Mateo 10:22 - Sinia' Jlamtis 1994

²² Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'.

Mateo 10:22 ပူးပေါင်းရင်းမြစ်များ

Mateo 10:39

I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.

Mateo 24:13

Ja jlama pet siunie i'nio' ti ja ke k'asa'a, siunie iyo ti je sakakiu, 'nak janjwa'.

Mateo 24:9

“Ti asa'am ja inekiajlayi siunie ti ja anilayitieyi, ja inlanajajyi'n asa'am ti jiniamajyin'ni ijyik'i, naka 'neje ti jant'emina ti ja tini'wajak'iase'm.

Mateo 5:11

“Sinia' wuj ti imp'elisina' ti asa'am siunapo i'nio' iliaki ti jikinieyi siu'nie awo, siu'neje ti teje'yi aselia'm k'iejliyi siunie iyo kawo'nase ti inlakiye.

Marcos 13:13

Ja lajak'i ape'e 'ni ajnat ka inlesana', 'yina ja tini'wajak'iase 'yaka ya'am ti jat'imi'nase ti jikinieyi siunie awoyi, 'yina siunie i'nio' jankatate ti janwoyi siunie iyo niwa yamtis, janakayena'a ni janjwa'.

Lucas 21:17

Siuti jikinieyi siu'nie awo, siunapo i'nio' yi' ape'e 'ni ajnat ja wikie'eyeyi ti jane'wa'ase'm ya'am ti jat'imi'nase.

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Juan 17:14

Pajk'i ti ajwejla'm siunie iyo niwa amtis, 'yina siunapo yi'i 'ni ajnat ne'wajasi, 'yaka je 'wet 'ni ajnat, iyoye'ate awo ti ya'am ti je i'wit 'ni ajnat.

Juan 7:7

Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.

Hechos 9:16

Ja'winkijna'm ti jayama ti jat'imina ti ja wujwa ti janilayiti siunie ja tiwonaja.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

2 Corintios 4:11

Siuti sa'am ti kas'wasajne'n ti akiniek'i pa Jesús, naka ti kassekiajlaja siunie siliaye ti kaslanaja'n, kajeyepa ti ja 'nakayeyijna'a pet ti kiak jawo jana ji'wasankiye jankaj pet siwa'm, ti janejyi'ni siunie ts'isie'n ti je t'o'n.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

Hebreos 6:11

'Yina awotajan pet k'iye ka injwanjliyek'i'ni, ká aleyeyi ka niwa'asitiejyi'n siunie jiwoyeyi ti janikajanitieyi paj ka awayeyinie'e ni jlaj yi'i, 'nakayi ti ja wakajla siunie iyo ni asnejejwiye.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

1 Jn 3:13

I'lijwas, ajwel'ni je inesi'lieta siunie iyo'nase napo taj'le pet ni ajnat ti ne'wa'ase'm.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”

Apocalipsis 2:26

Siunie i'nio' jwajla'a iyo'ni ti jant'a'n ape'e ni siunie jitiejiejwa, siu'neje ti jitiej je ilie'ne ti iyoyi siunie ajloyeje ka iwoyi, 'yina jajnok'i'ni paj ka ineyeyinie'e siunie jlaj jane'yi, nak jayojwa'n anechiyasa' ti jan'yena pet wikie'eyi siuniwa ajnatis.

Apocalipsis 2:3

Jlampet siunie ti jinia'm ijyik'i je jlase' siunie ti jinilayiti, 'yina je wojliyi wek ka intasite, siu'neje ti ataj je lie'ne wek.

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.