Marcos 9:14 - Sinia' Jlamtis 1994

¹⁴ Jlajmiliet, siuti yapilieyi siupa yi'i japo t'eyasajnas ijia, sekyi'i i'winayi papo 'nak nojwa'm jiwos pet pak Moisés jika'neyasajnaye ti iniewitiji'n japo t'eyasajnas.

Marcos 9:14 ပူးပေါင်းရင်းမြစ်များ

Marcos 11:28

Iyonisi'ne 'ate ti i'yasis'ni: —¿Tepa jitiajle'e siunie ajweye ti jikajli ti kiak jiniwone? ¿Tempa yikiaj'la naka?

Marcos 12:14

Siuti yiyisi iyonisi'ne 'ate: —'Yaka'niona, kasts'ajane pa awona ti a'am i'nio' je niliak'ia'm, jla'yi ti je inkajli siunie iyo napo i'nio', kajeyepa ti je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane. It'imina ti ja'yasaja'n ti jayok'iate: —¿Ma 'est'iyiji ka 'yakat'inie ape'e niwa inkat'ijnieyejes anechiyas Roma jlele t'ajla'ni napo, ni'ne ka jeye? ¿Ma jatisie ni'ne ka ejloye'e jiwekie'e?

Marcos 2:6

'Yina ti sekyi'i ti yik'iji'n papoka taka'neyasane pak Moisés jika'neyasajnaye, jitienkiujnieye iyonisi 'ate ti yinisi'ni jikiowe'e, ti ipi'yayisie, ti kia'iyo:

Marcos 9:13

'Yina ya'am ajwe'lase'm ti Elías pajk'i ti 'nes, itimisi siukia iyo kanwonisi, iyo niwa inamtis siukia jiwet'ia jawoyi.

Hechos 19:8

Pablo jika we'lajas najape ti sekyi'i japak isi'. Jika jlomas je initiajnati ti ijioyi'ni japa t'ajla'wet papo Judíojos, t'otale t'o'n ti ijwi'il pa Sinia' jika anechijiayas, ti ijialasta ka 'najanisi siupa iyo ti ijwijla'm papo i'nio'.

Hebreos 12:3

Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.