Marcos 5:35 - Sinia' Jlamtis 1994

³⁵ Je ilitieje'eje ti takamtijniene japaka i'nioki, ti 'nesajan'nipe papok i'nio' ti takajwejlane pa Jairo, ti tal ji'wete, sekyi'i iyonisi'ne 'ate: —Pajk'i ti 'ya'al jakia ase' masa. ¿Yot'iyi'ni ti je jiliyi ti jlalas'ni 'ni Saka'niona?

Marcos 5:35 ပူးပေါင်းရင်းမြစ်များ

Mateo 26:10

'Yina ti Jesús 'yijene ta'a siupuwa jikiojwa'l iyone, it'imina'ne ti iyone 'ate: —Ena'yate, enayi 'ate siunie iyonk'i. 'Yina wuj ti 'es siunie iyoyi.

Mateo 26:18

Iyo'ne 'ate ti isiujlie: —Maye ka ajlonieyi siunie i'nio' yiji jana isi', wonayeyijna'a 'ate ka awayetajanie'e, “Iyo'ate ja inka'neyasajnawo, Je pa sitiojwa'a siojona 'yaka jloma. Jayine'ne a'wet'e siujlie'e Pascua ti ja'yekiujni ti jasijwane napo 'yiyasajnas.”

Mateo 9:18

Jesús je iliyi ti takamtijnien'ni, ti 'nesa jak i'nio' Judío ti anechiyas. T'akosjlete'l itiyeyijin kiajwe, sekyi'i iyo'ne 'ate: —Yase' jakia je pajk'iyi ti 'ya'al. 'Yina najna'a ja'yenaja. Akio' enna'a ape'e, ja'wasana.

Marcos 10:17

K'iejlijimpa iyoyeyipi kanek ja Jesús, ti yiyejenipi paka pa i'nio' ti t'osi'yi ape'e, t'akosjlete'l itiyeyijin kiajwe ti i'yase'n ti iyone 'ate: —'Ni ika'niona ti i'nes, ¿tepat'e ka iniwontaja ka yija'm pet jana i'wiesankiye ti t'o'n?

Marcos 5:22

Pakayik'i'ne ti 'nes siupa ti kia'iyo tijna'yi siojopa 'wuk 'najla'wet, jle' iyo'ate Jairo. 'Yina i'win jiwek ja Jesús, sekyi'i t'akosjlete'l itiyeyijin kiajwe

Lucas 8:49

Jesús je ilit'itiejepe ti takamtijniene japa asejnia, ti 'nesat'ipi siupa takajwejlane pa Jairo. Yiyi ti iyonat'iyijpe 'ate: —Leyi wek ti jlalas'ni ni Inka'neyasajnawo, e'nate. Pajk'iji ti 'ya'al jakia ase' masa.

Juan 11:21

Marta iyo'ne 'ate ti isiutieyi ja Jesús: —'Yaka'niona, ka 'nak a'yi ta'a je 'yalta'ne siukia 'yini.

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 11:28

Ti Marta iliyeyi ti takamtijnie'n, yama ti ijioyi jlaja ji'yijnia María, 'yina tisiemsiemiyi ti ijwijla'm ti iyo'ate: —Saka'niona 'nes, iyota ka joyi.

Juan 11:32

María yiyi wekie'e ja Jesús, takosjlete'l jitiyeyiji'n kiajwe, ti iyo'ate: —'Yaka'niona, siuka 'nak a'yi, jlam je 'yalta'ne ki 'yini masa.

Juan 11:39

Sekyi'i ti iyo'ne 'ate: —'Omaja ts'ijiye ni jip'ot. Marta, siujlieja Lázaro jikitia ape'e, iyo'ne 'ate: —'Yaka'niona, atejnistieje ka insotieje, kajeyepa ijniujliejets'i kiwa jlomas yamk'i ti yi' ajnat kiajwe.

Juan 5:25

Ijiate, ijiatk'i siunie jayo ti jajwi'lase'm, ti po' siojona jloma siujlie'e awakieja'm, ja wikie'eyeyi napo i'nio mases t'ipi ti pajk'i ti 'yajle'n jampe'yayi ni jla'lap ni Sinia' Jlas. Siunapo jampe'yayi napok 'wasanajana'a.