Marcos 9:12 - Sinia' Jlamtis 1994

¹² Jesús isiujlie ti iyo'ate: —Ja ijiatayi, siunie ti Elías jana'an ti ja'nes, 'yina janakaye'ne siunie ti ja'notatk'i wikie'eyi siuniwa wask'i'nelaja. ¿Tempa it'imina siuniwa inamtis ti ijwi'il pa I'nio' Jlas ti ja wujwa ti janilayiti siupa ja tiwonaja, siu'neje ti jawoyisi jiliakikie?

Marcos 9:12 ပူးပေါင်းရင်းမြစ်များ

Mateo 16:21

Sektaj'le ti Jesús inijwelaja'm japo t'eyasajnas ti iyo'ate: —'Yejne'n, je 'esiji ka je ijio Jerusalenne kajeyepa ti sek ja senaja'a siunie ja tiwonak'i ti ja wujwa ti janilayiti, ni janwonk'i napo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye. Napok ja silia'an, 'yina jlomas janajapeja janiu kisie'e ti jatiajla'm ni a'no'.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Marcos 10:33

Kiak t'ipa iyonayipi 'ate: —'Yejne'n, siuti ajok 'niji yi'i jana Jerusalén, ja pakayeyi siupa ti I'nio' Jlas ja tekiajla kiojyi napo i'nio' pa'yijis jika anechiyasas, napoka 'neje jla'am siunapo jiwos pet na Moisés jika'neyasajnaye. Jawoyisink'iye ka inlanis, sekjane'yi ka inekiajlayisinie'e napo i'nio' Roma jlele.

Marcos 9:13

'Yina ya'am ajwe'lase'm ti Elías pajk'i ti 'nes, itimisi siukia iyo kanwonisi, iyo niwa inamtis siukia jiwet'ia jawoyi.

Marcos 9:31

Lapakawo ti jla'am 'yakatatjliyi ti 'yiyasajne'n japo t'eyasajnas ti iyone 'ate ti ijwijla'm: —Siunie I'nio' Jlas ja tekiajla jikiojia'm napo i'nio', siunie janwonisi ti janlanis. 'Yina ja jlam'neja pet siunie jawoyi jlomas janajapeja ja inoyena'a kisie'e ti jantajli ni a'no'.

Lucas 1:76

Siuti a'am, yas, siunie e'e ti iyo'ate Jijwejlanik Jiwo pa Sinia' Wuj, kajeyepa ti a'am ti janajne'n k'iye ni Saka'niona, ti ja 'nakajlanit ta'a k'iye siunie jano'we.

Lucas 23:11

Herodes jla'yis papo jika tokis wuj ti iliakiyis, iyonayisi 'ate ni i'nio' jiniliak. 'Yujienayisk'i siupuwa isis lotakijnies, ti iyo'ate ni ji'wu' ni anechiyas wuj. Itimisi siupi iyonisi ti iliakiyis, sekyi'i ti yikiajlat'iyisi'iji pa Pilato.

Lucas 23:39

Ijwienjli'ne siupa papo kajlajnatas ti ji'lij yeje'ni pa Jesús, ti kia'iyo tena pijia'm, iyone'ne 'ate: —¡Siuti ijiate ti a'am ti Injwajieti'a'am siunie Sinia' jijliujwanik, nijwajiet, jla'yi ti sa'am ka kasjwajietana'a!

Hechos 1:6

Iyo'ne 'ate japo, siojopo nojt'iyijipi pa Jesús, ti i'yasis'ni: —Saka anechiyas, ¿jop'an ka ekiajli'ijyi napo Israel jlele ni jika anechijiayas?

Hechos 4:11

Sinia' jlamtis t'ipi iyoyet'ipi 'ate: “Siojona sisaj ti 'wukiu'ul jiwos iwit'iane, janakp'an sisaj ti ijiateje jla'am ti 'es.” Siojopa sisaj naka ni Jesús,