Mateo 13:7

Po' 'neje puwa ijniuj'li pet pa ajnat k'itienis yi'i, ti wusiet'ik'ipe pijia'm puwa k'itienis. 'Yaka'm ape'e puwa iwomki, puwak ilian'ne pet.

Lucas 12:15

Sekyi'i ti kiak t'ipa iyonayipi papo i'nio': —Joskiyeyi, ká awoye asjlak'aliye ka woye ka'wena' niwa wask'i'nelaja. Je niwaka ka intajle jana in'wasankiye, kan'we'en ni jwajla'a.

Lucas 12:21

Jesús yiyik'i ti kiak t'ipa iyoyeyipi: —Kiak iyo siunie i'nio' ijios niwa jikijmatis siu'neje ni jlak. 'Yina Sinia' naka ti iyone'ate, “Wuj ti p'ijliusie.”

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

Lucas 8:14

Inseliaki siupuwa ijniuj'li pet pa ajnat k'itienis yi'i, napoka pet siunapo iyoyi ni inamtik, 'yina ti po' siuniwa 'yuyits'i, siuniwa jikijmatis ti i'winis, siu'neje niwa ki iyo ape'e 'ni ajnat jinikanitiejeyejes. Niwaka'ne jla'am ti 'wes ti ijiok'i'ni, yamjliyi ti to'm ape'e ni siunie jitienkiujnieye ti 'esta, jak je iyoyiji ka iwoyi jlaye.

Hechos 8:18

Siupa Simón ti i'wina japa Sinia' jikimet ti 'es ti yi' ape'e papo Pedro ti jikioye yink'i ape'e papo, sekyi'i ijwiltajam'ne japa jika wikiniet'aj,

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

1 Corintios 1:20

'Yina, ¿tepi iyo jiat'eje siunie 'yije'en, siu'neje ni inka'neyasajnayewo, siu'neje ni initonit ti ijwi'il ka ijiatayiji ka 'naja'an 'ne ajnat'e? 'Yejne'n, ¡Sinia' initiajnat naka, iyonayiji ni iyone ti je tiwok lajaye ape'e 'ni ajnat!

1 Corintios 2:6

Jlampet ti amti'yi napoka ti paja ni jitienkiujnieye ti 'es, akienayiji pet niwak, siunie iyo ni 'najankijnieye. 'Yina je taj'le 'ni ajnat, ni'ne ka intajle niwaka siuniwa injweyejes ti isie' ape'e ti iyo jikimeta' siu'nie ajnat, 'yina ti ja jlaj japoye niwaka.

1 Corintios 2:8

Niwaka ni siuniwa ajwel'ni napo i'nio' ti iyo anechiyasisa' je itiant'ieje. 'Yina siut'itie ka intant'ieje, ka kiak iwoyetaja ka je ink'iejwatits'i japa cruz pi Sijwajieti, ti jla'am ti tajle nak injweye.

1 Corintios 3:18

Ká anik'emijieta. Siuti po' na ti asa'am ti ijwi'il ka ijiatayiji ka 'naja'an, iniwone siunapo i'nio' ti iyoyi ni ajnat jikijmaye. Je 'esiji ka aniwonayi 'ate siunie ti lajk'iyi paka iwoyi ti je 'yije'en jwajla'aja, ja 'nakayeyijna'a ka ijiatayi ka wo'ate siunie ti je jlejliyik'i wek ti 'yije'en jwajla'aja.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

1 Timoteo 6:17

Awojonk'iye ka jwejla'm napoka i'nio' ti jwajla'a i'wi'in, ka wone'ate, “Ká anipajayi niwak askijmatis ti po', ti jijwela ka niwakaye ti injwajieta', 'yina siuniwa inkijmatis yi' ape'e 'ni ajnat, je t'o'n.” Ja jloye jla'am ka najataja jla'am ka jitiej iwomisie ni Sinia', 'yina ti jlam ti iwints'e'm wikie'eyi niwa wask'i'nelaja ti 'etsaka nakaye'eje ti yits'e ni sinikanitiejeye.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.