Marcos 7:31 - Sinia' Jlamtis 1994

³¹ Sekyi'i ti Jesús yama'aja ti tal Tírojo, ti iniujwap japa ajnat Sidón. Paj ti yiye 'niji jlaja i'niat Galilea, ti yiji japa ajnat jle' iyo'ate “Itijwa'm Sikioye Isi'il”.

Marcos 7:31 ပူးပေါင်းရင်းမြစ်များ

Mateo 11:21

'Yina iyo'ne 'ate: —¡Asa'am ti as'wet jana Corazín, kia'iyojliyi ti asa'am pet ti as'wet jana Betsaida, aswet'ia japoye! Ka napokaye t'ipi jla'am siunapo yiji jana Tiro, siu'neje napo yiji jana Sidón, kan'wenis siuniwa iyo niwa ji'wena, kiak je iyotaja'ni jla'am, 'yina je k'iejets'i'ni jla'am ka iwo jlosikis ink'iejyisa'. Je kia'iyotaja'ni jla'am ka je 'nots'iji'n niwa ji'wuye siuniwa je isis, jla'yi ka tijlat intatis jitipe'e, ka 'nakajanit ti ilik'i ni jike' iyo, yapilisi ni Sinia'.

Mateo 4:18

Ti Jesús t'iskiunieje'n jikiusk'i ja i'niat jlajlik'i yiji jlaja Galilea, sek i'wi'ne siojopo ji'niayi ijwienjli. Japoka japo Simón, tiwonajat'ijyi'nijpe'eje 'ate Pedro, siu'neje ja jikilia Andrés. Jlam'ne itietisiajam'ni pa i'niat japa jika 'nijiak jit'io, ti iyo'ni.

Mateo 4:25

Je pini' papo i'nio' yamk'i ja Jesús siupapo tal Galiléaja, siu'neje papo i'nio' tajle siujlieja ajnat jle' iyo'ate Decápolis, siu'neje papo i'nio' tal Jerusalenne, siu'neje papo tal Judéaja, siu'neje papo tal ji'wechaja ja tewuk Jordán.

Marcos 5:20

'Yina yam'ne pak i'nio' ti ijwilayi papo i'nio' yiji japa ajnat jle' iyo'ate Itijwa'm Sikioye Isi'il siupa iyo ja Jesús ti ijwiejiet. Jla'am jnots'inijits'i'ni ti 'yijenayisi pi iyonisi.

Marcos 7:24

Sektaj'le ti tejeye'eje 'niji yi'i puwa isi'il yiji japa ajnat jle' iyo'ate Tiro. Siuti 'nes'ni, ta'ajimpe ti yamit kiajwe japa 'wuk, lapakawo ti je iyotaja ka ti'niejenaja paka tiwonaja, 'yina ijialasata wat paka iniwone ka inijweki'n.

Marcos 7:30

Sekyi'i ti yama japa i'nioki, siuti 'nes, siupa Jesús iyone ti tajli siupa yiji, ijiate kiak iyo japa jlase' ti 'es.