Mateo 10:14 - Sinia' Jlamtis 1994

¹⁴ Siuti ja ke inki'm aselia'm, jla'yi ti ja ke ink'iu'wase'm siunie jijwela', ja atajlayeyijpe japak 'wuk, ni'ne ka isiye, sekjane'yi ka patajieyits'ipe niwa asatis.

Mateo 10:14 ပူးပေါင်းရင်းမြစ်များ

Mateo 10:13

Siupapo i'nio' sek ji'wet'e, ti jijwela ka 'esieyiji ka inejiap nak inkamankiye, ijiate napok ja 'wanjliyejap nak inkamankiye. Jlampet siunapo ti jijwela ka je 'esieyiji, siunie inkamankiye inapilie'asenie'e, ja ke inejiap.

Mateo 18:5

Siunie janki'm ilia'm siunie kia'le naka'ne siunie na'am ijyik'i, ijiate je 'wena paka inki'm ilia'm, ya'am ti isi'm ijyilia'm.

Marcos 6:11

Jane'yi siojopa ajnat jijnieyeyi, siuti ja ke inki'm aselia'm siu'neje ni jikinieyiji'n ti ja ke inwo ka ink'iuyisie, sekjane'yi ka tajlayeyijpe, sekjane'yi ka ajnat alanayejyits'ipe niwa asati' ja'nakayeyi ti jan'wena siunie jiwonayi, jitiej inenayisijna'a 'ate ti jitis po'.

Marcos 9:37

—I'nio' ni jane'yi ni janki'm ilia'm ni kia'le 'ate iyo 'ni siu'nie, lapakawo ti janakaye jla'am ni yi'i ti janeyi, kia'iyo lapakawo ti je 'wena paka inki'm ilia'm ya'am ti isi'm ijyilia'm ni i'nio'. 'Yina je yamkata ka inki'm ijyilia'm, kia'iyo isi'm ilia'm ni siunie sijliu'.

Lucas 9:48

Kiak t'ipa iyonayijipi: —I'nio' ni janki'm ilia'm siunie kia'le iyoye'ate siunie na'm ijyik'i, ijiate ya'am ti isi'm ijyilia'm. I'nio' ni isi'm ijyilia'm, nakayep'ajne pet siunie ti isi'm ilia'm siunie I'nio' sijliu'. Jla'm ijiate jla'am siunie i'nio' je 'esijiyi ti lajk'iyipa kawo ti jane askiowe'e, nak ijiate ti t'an pijia'm.

Lucas 9:5

Siuti japoye papo ti ja ke inki'm aselia'm, siupa isi' jloyetaja, sekjane'yi ka tajlayeyijpe, sekjane'yi ka asatis apatajiets'ipe k'iye, 'nakayi ti jan'wenis ti ijiate ti jiwet'ia japoye, kajeyepa ti je isimits'i aselia'm.

Juan 13:20

Ijiatk'i siunie jajwi'il ti awo'ate, Siunie i'nio' isi'm ilia'm ni siunie ajlo' pet, nak isi'm ijyilia'm. 'Yina jlam pet ni isi'm ijyilia'm, nakaye pet ti isi'm ilia'm siunie I'nio' sijliu' pet.”

Hechos 13:51

Pablo siu'neje ja Bernabé jisieti t'ipa ipiatat'ijyits'ipe, ti 'yakajanit ti jitis je jwajla'a papo i'nio'. Sekyi'i ti yamat'i'nijpe ti ijioyisi siojopa isi' jle' iyo'ate Iconio.

Hechos 18:6

Jla'm iliakiyisjli pa Pablo, ti tejeyis ilia'm, jak je iyoyiji'ni ti ipiatits'i puwa ji'wuye, ti 'yakajanit ti wuj ti jitis poyis, sekyi'i iyone'ne 'ate: —Ja asama'yasa'm ti janit'emina ni siunie ti janetiana, je ani'noti 'naka. 'Nak jatiaj'le ti jajioyi siunapo je Judíojos.

1 Tesalonicenses 4:8

Jak je iyoyiji siunie i'nio' ti iliaki naka inka'neyasajnaye, je paka ka i'nioye ka inlaki. Iliaki pa Sinia' ti iwints'e'm janaka jikimet ti 'es.