Mateo 12:18 - Sinia' Jlamtis 1994

¹⁸ “'Nak siu'nie 'yakawo ti yam ti aki'me, wuj ti emi'n jla'yi ti ts'aka'a. Siojona isimet ja yi'n ape'e, jawo jika'niyejayi wikie'eyi siunapo i'nio' yi' ape'e 'ni ajnat ti janjwe'el ni siunie ti ijiate ti 'es.

Mateo 12:18 ပူးပေါင်းရင်းမြစ်များ

Mateo 12:17

'Naka'ne siunie ti yiyi ti jiwekie'eja siunie iyo niwa Sinia' jlamtis ti iyo'ate, ti Sinia' jijwejlanik jiwo Isaías iyoyi jlamtikie':

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Marcos 1:11

Pesieje'ni pi ina'lap ti tom poliyi ti iyo'ate: —A'm ti yajts'a'm, wuj ti ts'ama'a, 'yina wuj ti ts'ajka'm.

Marcos 9:7

Jlampa iyoye 'ate japak poli ti na'm isia'm 'yina siupa jipe'el paka ti ip'io'n ape'e. Sekyi'i pesiejayi pa ina'lap tojma'm ti iyo'ate: —'Nak yas ti ijiat ti ts'amaja. K'iuyeyi.

Lucas 23:35

Jlam'ne papo i'nio' pa nojwisi'i ti i'yenis pa Jesús, siupapo anechiyasas, ti iliakiyis. Iyoyet'iyispe 'ate: —I'mieniti'n napo ijia. ¿Yot'iyi'ni ti je inijwajiet jla'am, 'nakayi siuti ja ijiatayi ka nakaye siunie Injwajieti Sinia' jijliujwanik?

Lucas 3:22

siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

Lucas 4:18

“Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Lucas 9:35

Japaka'ne siojopa tojma'm siupa jla'lap siupa tamti, ti iyo'ate: —'Nak siu'nie yas, ti ya'am ti aki'me. K'iuyeyi.

Juan 3:34

Siunie ti Sinia' ijliu', yamtik'iji'n siunie iyo niwa Sinia' jlamtis, kajeyepa ti Sinia' ipijlatijnia'm siojona jikimet.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 11:18

Siupapo Sinia' jilis ti ipi'yaye ja Pedro ti kia'iyo, its'iuyet'iyisk'ipe 'ate, iyunitisie pa Sinia' ti iyo'ate: —¡Ijiatp'aneje ti Sinia' iyo pet ka iwo jlosikis ink'iejyisa', ka poye jana ji'wasankiye ti laj jlaja, napo je Judíojos!

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Efesios 1:6

Naka'ne ti it'imina ti awunitie ni Sinia' ti iwints'e'm siunie 'es, naka ti wuj ti kasp'elisijne'n pakayi ti siupi iyone pi jlas siupa ti wuj ti yimi'n.

Colosenses 1:1

Asampey i'lijwas ti jleyejyi jana Colósas, asa'am ti Sinia' jilists'ase'm ti je kak'emisiena. Ya'am Pablok'i'm, Sijwajieti Jesús jijliujwanikk'i'm jayo'ate, ti ajyi siunapo ti jlamt'iyijipe ti jikawos, 'yina tajle jla'am pa Sinia' ti kia'iyo. Ya'am jla'yi 'ni isiecha Timoteo ti ajlok'iase 'ni sip'esinik. 'Esiji ka Sinia' jikap'ijliuskiye siu'neje ni jikamankiye ine'yasap.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

1 Pedro 2:4

Ká atonitiejyi'n ni Sijwajieti, ti jla'am siojona sisaj ti iyo'ate ni i'nio' ti ji'wasankiye po'. Siojona sisaj ti tiwet'ianaja, jlam'ne ki iyo Sinia' jlam ti isi'me, lapakawo ti i'wi'in ti wuj ni laja.

2 Pedro 1:17

Kajeyepa ti sampe ti awakiap ti ijio ape'e jlajak tikijnaki ti toj pijia'm, jlaja Sinia' 'yotat. A'wenajaja ti Sinia' yikiajlayi ni iyo ni jijweye, ape'yak 'neje pi Sinia' jla'lap ti tojma'm ni poli, ti je kia'iyo paka tipe'yak ti wuj ti 'es, ti iyo'ate, “'Nak yas ti ts'amaja. Wuj ti ajonit.”