Mateo 10:25 - Sinia' Jlamtis 1994

²⁵ Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzebú, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.

Mateo 10:25 ပူးပေါင်းရင်းမြစ်များ

Mateo 12:24

Siojopo Fariséojos ti ipi'yaye japo i'nio' ti kia'iyo, sekyi'i iyoyis'ne pet 'ate: —Beelzebú, siupa jika anechiyas pet napo imose'l, pak iyo jijweyeja' ti iniujwank'i kisie'e.

Mateo 12:27

Siuti jijwela ti pak ijwiye atajleje pa imose'l jika anechiyas siupa Beelzebú jakajliete, ¿ten siupa jijweye iwijna'm siunapo yamk'i siunie jiwoyeyi, kanojwank'i kisie'e niwa imose'l? Napok 'yakajanit siunie jiwoyeyi ti jikamats'iji'n, je ijiatk'i siunie jiwoyeyi.

Mateo 9:34

Jlam'ne pet japo Fariséojos iyoyis'ne 'ate: —Paka jla'am siupa imose'l jika anechiyas jijweye pa yiyi, it'imina ti 'yakajli ti iniujwa'n kisie'e.

Marcos 10:39

Isiujlisie ti iyoyists'i 'ate: —Ja'yakajlaje. 'Yina Jesús iyone'ne 'ate japoka: —Ijiate, siuti asa'am 'wena ja ke awoyeyi, jawoye 'ate awo ti akajli ti ja'yaje siunie pajyi, siu'neje ti ja'yakajli ti janilayiti ti siunie a'tiek'i.

Marcos 3:22

Jak je iyoyiji siupapo taka'neyasane pet pa Moisés jika'neyasajnaye ti tal 'niji yi'i jlaja Jerusalén, ti ijwilis ti iyo'ate: —Beelzebú, siunie imose'l jika anechiyas, nak tajleje ni jijweye siu'nie i'nio', it'imina ti 'yakajli ti iniujwank'i kisie'e siuniwa imose'l.

Lucas 11:15

Po' papo iyo'ate: —Beelzebú, imose'l jika anechiyas, paka ti iwijna'm ni jijweye, it'imina ti 'yakajli ti iniujwank'i kisie'e.

Lucas 11:18

'Yina kia'iyojliyi pet ni sitiejiejwa imosik, siuti janik'isa siuniwa imose'l, janetiajne'n, sekjane'yi ka inetianana'a pet ni iyo ti iyo anechiyasa'. Awoyi kajeyepa ti jikanitiejyi ti jijwela ka pakaye Beelzebú ka ijwiye itiajleje, ti anojwank'i kisie'e niwa imose'l.

Lucas 11:19

Siut'itie ka kiak inwo siunie jiwoyeyi ti jijwela', ¿ten jiat'eje siupa jijweye iwijna'm siupapo yit'iyipe ti asa'am ti iniujwank'i kisie'e puwa imose'l? Napoka'ne ti 'yakajanit astepe'e ti jikamats'iji'n, je ijiate siunie jijwela'.

Juan 10:20

'Loj japo iyo'ate: —¿Yot'iyi'ni ti jik'iuyeyi, ti imosik yiji, jitiej je 'es?

Juan 7:20

Iyo'ne 'ate japo i'nio' ti isiujlie: —¡Ataj je 'es! ¿Tempa iyotaja ka inla'an?

Juan 8:48

Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.

Juan 8:52

Iyo'ate japo Judíojos ti isiujlie: —¡Ijiate ti awok'ija 'ate ti ajwela ti imosik yi' awa'm! Jlam'ne siupapo injwejlanawos t'ipi pajk'i ti 'yajle'n, Abraham kia'iyojliyi, ti jiwo'ate ti jlamti, “I'nio' ni janwo niwa yamtis ja ke inetia'n.”