Marcos 8:34 - Sinia' Jlamtis 1994

³⁴ Sekyi'i ti tanayi japo t'eyasajnas papoka 'neje jla'am papo i'nio', ti iyone 'ate: —I'nio' ni jane'yi ni jawo kayo 'yiyasanikie', ka jnotieyikiunie'e ts'iji siunie ti jla'm ti itiliaja ka woyi. Ka intejliajana'a jana jika cruz sekjane'yi ka inamana'a ijyik'i.

Marcos 8:34 ပူးပေါင်းရင်းမြစ်များ

Mateo 10:38

I'nio' ni je itijlia jana jika cruz, ka ina'm ijyik'i, je 'yu'we ka iwo jika'nionajak'i'm.

Mateo 16:24

Sekyi'i Jesús kiak iyonayi japo t'eyasajnas: —I'nio' ni jawo ka iwo 'yiyasanikie', 'esiji kanleyi siunie iyo ti jla'am siunie iyo'neje ni jikijmaye, jantejlia jana jika cruz, sekjane'yi ka inamana'a ijyik'i.

Mateo 27:32

Jlampa yama'ni ti yamisk'i, 'nayiji sek isiutieyisi'i ni i'nio', siojo jle' iyo'ate Simón, Cirene jlele. Jaka'ne ti its'iuyeje ti itijlia jlajak Jesús jika cruz, kajeyepa ti tijliukieje.

Marcos 10:21

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Marcos 7:14

Jesús sekyi'i ti tanayi papo i'nio', ti iyone 'ate: —K'iuyek'i'm, tejnisiek'inie'e siu'nie jayo:

Lucas 13:24

—Jwajla'a wata'a pa ka woyeyi, 'nakayijna'a ka akajlajyi ka 'oyeyi naka ni 'wuk kiwet ni je k'isaja'm. Jajwi'lase'm ti ja 'lojwa napo i'nio' ti jawo ka 'noyi nak 'wuk kiwet ti je k'isaja'm, 'wanjliyi ja ke inkajli ka 'noyisi.

Lucas 14:33

“Kiak iyo ni i'nio' ti je ijiut 'niji siuniwa i'wi'in, ja ke ikajli ka inwo 'yiyasanikie'.

Lucas 18:22

Jesús ti ipi'ya ti kia'iyo, sekyi'i iyone'ne 'ate: —Mawat ijwienjli ni netia'n. Wen'ni siuniwa wask'i'nelaja niwa ji'we'en, tej'wena'a siojona ja lajaye ka wenajamna'a napo p'ijliusis, jane ts'ijiye niwa akijmatis poliyi. Ka jla'm ijiatayijna'a ka naj, ka anamana'a ijyik'i.

Lucas 20:45

Wikie'eyi papo i'nio' its'iuyisie'ni pa Jesús, kiak t'ipa iyonayipe japo t'eyasajnas:

Lucas 9:23

Sekyi'i ti ipijlanitieye ape'e papo i'nio' ti kiak iyone: —I'nio' ni iyo pet ka ijna ijyik'i, ka je wujwakiunie'e ka neki siuniwa jitienkiujnieyejes iyone ti jla'am, jlomas ti jantejlia jana jika cruz, ka inamana'a ijyik'i.

Juan 10:27

Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi.

Juan 19:17

Jesús titilkinaja'ne jlaja jika cruz, ti tikiniejayi. Paj ti yiyeyi siojo ajnat jle' iyo'ate Ijnetik Jleli 'Wet, siunapo Hebréojos iyonisi 'ate Gólgota.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

1 Corintios 15:31

I'lijwas, niwa jlomas ti ajyi ni iliaye, yot'iyi'ni ka ijwik 'naka, ti wuj ti ate'mase, ti asa'am ti jiwenak'i'm siunie inikanitiejeye iyo, ti kasjwanjliyik'i ti awo pi iyo ni Sijwajieti Jesús ti Saka'niona.

1 Corintios 8:13

Jak je iyoyiji, siuti naka ti it'imina ni isiecha ti k'iejli jijweye potie ti iyoyi niwa Sinia' jlamtis, ti ya'am ti a'wenkina ti iyoyi pit ni jike', ajwel'ni 'esiji ka iliyi ti atojw ni wakia t'isie'n, ni'ne ka sonta t'isiena pa, ja 'nakayeyi ti ja ke yama ka it'imina ni isiecha ti iyoyi ni jike'.

1 Corintios 9:19

'Yina siuti ya'am je inkipinikk'i'm, yo'otieje ti jla'm aniwone ti aniwone jikipinikie' wikie'eyi napo i'nio', kajeyepa ti awo ka 'lojwa papo ka 'yakajlits'i ka iwo jlosik ink'ieye ka intankiunisi pi Sijwajieti.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Filipenses 3:10

Siunie awojonk'iye ka iyo, ka ijiatayiji ka sitiant'ieje pa Sijwajieti; jla'yi ti anik'iutieje ka into'm iwia'm ka inejyi 'ni isiowe paka jijweye ti iniujwa'n kisie'e jla'am ti tajle pa a'no'; jla'yi ti awotajank'iye ka ini'we'en ka 'naka ka iliaye janoyi wita'm; siunie jiliaye iyo ti wuj ti a'tiek'i, ka iyoyena'a 'ate iyo ti 'ya'al.

Filipenses 3:7

'Nakayi siunie ajwelpe ti ijiate ti laja poyi, siuti akiek'i pet pa Sijwajieti, isiowe je ijioyeyi, kajeyepa ti a'yejne'n ti je sitiliajayi, najataja jla'am pi Jesús ti ajonit.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

Colosenses 3:5

Lanajyi'n wikie'eyi niwak askeyis ti je isis ti taj'le ni ajnat. Je 'es ka ne'yi paka inwoyi siunie 'nojieye, siu'neje ni t'ojli, siu'neje niwa asoski'la, siu'neje niwa je isis ti inteliajayi ti jiwoyeyi. Ká awoye'yi 'ate siunapo ijliak'alijyi'n k'iye siupa iyo ka'we'en, ti 'yiniye ka iwo jika diosa' niwaka ti jiwoyeyi asjlak'aliye.

2 Tesalonicenses 3:11

Awojlitieje ti ajieye'ase ti po' papo ti asa'am, kajlojoties je iyojyi'n pa kantojw, 'najata jla'am ti i'yenis siuniwa iyo napo ijia.

Tito 2:12

Siuti kasp'elisi'n, kajeyepa ti kasts'eyasane ka iliki siunie je 'es siuniwa kasteliaja ka iyoki ti yi'i ni ajnat. 'Nakayi ti ja'yena siu'niwa jlomas siunie jayoki, jla'yi ti jajnajyi siunie janiwonaja jla'yi ti ja'yukk'i siunie iyo ni Sinia'.

Hebreos 13:13

Siuti sa'am 'yiniye ka kiak iyoki, ti awaki japak isi', sekyi'i ka inaja'ni ti atajlaja'm japaka ti ajoki pa Jesús. 'Yina wuj ti anilayitieje siunie ti tiwet'ianats'e tiwonat'iyijipi pet.

1 Pedro 4:1

Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',

1 Pedro 4:13

'Wenajli wek ti ja anikanitiejyi'n, lapakawo ti yiye'ase pit naka inkajejlasaye ti inilayitt'iyijpe pi Sijwajieti ti kia'iyo, ja 'nakayeyi ti jampo'ase ni asnikanitieyi, ka 'nakajta ni siunie iyo ni jijweye.

1 Jn 3:16

Siunie inemijnaye kastant'ieje, siuti Sijwajieti Jesús iniwe'n sitipe'e nak 'yakajanit. 'Yina kiak janiwonaja'ni pet, ka iniwena ape'e napo si'lijwas.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.