Mateo 11:21 - Sinia' Jlamtis 1994

²¹ 'Yina iyo'ne 'ate: —¡Asa'am ti as'wet jana Corazín, kia'iyojliyi ti asa'am pet ti as'wet jana Betsaida, aswet'ia japoye! Ka napokaye t'ipi jla'am siunapo yiji jana Tiro, siu'neje napo yiji jana Sidón, kan'wenis siuniwa iyo niwa ji'wena, kiak je iyotaja'ni jla'am, 'yina je k'iejets'i'ni jla'am ka iwo jlosikis ink'iejyisa'. Je kia'iyotaja'ni jla'am ka je 'nots'iji'n niwa ji'wuye siuniwa je isis, jla'yi ka tijlat intatis jitipe'e, ka 'nakajanit ti ilik'i ni jike' iyo, yapilisi ni Sinia'.

Mateo 11:21 ပူးပေါင်းရင်းမြစ်များ

Hechos 12:20

Herodes wuj ti jiwak yi'ne papo ji'wet japa Tiro, siu'neje papo yiji japa Sidón. Jak je iyoyiji'ni ti inikiujlis ti iyo ka ijnoyisi pa anechiyas. Inip'elisinisi siupa jikawo jle' iyo'ate Blasto, ti kia'iyo anechiyas pet, ti yitieyi'i, ijioyisi ti i'yasisi ka inoyeje. Ti'yasanisi ka inkamajas, kajeyepa siupapo Tiro jlele siu'neje papo Sidón jlele pak 'esisi, jlak tajlijisi'ni japa jika ajnat.

Juan 12:21

Japok'ne siojopo ijioyi ja Felipe, siojo ji'wet yi' Betsáidaja, yiji siujlieja ajnat Galilea, ti inip'elisine ka ina'an k'iye ti iyoyits'i 'ate: —'Ni isiecha, awoktajank'iye pet ka'wina pi Jesús.

Lucas 9:10

Ti 'nesat'i'nijpe japok injlojwajnas, ijwilisiam'ne pa Jesús ti yiyeyisi wikie'eyi siupuwa iyoyisi ti t'iskiunk'iji'n. Jesús i'winakit'ne siupa ijioyiji, ti iyone 'ate: —Naja'ni jajiok Betsáidaja.

Marcos 6:45

Yam'niji kiaka, Jesús ijliuye japo t'eyasajnas ti iyone 'ate: —Maj, nana'ni wats'ilaja i'niat ji'wechaja, jajiok ts'iji yi'i jana Betsaida, janijwele kiu' napo i'nio'.

Mateo 15:21

Jesús tal seka'a, ijioye 'niji siujlieja ajnat jle' iyo'ate Tiro, siu'neje jlaja Sidón.

Judas 1:11

¡Jiwet'ia japoye napoka siunapo ti yame pet siunie ji'niayi iyot'iyipi pa Caín! Siojona wikiniet'aj janak 'yakajmank'iji'n kajeyepa ti jikiowe yijni, iyo'ate pak Balaam t'ipi. Inilajnen'ni iyoye'ate pa Coré t'ipi, siu'neje pa jiwet'ia iyo ti no'we papo i'niot'ipi ti 'yajle'n.

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Marcos 8:22

Paj ti yiyet'iyispe 'niji yi'i jlaja ajnat jle' iyo'ate Betsaida, pakayi ti tikiniejayiji pa talok ja Jesús, ti inip'elisinisi ja Jesús ka ink'iejts'e.

Marcos 7:31

Sekyi'i ti Jesús yama'aja ti tal Tírojo, ti iniujwap japa ajnat Sidón. Paj ti yiye 'niji jlaja i'niat Galilea, ti yiji japa ajnat jle' iyo'ate “Itijwa'm Sikioye Isi'il”.

Marcos 3:8

Siuti t'ijieyejayi ti je jwajla'a siupi iyo ti i'winki'n, siupapo Judea jlele ijioyisi ti iyo kan'wenis, siu'neje papo Jerusalén jlele, Idumea jlele, Jordán ti tomi ilia'm ni taj'le ni kilie', Tiro jlele, siu'neje papo Sidón jlele.

Mateo 18:7

¡Wuj ti je 'es siuti poyeta niwaka ti ik'ajlinit napo i'nio' ti iyo ni jike'! Ja ke paja ka inetia'n aska kiowe'e niwaka 'yina awo'ate, ¡naka ni siunie ti jank'ajlinit ni jikiecha ti ja woyi ni jike' ja wujwa ni jiwet'iaye ti ja poye!

Mateo 11:22

Awo'ate asa'm ja ijiatayiji ka inetiejenie'e siojona jloma ti ja ti'yena napo i'nio' siunie iyo, niwa ti ja titiajlataja, janka'm ape'e siupa tiwonat'iyipi papo i'nio' yiji japa Tiro siu'neje japa Sidón.

Hechos 27:3

Jak je iyoyiji siojokia jloma kiecha awakieyi jlaja Sidón. Sek awak'i ti Julio ip'ilisina'ni ja Pablo, jikio' iliena'a kiu wata'a ka ijnoyi japo t'ajajnajwas, ka k'iejliyi pet paka iwoyisi ji'wajieta, ni'ne ka jlaka pa.

Lucas 4:26

'Yina Elías, Sinia' je papoka ka injloyi, 'wenajliyi jla'am siojopa ask'ilieki yi' Saréptaja, je tojwape'n japa isi' jle' iyo'ate Sidón.

Marcos 7:24

Sektaj'le ti tejeye'eje 'niji yi'i puwa isi'il yiji japa ajnat jle' iyo'ate Tiro. Siuti 'nes'ni, ta'ajimpe ti yamit kiajwe japa 'wuk, lapakawo ti je iyotaja ka ti'niejenaja paka tiwonaja, 'yina ijialasata wat paka iniwone ka inijweki'n.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Apocalipsis 6:12

Jlampet ti yiyeyi ti its'isate ape'e siojo ijwienjli sikio' itij'we times tom'niji t'etieje ape'e ja imp'esinik siojo 'wolepo 'woma, siuti a'yenayi, sekyi'i ti poye siojo ti ijiat ti pansak'i ti ajnat ti'wesi. Isiojwayeyiji ni kilie' ti 'yo'me, iyoye'ate siunie ji'wu' jla'a ask'ilieki ti isiojwa'. 'Yina siunie we'la kia'iyojliyi ti isiataje, 'ate iyo ni 'woyis.

Apocalipsis 11:3

'Yina sek jantajlisiap'e siuniwa cuarenta y dos we'lajas ajwel'ni paj ka ineyik'ina'a, ti janwoyi jlamtikie' siuniwa yamtis siunapo ti jijweye jawijna'm. Napoka times i'nio' 'yakawosa', ti ji'wuye jiniliaja niwa 'yuts'iji'n ji'wuye iyo napo ti jika amejyi po'.