Marcos 7:17 - Sinia' Jlamtis 1994

¹⁷ Siuti tajlayi papo i'nio', siojopo t'eyasajnas jla'am i'yasen'ne siupi ijio'we pa taka'neyasane, ti yinisi kiajwe japa 'wuk.

Marcos 7:17 ပူးပေါင်းရင်းမြစ်များ

Mateo 13:10

Siojopo t'eyasajnas jla'am ja Jesús ijioyeyisi ti i'yasis'ni, ti iyonisi 'ate: —¿Yot'iyi'ni ti kiak jiwone ti jlam jlejnapeje'ni jiwek ti jijwejla'm napo i'nio'?

Mateo 13:36

Jesús isiejak'i kiojia'm japo i'nio' ti iyoyeyi ka nek, sekyi'i ti yapilieyis 'wuk kiajwe. Jakayi'ne ti t'eyasajnas i'yas'ni, ti iyonisi 'ate: —Kajanitk'iyi sik'ioye siunie iyo ni jijwelts'e'm, ti ji'yejnap jiwek jana cizaña ti yi' inwasoki'.

Mateo 15:15

Sekyi'i ja Pedro iyo'ne 'ate: —Ke kiam astajanitk'i kiu' sik'ioye siojo jiwoyi ti jlamti.

Marcos 2:1

'Nak nojwaja'm puwa jlomas, Jesús yapilie'eje 'niji jlaja isi' Capernaum. T'ijieyeje wek ti yi'ni 'ate,

Marcos 3:20

Yam'niji kiaka Jesús yapilie'eje isiyi, pakayi ti ja'no'yiji kiajwe siojopa 'wuk, yi'i siupapo ijioyi. 'Yina jlam papokajle papo i'nio' ti je jlase' ti i'winayisk'i, tiwet'ianaja ka ji'wet poyeyi'ni kan'yekiujni'n ti jla'yis japo t'eyasajnas.

Marcos 4:10

Jlampa yama'ni papo i'nio', Jesús siojopo t'eyasajnas jla'am itijwa'm sikioye times tom'niji siu'neje papo sekyi'i i'yasis'ni ti iyonisi 'ate: —¿Tepat'e ijio'weyi siukia jlamtiyi sik'ioye siunie ti jla'am ji'yejnap jiwek pa k'iejliyi?

Marcos 4:34

Jak je iyoyiji siuti 'yiyasajne'n papo je ijlie'n pet niwak siuniwa ti jla'm i'yejnap jiwek, jlam pet siuti 'najli japo t'eyasajnas, je kiak iyone, 'nak ijniejietak'i pet k'iye ti ijwijla'm.

Marcos 7:18

'Yina isiujlie ti iyone 'ate: —¿Kiakp'an jiwoyeyi pit je tijnisiek'i? ¿Je 'najanayi ti siunie tal kisie'e ti ijiojwa'm ni i'nio', je 'yakajyi'n ka nak int'emina ka je 'esie jitieyi'i ni Sinia'?

Marcos 9:28

'Yina pa yit'i'yipe puwa 'wukiu'l pakayik'i ti Jesús pa yiyits'i, siojopo t'eyasajnas jla'am i'wi'in ti 'najli pa yiyits'i, sekyi'i ti i'yasayisi'n ja jika anechiyasis, ti iyonisi 'ate: —¿Yot'iyit'i'ni ti je akajla paka siupa yiji jak jwemik?