Marcos 9:17 - Sinia' Jlamtis 1994

¹⁷ 'Yina tamtiye siupa ijwienjli yits'e yiji papo i'nio' ti iyo'ate: —Ika'neyasajnayewo, anamtaja'ajajyi 'ni yas, tiwet'ia, siupa iliaki iyojwa'n 'ne'liaja.

Marcos 9:17 ပူးပေါင်းရင်းမြစ်များ

Mateo 12:22

Jesús titiunieje siojo i'nio' jitiej je 'es, ti talok jla'yi ti 'ne'lia. 'Yina Jesús ijwiejiet jaka sekyi'i 'esiji ti i'wijne'n jla'yi ti tamti.

Mateo 17:15

—¡'Yaka'niona, p'elisi'n wat 'ni yas! Wuj ti je 'es ni jiliaye iyo. Siuti yiyetaja ni iyoyi, ni'ne ti iniuye'eje wata'm, ni'ne nakaye'eje ni i'niat ti iniujwa'm.

Mateo 9:32

Jlampa iniuyek'i kisie'e japoka, po' japo i'nio' namisiji ja Jesús siojo i'nio' ti imosik iyojwa'n 'ne'liaja.

Marcos 10:13

Sekyi'i Jesús titiuniejanijipi papo kia'lis ka jikio' nenk'i ape'e, 'yina siojopo t'eyasajnas 'yakawonisi papok i'nio' ti itiuntiejesi'ni.

Marcos 5:23

ti iyone 'ate ti wuj ti inip'elisine: —Yase' jlaja je pi i'niokiyeyi. Nam kiu' wat ijyik'i. 'Esiji ka akioye e'n ape'e 'nakayeyi ti ja 'esie siu'neje ka 'wasana'.

Marcos 7:26

Siojopa i'nioki sek je 'wet'e, siojopa ajnat Fenicia ti yiji japa Siria japak tajle. 'Yina wuj ti inip'elisine ja Jesús ka inojwa'n kisie'e siupa yiji japa jlase'.

Marcos 9:16

Jesús sekyi'i i'yasa'm ti iyo'ate: —¿Ten siupa jinitajlatayi ti jiniewitie?

Marcos 9:18

Yi'iji siupa yi'i, ti yiyetaja iyone jla'am pa iliaki sek itietayi'iji 'neje, 'yakaja'aja ni jisiep ti tal jikiwitk'i, sekyi'i ti jikinte yasa'aja, 'yina jiyel initiajnata'aja, je k'asayik'i. Ajotiejeje'ijyi napo 'eyasajnas 'yina je ikajle'n inta ka inojwa'n kisie'e siupa iliaki.

Marcos 9:25

Jesús i'ye'en ti 'loj papo i'nio' ti ikapajle, sekyi'i ijyijlitayi ti ijliu' kisie'e paka imosik ti yiji pa jwemik, ti iyone 'ate: —¡Imosik ti je pechijien'ni jla'yi ti jiwojwa'n 'ne'liaja 'ni siu'nie jwemik, tal 'naka'a 'yina ká ekiajlena'a ka 'ojia'm 'ni jwemik!

Lucas 11:14

Jesús iniujwa'n kisie'e pa imosik ti yiji pa i'nio' ti iyojwa'n 'ne'liaja. 'Yina ti iniuyet'ipi kisie'e, sekyi'i 'esieyiji ti tamti pa i'nio'. Wuj ti jnots'ijnits'i papo i'nio' ti i'winayis ti kia'iyo.

Lucas 9:38

Tajlat'ipi ts'e jikiowe'e papo i'nio' siupa i'nio' ti i'yask'i'ni pa Jesús, ti iyo'ate: —Inka'neyasajnawo, sip'elisin wata'a. 'Yejne'n pet 'ni yas ijwienjli,

Juan 4:47

Ti t'ijieyeyi ti yi' Galiléaja ti tal Judéaja, yam'ne ti ijioyi ti inip'elisini ti iyo'ate: —'Yaka'niona, kawo wata'a ka na'm ijyik'i i'wite, ka ajwajiet ja yas ti je pa 'esieyiji. Majleyeyi ka 'na'al.