Marcos 7:26 - Sinia' Jlamtis 1994

²⁶ Siojopa i'nioki sek je 'wet'e, siojopa ajnat Fenicia ti yiji japa Siria japak tajle. 'Yina wuj ti inip'elisine ja Jesús ka inojwa'n kisie'e siupa yiji japa jlase'.

Marcos 7:26 ပူးပေါင်းရင်းမြစ်များ

Mateo 15:22

Po'ne siujlieja i'nioki ti yiyeyi jlajak ajnat Canaán jleliki ti iyo 'weta'. Ijioyi ja Jesús ti iyo'ate ti 'yakets'ijiap: —¡'Yaka'niona, David jlas, sip'elisin wata'a! ¡Yase' jlaja jitiej je 'es! ¡Wuj ti je 'es!

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Marcos 7:25

Je paja wat ti 'nesajampe siojopa i'nioki, jlase' japa jitiej je 'es, ti t'ijieyeyi. Sekyi'i t'akosjlete'l itiyeyijin kiajwe ja Jesús.

Marcos 7:27

Jesús isiujlie ti iyo'ate: —Ene kiu 'ate napo ti ijiat ti inlese ka inane kan'yekiujni'n, kajeyepa ti je 'esiji ka talaja jikiojyi ni jlak, ka sekjane'yi ka tiwenaja'm niwa alenas.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.