Marcos 8:38 - Sinia' Jlamtis 1994

³⁸ I'nio' ni ja'najwelk'i ka sijwe'el, jla'yi ki iyo niwa yamtis jitieyi'i papoka i'nio' ti je isis yiji siu'niwa jlomas awak'i ti iyoyi ni jike', 'yina siunie I'nio' Jlas ti janapimet, ti siupi jit'iuni pi Jinia', siu'neje papo jijliujwajnas poli jlele ti isis ti janamik'i, kiak jawo ja'najwejle.

Marcos 8:38 ပူးပေါင်းရင်းမြစ်များ

Mateo 12:39

Jesús isiujlie ti iyo'ate: —¡Siu'nie jloma 'napo i'nio' ijiatayi'neje ti je 'esijiyi, siunie iniwonisi ti wuj ti je 'es, je pi iyoye 'ate ni iniwone napo ijia i'nio'! 'Yina ja ke 'wena janwoyi siunie iyoyisink'iye kan'wenis naka na iyot'iyipi ti ti'wenkinaja papo i'nio' siupa jloma yiji pa Sinia' jijwejlanik jiwo Jonás t'ipi.

Mateo 13:41

Siunie I'nio' Jlas janjlo' napo jijliujwajnas poli jlele, ti janekk'i'ni siunapo i'nio' ijlijni'ni siunapo yiji pet ni Sinia' jika anechijiayas, siunapo isima ni je 'es, siu'neje napo it'imina'ni napo ijia ti iyoyi naka je 'es.

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 16:4

¡Siu'napo i'nio' siu'niwa jlomas ijiatayi'ne ti je isis, jla'yi ti kakiujnietas! Ti iyojonk'iye kan'wenis paka k'iejliyeyi ka ti'wenkinaja, ja ke 'wenayeyi siunie ja ti'wenakinaja naka ni siunie iyot'iyipi pa Jonás. Itime ti kia'iyo, ti yama ti tajla japo.

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Mateo 25:31

Jesús je iliyi ti tamti ti iyo'ate: —Siunie I'nio' Jlas ti ja'nes, janejyi siunie iyo ni jijweye, jla'yi ti ja jla'yisa' napo jijliujwajnas poli jlele, jane'yiji'n siojona ji'wet ti 'es ti jlam ti anechiyas.

Mateo 26:64

Jesús isiujlie ti iyo'ate: —Siunie jiwone. Jajwi'lase'm 'neje siu'nie, ti je ijiat ka je a'wena' ni I'nio' Jlas ti janejyi'n 'nijiye jijweyeje ni Sinia' ti lajk'ipa ka ijnojliji, siu'neje ti jana'am ti janejyi jana poli.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Marcos 13:26

Japakayeyi'ne ti ja ti'wena ilia'm ni I'nio' Jlas ti jana'am ti janejyi jana poli ti janejyi ni jijweye ti je jlase' siu'neje ni jiwunitieyi.

Marcos 14:62

Jesús iyo'ate ti isiujlieyi: —Ji'yu, ya'am. 'Yina siunie I'nio' Jlas je ijiat ka já a'wena' ti janejyi'n 'niji jijweyeje ni Sinia' ti lajk'ipa ka ijnojliji, siu'neje ti ja'nes ti janejyi jana poli.

Marcos 8:37

¿Tepat'e jak'ieye 'neje japa intej'we ka inkat'ini jitipe'e ka ji'wasankiye poye?

Lucas 19:26

Pak anechiyas iyo'ne 'ate, “Jajwi'lase'm, siunie pota'a jana yiyi, nak japoye'eje jana ja tiwenaja'me, jlampet siunie ti lajk'iyi japa ka ineyi, kia'iyojliyi pet ja talaja'aja siojona je wuj ti yiyi.

Lucas 9:26

I'nio' ni ja'najwelk'i siu'neje niwa yamtis ti ja'najwejle, I'nio' Jlas kiak janwo'ojyi pet ja'najwe'l ape'e, ka 'nesta ti ja ke jlasiye ni jijweye janwo, ti jantajleje ni Jinia', siu'neje napo injlojwajnas poli jlele ti isis.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:51

Jesús yine'ne ape'e ti iyo'ate: —Ijiate siunie ajwe'el ti awo'ate, ti ja'wena ni poli ti ja 'ajlaja'm. Ja'wena napo Sinia' jijliujwajnas poli jlele ti janekiajlin'ni ape'e ni I'nio' Jlas, 'wena napo janekiajlin'ni kiajwe.

Juan 12:34

'Yina iyo'ne pet 'ate japo i'nio' ti isiujlie: —Siuniwa inamtis t'ipi niwak it'imina ti kasts'ajane pi awonaja ni Injwajieti ti Sinia' jijliujwanik ti ja ke paja ka netia'n. ¿Yot'iyi'ni ti jijwe'el pi I'nio' Jlas ja tena pijia'm? ¿Tent'i pak I'nio' Jlas, siupi jijwel'ni?

Juan 5:27

Siu'neje ti yikiajle ka 'nakajanit napo i'nio', ti jla'am ti I'nio' Jlas.

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 1:16

Siunie Sinia' jika'niye 'yajwejli je yiji, kajeyepa ti naka jijweye jla'am, jak je iyoyiji wikie'eyi siunapo ja ke inkakiuyis napok janjwajyi'n. Janajnatana'a napo Judíojos, sek jane'yi ka napokayena'a pet siunapo ti je Judíojos.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

1 Tesalonicenses 2:19

I'lijwas, siuka 'nesta pi Saka'niona Jesús, ja ke 'wenaye papo ti jant'emina ti japoye ni sinijijwiyeja' jla'yi ni ja inikanitiejeyeja', 'yina 'yiniyijna'a ka wo 'ate ti janitonitieje astepe'e ti kiak jawo, jitieyi'i jla'am pi Sinia'.

1 Tesalonicenses 3:13

'Esiji ka ijiatayiji ka inoyeje ni astankiujnieye, 'nakayi ti ja asjweye japoye, 'nakayi ti ja insisie, jla'yi ti ja lajak'ipa ka k'iejliyeyi paka astes iwo jitieyi'i ti jlam pa Sinia', ka 'nesta pa Saka'niona Jesús, ti janapi ajnat'e ti ja jla'yisayisik'i papo jilis ti isis. Amén.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

2 Timoteo 1:16

'Esiji ka Sinia' imp'elisimpe siojopo Onesíforo ji'wet jlele, jlam ti 'yuk'i 'neye ti yi'ni ijiap, ti ajyi jlaja insat jiwe, ka kia'awo ka 'najwel itipe'e ti ts'otie a'laja'm.

2 Timoteo 1:8

Nak it'imina ti awo'ate, 'esiji ke 'najwel ti jijwe'el ni Saka'niona, jla'yi ti ja ke i'najwel itipe'e siuti ajyi jla'a insat jiwe, lapakawo ti naka ti it'imink'i ti anoyeje. 'Yina noyeje pet siunie ti anilayiti ape'e niwa Sinia' jlamtis, je lajk'i ki iyo ni ajweye ti jitiajleje ni Sinia'.

Hebreos 11:16

'Yina jla'am jitiej yamitjliyisi'ni pet siojopa ti ijiate jla'am ti 'es ti itiliajasi, ka iyot'e 'ate siojona ji'wetis ti yi' poliyi. It'imina pet ni Sinia' ti je 'najwejle ti kiak tiwonaja ti iniwone Jiniaye' papoka, 'yina ti pajk'i ti itime ti iwiakajlanit k'iye siunie isi' ti ja ji'wetayis.

Hebreos 11:26

'Yina ti 'yiniye ka wo'ate, “Siunie ti i'nio' siliakiyetaja ti nak akk'i'ni ni Sijwajieti, awo'ate siunie jwajla'a i'wi'in.” 'Yina jikiowe je yapili'ni siuniwa wask'i'nelaja isis yiji jana Egipto, lapakawo ti kia'iyo jitiej iyoma siunie Sinia' jawoyi jikajaye ti janwejna'm.

Hebreos 13:13

Siuti sa'am 'yiniye ka kiak iyoki, ti awaki japak isi', sekyi'i ka inaja'ni ti atajlaja'm japaka ti ajoki pa Jesús. 'Yina wuj ti anilayitieje siunie ti tiwet'ianats'e tiwonat'iyijipi pet.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Jn 2:23

I'nio' ni 'yakakiu ni Sinia' jlas, tepa janwo ka Sinia' inejiap pet. Jlampet ni i'nio' ni ijiate ti je 'yakakiu ni Sinia' jlas, tepa janwo pet ka Sinia' je inejiap.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

Apocalipsis 14:10

jan'yaje siunie at'es ti i'niat je tisiayeje ti naka Sinia' jiwak ti jla'am pajk'i ti iwiakajlanit ti isiajia'm siojona inat jiwe. 'Yina janejyi ni jijliak'ali yi'i ni jwat siu'neje ni azufre, jitieyi'i napo Sinia' jijliujwajnas poli jlele ti isis, jitieyi'i 'neje ni 'wolepo 'woma.