Mateo 10:19 - Sinia' Jlamtis 1994

¹⁹ Siuti kiak jawo ti ja inekiajlayi, ke injlak'alayiji'n siupa kawoyeyi ti ja amtiyets'iji'n, siu'neje pa as'lej jawonayi. Sinia' jla'am janwe'nase'm siupa jawoyeyi ti ja amtiyets'iji'n.

Mateo 10:19 ပူးပေါင်းရင်းမြစ်များ

Mateo 6:25

“'Nak ajwe'lase'm ti awo'ate, Ká awoye asjlak'aliye ti jawoye'ate, ¿Tent'ipa jats'esi? Ke injlak'aliyejyin'ni k'iye siupa jatowa', siu'neje ni ja'yayejyi'ni, siu'neje ni ja'wuyejyi. ¿Ma je t'i 'yaka'm ape'e ni laja iyo jana a'wasankiye siunie jitiujw? ¿Tepi iyo pet ni 'ajwes: jet'e 'yaka'm pet ape'e siuniwa jit'iuts'iji'n?

Mateo 6:31

“Ká awoye asjlak'aliye, ka woye'ate, ¿Tent'ipa jatiuwa? ni'ne ka woye'ate, ¿Tent'ipa ja'yaki? ni'ne ka woye'ate, ¿Tent'ipa ka'yuk'i?

Mateo 6:34

“Ká awoye asjlak'aliye siunie ti jiwoye'ijyi 'ate, ¿Tent'ijyi ni ja'wi'in ka jlomata? ¿Jot'e ka je ak'iujwap'eje jiwekie'e ka jlomaye siunie injwesiejejyi'n k'iye ti jiwo ka woyi? ¡Jlam'ne je pini' siuniwa wask'i'nelaja je 'najane pa ka wone!

Lucas 12:11

“Siuti ja tikinie'ase ti ja ijnokieyiji napo ijnosikis jiwos, ni'ne ka ijnokiji napo anechiyasas, ni'ne ka ijnokieyiji napo i'ye'en napo jitis wus, ká awo jlak'aliye siupa jawo ti ja amti astepe'e, siupa as'lej janojwata'yi.

Lucas 12:12

Je ijiate ka je 'najanayi siunie as'lej janojwata'yi, kajeyepa ti janak Sinia' jikimet ti 'es ti janoye'ase'm ti ja i'neyasana.”

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.