Marcos 6:41 - Sinia' Jlamtis 1994

⁴¹ Sekyi'i ti Jesús isimayi puwa ijwienjli sikio' itij'we woyejes, siu'neje puwa times si'yus. Sekyi'i i'yena poliyi, ti jinikanitieyi iwine pa Sinia', itime ti its'isajaja'n sekyi'i ti yikiajlayi japo t'eyasajnas ka wenk'i papo i'nio'. Paj ti puwakaye'eje pet siupuwa si'yus ti times jiwek, ti kiak iyone ti itij'wa ape'e papo i'nio'.

Marcos 6:41 ပူးပေါင်းရင်းမြစ်များ

Mateo 14:19

Sekyi'i ti takajlunieyi japo i'nio' ti je pini' ka nek'iji'n, neyisk'ijin'ni jiwek jawa jop. Isimayi siojowa woyejes ijwienjli sikio' itij'we, siu'neje jawa times si'yus, sekyi'i i'yena poliyi ti jinikanitieyi iwijna'm pa Jinia'. Itime ti its'isaja'm, sekyi'i ti iwinayi japo t'eyasajnas, ti iwink'i pet japo i'nio'.

Mateo 15:36

Isimayi jawak woyejes siu'neje jawa si'yus jilis. Yina jikiojyi ti jinikanitieyi iwinayi pa Jinia'. Itime ti its'isajamk'i, sekyi'i ti yikiajlayi japo t'eyasajnas ti iwink'i japo i'nio'.

Mateo 26:26

Ti ti'yekiunieje'n, Jesús isimayi jakia woye, sekyi'i ti jinikanitieyi iwinayi pi Jinia'. Itime ti its'isajaja'n, iwinak'i japo t'eyasajnas, ti iyone 'ate: —Siu'nie towa, 'nak 'yajwes.

Marcos 14:22

Jlajmiliet, ti ti'yekiujni'n, Jesús isimayi jlaja woye ti yi'n jikiojyi, sekyi'i ti jinikanitieyi iwinayi pa Sinia', itime ti its'isajaja'n, sekyi'i ti iwinak'i japo t'eyasajnas, ti iyo'ate: —Siu'u, 'nak 'yajwes.

Marcos 6:40

'Nak k'ielajamk'i'ni papo i'nio' ti yik'iji'n, yi'i ti cien papo, cincuenta papo 'wena initotisiji.

Marcos 6:42

Sekyi'i ti'yekiunieje'n papo i'nio', paj ti yip'isieje'n.

Marcos 7:34

Siuti ti i'yena poliyi, sekyi'i ti jiyel iyoma, iyonayi 'ate pak i'nio' t'ipi: —¡Efata! (Ti iyo 'ate, ¡Ni'najlinitia'm!)

Marcos 8:19

Siukia ti awe'nase'm japo ti ayijnies 'najli cinco mil ja nojwaja'm kiwak ijwienjli sikio' itij'we woyejes. ¿Tepa nojwaja'm kiwa jijwosajia'm kiwa jijwa'l 'wanjle'e ti jikiniets'i'ni? Iyo'ate ti isiujlie: —¡Itijwa'm niwa sikioye times tom'niji!

Lucas 24:30

Jlampa tejeyeyits'i ape'e japa inak totieja ape'e, Jesús isimat'iyipi japa woye, iyoye jinikanitieyejayi pa Jinia', its'isajaja'n, sekyi'i ti iwinayi.

Lucas 9:16

Sekyi'i Jesús isimat'iyipi siupuwa woyejes ijwienjli sikio' itij'we, siu'neje puwa si'yus ti times, i'yenat'ipi poliyi, iyoye jinikanitieyeja' ape'e, itime ti its'isajamk'i. Yikiajlayi japo t'eyasajnas ka inwenk'i papo i'nio'.

Juan 11:41

Ijiutieyis ts'iji siujlieja sisaj tip'onajaja'm ja t'o' yi'i. Sekyi'i Jesús i'yena poliyi, iyo'ne 'ate: —Inia', ka ijiatayijia'm ti jik'iuk'i.

Juan 17:1

Jesús jlampa itimayi ti ijwi'il kiwaka, sekyi'i i'yena poliyi, iyo'ne 'ate: —Inia', yiyi 'ni siu'nie k'ie'. Wunit 'ni As, 'yina siu'nie As janwunit pet.

Juan 6:11

Sekyi'i ja Jesús isimi'ne jawa woyejes, iyoye t'ajlayeja' ape'e ti t'ajle pi Sinia', itime ti ijliuyeyi ka tiwenak'i japo siojopo yik'iji'n. Kiak iyonjliyi kiwa si'yus, itime ti iwinak'iji japo pi k'ie'e pi iyo kantowis.

Juan 6:23

Sekyi'i ti 'nesa'ni siojowa kasejkanayis ijia 'wena tajli, tajle jlaja isi' jle' iyo'ate Tiberias, ti ijioyisi siojo je tojwape'n ja Jesús yine'e kiwa woyejes ti iyo t'ajlayeja' ape'e.

Hechos 27:35

Iyojlitieje ti isimayi jlaja woye, sekyi'i iyoye jinikanitiejaye pi Sinia', ti yine jitieyi'i papo i'nio' jla'yis, sekyi'i its'isajam'ne, itiujwa.

Romanos 14:6

Siuti po' ni iyo'ate, “Ya'am wuj ti 'otat siujlie'e jloma”, ijiatjliyi, 'yotat, lapakawo ti paka jla'am pa Saka'niona. Siunie ti itiujw puwa k'iejliyi niwa wask'i'nelaja, itiujw kajeyepa ti iyunit pa Saka'niona, jla'yi ti iyo jinikanitiejayi pa Sinia'. Jlampet siunie ti je itiujw pi t'isie'n pa k'iejliyi, 'yina je itiujw kajeyepa ti iyunit jla'yi ti iyo jinikanitiejayi pa Sinia'.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

Colosenses 3:17

Ja k'iejliyeyijpe pa jawoyeyi 'esiji ka wunitie pi Saka'niona Jesús, jla'yi ti jawoye asnikanitiejayi pi Sinia', ti ja etijnajiape pi Saka'niona Jesús.