Marcos 9:25 - Sinia' Jlamtis 1994

²⁵ Jesús i'ye'en ti 'loj papo i'nio' ti ikapajle, sekyi'i ijyijlitayi ti ijliu' kisie'e paka imosik ti yiji pa jwemik, ti iyone 'ate: —¡Imosik ti je pechijien'ni jla'yi ti jiwojwa'n 'ne'liaja 'ni siu'nie jwemik, tal 'naka'a 'yina ká ekiajlena'a ka 'ojia'm 'ni jwemik!

Marcos 9:25 ပူးပေါင်းရင်းမြစ်များ

Mateo 12:22

Jesús titiunieje siojo i'nio' jitiej je 'es, ti talok jla'yi ti 'ne'lia. 'Yina Jesús ijwiejiet jaka sekyi'i 'esiji ti i'wijne'n jla'yi ti tamti.

Mateo 17:18

Sekyi'i Jesús ijliu'ne kisie'e siupi iliaki, ti iyone'ate: —¡No kisie'e! 'Yina jakayik'i'ne ti 'esie jak jwemik.

Marcos 9:15

Jak je iyoyiji ti i'winayis ilia'm ja Jesús, jlam jnots'inayijits'i'ni, sekyi'i t'osiyeyis ilia'm ti itijwilisie.

Marcos 9:24

'Yina iyo'ne 'ate pak jinia' pa jwemik ka kia'iwo ka inilaki: —¡Je akakiu! ¡Jakajliete, noyijk'i'm 'nakayi ti ja ijiatayiji pet ti ja itienkiujnieye poye!

Marcos 9:26

Sekyi'i ti tajwiyeje'n siupa imosik, 'yina yikiajlayi'iji ti itiete pak jwemik ti jiwekie'aja t'ipi ti tajli, 'yiniye ka ijiatayi ka 'na'al. Jak je iyoyi siupapo i'nio' ti i'winayis, sekyi'i iyoyis'ne 'ate: —Ijiatp'aneje ti 'ya'al.

Lucas 11:14

Jesús iniujwa'n kisie'e pa imosik ti yiji pa i'nio' ti iyojwa'n 'ne'liaja. 'Yina ti iniuyet'ipi kisie'e, sekyi'i 'esieyiji ti tamti pa i'nio'. Wuj ti jnots'ijnits'i papo i'nio' ti i'winayis ti kia'iyo.

Lucas 4:35

'Yina Jesús iyo'ne 'ate siupa yiji, ti ijliuye: —¡K'iu'wate, tajli siu'nie i'nio'! Sekyi'i itiete'ne pa i'nio' seka'a ajnat'e jikiowe'e papo i'nio' ti tajlat'iyipi pak imosik. Lajk'i wekie'e ka k'iejliyeyi paka inwone pa i'nio' ti tajlaja'm.

Lucas 4:41

Je pini' siupapo je isis ti imose'l tajlits'i, ti iyo'ate ti tajwits'iji'n: —¡A'am ti Ina' jlajts'a'm! Jesús isilaja puwa imose'l ti ijliuk'i kisie'e, je yine 'ate ka intamtits'iji'n, kajeyepa ti 'yijene pi iyonisi ti paka ti Injwajieti ti Sinia' jijliujwanik.

Lucas 9:42

Siupa jwemik ti ijioyeyi, yamat'ipi isia'm paka jla'am siupa yiji ti sek itiete'eje'n jiwekie'e, sekyi'i ti jiyel netiana. 'Yina Jesús tamti'yi'ne siupa yiji, ijwiejiet'ne pak jwemik, sekyi'i yikiajlayi pa jinia'.

Hechos 16:18

Je ijwienjliyiji ka kiak je iwo'ni, ti nam'ni sek'i, paj ti Pablo 'netajayi. Sekyi'i ti tejeye ilia'm, iyone'ne 'ate siupa imosik pa yiji: —Etijnape pa Saka'niona Jesús jle' ti Sijwajieti, ¡tajli siujlie'e asejnia! Ka pajayi wata'a ti iniuye kisie'e siupa yiji, jlajaka asejnia.

Judas 1:9

Siupa injlojwanik poli jlele Miguel, ti jlamata pet ti ijia jika anechiyas, 'yina t'otale je t'oni ka kiak ji'lij iwone, siupa ti iniewiti pa imosik ape'e pa t'ajwes masa pa Moisés. 'Yina Miguel je yits'e ka kiak iwone 'ate pa imosik, “¡Ates po'!”, 'wenajliyi ti iyone 'ate, “¡'Esiji ka Saka'niona jlama jla'am ka insela'm!”