Marcos 5:7 - Sinia' Jlamtis 1994

⁷ Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!

Marcos 5:7 ပူးပေါင်းရင်းမြစ်များ

Mateo 16:16

Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 4:3

Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Mateo 8:29

Ti yiyet'iyisipi ja Jesús, kiak t'ipa iyoyeyisipi ti tank'i wita'm: —Sinia' jlas, ¿yot'iyi'ni ti je kasse'nate? ¿Jiwot'iyimi ka poye ta'a paka wonts'e, ti ji'nis 'yina ti je yijliyi'ijyi siojona jlomaye?

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Marcos 14:61

Ejlo'o wek siukia tiwonaja, 'yina je iyo jiwek ka inkiujlie japo i'nio'. Siojo pa'yijis jika anechiyas wuj yikiajlayi'iji ti i'yas'ni ti iyone 'ate: —¿Mi a'am ti Injwajieti'a'm, siunie Sinia' jijliujwanik? ¿Mi a'am 'neje ti Jlasts'a'm siunie Sinia' ti 'es?

Marcos 3:11

Jak je iyoyiji siupuwa imose'l ti i'winatajas, yaka jla'm iwo t'opiyeyisijyi'n kiajwe 'yina tajwiyek'iji'nijne ti iyoyits'i 'ate: —¡A'am ti Sinia' jlajts'a'm!

Marcos 5:6

Siuti to'ilia'm ti i'wi'n ilia'm, sek tajla'a ti t'osi ilia'm, yiyi ti t'akosjlete'l itiyeyijin kiajwe.

Marcos 5:8

Ji'lij kiak iyone kajeyepa ti Jesús iyone 'ate pak imosik yiji pa i'nio' ti ijliuye kisie'e: —¡Imosik! ¡Tajli 'ni i'nio'!

Lucas 1:32

Janakaye ni siunie ti ja ke jlasiye ni jijweyeja', jle' ja tiwonaja 'ate Sinia' ti Wuj Jlas. Saka'niona ti Sinia' jawojwa'n anechiyas wujwa, jawo'ate siupa tajla'm jla'am David, anechiyas t'ipi,

Lucas 4:34

—¡Kasse'nate! ¿Yot'iyi'ni ti jit'iuts'e, Jesús Nazaret jlele? ¿Jot'imi ka kastej'we ti jlots'e? ¡Sitiant'ie'a ti a'am ti Ina' i'notat!

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Hechos 16:17

'Yina ti awokieyi ni sikijmaye ti askiuniejak'iji'n, tajla t'ipi si'niak'i ti nam sek'i ti tan'ni ti iyo'ate: —¡Siu'napo i'nio' 'napok jikawos pa Sinia' ti lajk'ipa ka ijnojliji, iyo jika'niyeja'ase siunie 'nayi ijioyi jana in'wasankiye!

Hechos 19:13

'Yina po'neje papo Judíojos ti yikiajli'ni japa isi', ti yamk'i'ni papo i'nio', kajeyepa ti aye'wu'l pet, kia'iyo yokiosk'i kisie'e puwa imose'l yijits'i papo i'nio'. Yit'i'yi japa jloma ti iyotajasi ka ineyinisiji ki Jesús jle', ti isientaja papo i'nio' jiwet'ia po'. Kiak iyonatajasi 'ate ti yiyetajasi papo i'nio' ti yokiosta kisie'e puwa imose'l: —Etijnape pa Jesús, siupa Pablo yameje'n ti ijwil, ajlo'wase'm ka noyek'i kisie'e.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

Hebreos 2:14

Siuti kia'iyo ti si'niayi ijwienjliyik'i, 'yina Jesús kiak iniwone pet 'ate iyo awoki ti sa'am ti i'niolts'e'm. Jak je iyoyiji 'yuye'e, 'esieyiji ti 'ya'al, jak je iyo siojokia t'ajlati iyo itiete'ne isia'am ki imosik. Sekyi'i initiajnati siukia jijweye iyo, ti isiene'ni napo i'nio' ti iliajne'n.

Hebreos 7:1

Pak siupa Melquisedec ti ajwel'ni anechiyas wujjimpe ti tijna'yi siojopa isi' Salem, siu'neje ti Sinia' siupa ti lajk'i pa ka ijnojli jika pa'yijimpe. Siupa jle' t'ipi ti iyo'ate Melquisedec siuniwa inamtis ti iyo'ate, “Anechiyas ti tijnajyi”. Siojopa ajnat yi' ti iyo anechiyasa' jle' iyo'ate Salem siuniwa inamtis ti iyo'ate, “Inkamankiye”. Jak je iyoyi 'neje ti jle' iyo 'ate “Anechiyas ti inkamankiye tajle”. 'Yina lajk'ipa ka 'najane paka iwone siupa jinia' t'ipi, siu'neje japa jlet t'ipi, siu'neje papo jika kijilas t'ipi, ka janakaye wek siojopa jloma yit'iyijimpe, siu'neje japa jloma 'yalt'ijyipi paka. 'Yina kiak iyoyi siunie Sinia' jlas, talk'i'ni ti jla'am ti pa'yi, 'yina jajnotk'i'ni 'neje ti kiak jawoyi. Ti Abraham itimat'iyijpe ti inila'an pakayi ti siupapo ijniujlits'i anechiyasas wus je itieyi, 'yina Melquisedec yisitat'ipi k'iye ti jikio' yi'n ape'e ti iwijna'm pa 'es. 'Yina Abraham iwijnam'ne pet pa Melquisedec siojopa ti ijiuti ti iyo ji'wajieta' ti tajla'm siupuwa tajlane papok anechiyasas t'ipi.

Santiago 2:19

Ka jla'm awo wat ti jijwel pa Sinia' ti ijwienjli. Siuniwa imose'l kia'iyo 'yijene pi iyone, it'imina ti je 'yakakiuyis. 'Yina ti je ijwiyisie, kititiyeyik'iji'n.

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 12:12

¡Asa'am poliyis, inkasajyi'n, asam 'neje pet ti jleyejyi niwaka, kiak woyeyi! ¡Ijiate, as'wet'ia po' ajnat, i'niat lajlik'i, kajeyepa ti siunie imosik je pa tojwa'a ti janojwik'i siunie jika jloma, jak je iyoyiji ka jiwak je poyeyi, tisiojmajyin'ne ti jant'eki'ni aswa'm!”