Marcos 7:5 - Sinia' Jlamtis 1994

⁵ It'imina papo Fariséojos siu'neje papo taka'neyasane pa Moisés jika'neyasajnaye ti iyot'iyisijyin'nipe ja Jesús ti iyonisi 'ate: —¿Yot'iyi'ni napo 'eyasajnas ti 'yaka'm ape'e siunie t'oniye iyot'iyipi kiapo saka kijilas mases, 'yina ti iyo kan'yekiujni'n jla'am nesi'liyits'i, jlam'ne ka inajnatis ka jikio' inlejes kiu'?

Marcos 7:5 ပူးပေါင်းရင်းမြစ်များ

Mateo 15:2

—¿Yot'iyi'ni siunapo 'eyasajnas ti je ilisanisiji siunie jike' pet kiapo saka kijilas mases? Siuti ti'yekiunieje'n jikioye je ilij.

Marcos 7:13

It'imina ti je woye lajaye niwa Sinia' jlamtis, 'yina ti niwaka jla'm ti inteliajayi ka kinieyi, t'oniye t'ipi papo aska kijilas. Paj ka ineyeyinie'e siunapo aska kia'lis tomi pijia'm. Je niwakata, 'yina 'loj 'neje siuniwa jiwoyeyi ti kia'iyo.

Marcos 7:8

Jiliyeyi siunie Sinia' takajluntieje kawo napo i'nio', 'yaka jiwoyeyi siunie iyo pit napo i'nio', ti je isiwaliyi'i siupa t'oniye iyot'iyipi kiapo saka kijilas mases.

Marcos 7:9

'Yina Jesús yinayi'iji ape'e ti iyo'ate: —Siuti ijiate ti jit'iotata siunie iyot'iyipi kiapo aska kijilas mases, nak it'imina ti jiliyeyi niwa Sinia' jlamtis.

Hechos 21:21

Jla'yi ti pajk'i ti t'ijieyisi ti jit'iyasajne'n papo si'lijwas Judíojos yi'i puwa ajnatis ijia kanleyisi kan'yenis siunie iyo ka tiwoki. Ijwilis ka impe'ya ka awo'ate, “Je 'esiji ka kiak awonayi napo asles ayijnies, ka ewaja'yi ni t'isie'n jlas ni kia'le. Leyeyi siuniwa jiniwonayi.”

Hechos 21:24

Napok ja a'yisa', janilesaniji iyot'iyipi pa Sinia' ka tiwoki, kat'inna ape'e ka tiwoki jika awusiesa', jankajanit ti jlam je iyoyisi ti po' siunie iyoyisi, ti inipe'yayisi pa Sinia'. Ja'nakayeyijna'a ti ja ti'wena ti je ijiatk'i siunie tiwona'a, ti injwela ka je awoyi siunie ni inka'neyasajnaye.

Romanos 4:12

Jlampet siunapo i'nio' ti yiji siupa tiwonat'iyipi pi Abraham, siu'neje ti iyoyi siupa iyot'iyipi jla'am ti je 'yakakiu pi Sinia', ti je kiak tiwonajliyi'ijyi ka t'isie'n jiwa tejwak'i, 'yina napoka 'neje jilis pa Abraham.

Gálatas 1:14

'Yina ti je kaspini' siojopo ijniujliejwaspe ti ijiate ti akinieje siukia iyo pit napoka Judíojos, 'yina jwamjla'a ya'am ti 'an pijia'm ti ajyi japo ya'yispe, kajeyepa ti ya'm ijiate ya'am ti je sikiwaliyi'i kiwa jikeyis kiapo 'yaka kijilas mases.

2 Tesalonicenses 3:11

Awojlitieje ti ajieye'ase ti po' papo ti asa'am, kajlojoties je iyojyi'n pa kantojw, 'najata jla'am ti i'yenis siuniwa iyo napo ijia.

2 Tesalonicenses 3:6

I'lijwas, siuti jlam je aniwonaja wek siu'nie awoki, kajeyepa ti Saka'niona yikialts'e pet ka ijliuk'i astepe'e. Ijiatjliyi siuti po' ni sikiecha ti je ats'ilkaja ni jikijmaye, siu'neje ni je iyoyi ka inki'me siunie inka'neyasajnaye ti 'eyasanataja, leyeyi ti jikinieyets'ijin'ni.