Marcos 5:23 - Sinia' Jlamtis 1994

²³ ti iyone 'ate ti wuj ti inip'elisine: —Yase' jlaja je pi i'niokiyeyi. Nam kiu' wat ijyik'i. 'Esiji ka akioye e'n ape'e 'nakayeyi ti ja 'esie siu'neje ka 'wasana'.

Marcos 5:23 ပူးပေါင်းရင်းမြစ်များ

Mateo 8:3

Jesús sekyi'i isiesat'i'yijpe, ti iyo'ate: —Awoyi. Janitiajnat ak'ioye. 'Yina ti yiyik'i ti kia'iyo, 'yaka jla'm iwo netiajnat t'ipi siupuwa ijiok'i'ni. Ijiate 'es'ne pi i'nio'.

Marcos 16:18

'Wanjliyijna'a pet ka inki'mik'i niwa injlajas 'yina ja lajak'ipa kanwone, 'wanjliyi 'neje ka ti'yayinaja siunie inkakie' ti i'nio' ilia'an, 'yina kia'iyo ja ke inlate. Siuti ja jikioye inenk'i ape'e napo je isis, kanjwayejempe.

Marcos 5:24

Jesús yamk'i'ne, ka kia'iwo ka piniye papo i'nio' yamk'i, 'yina jlam sek totiejayik'i'ni 'najk'i.

Marcos 6:13

Siu'neje ti je jlase' puwa imose'l iniujwank'i kisie'e, siuti impe' 'yilinik'i papo je isis, papok isisie'eje.

Marcos 7:32

'Yina sekyi'i ti tikiniejayi siupa i'nio' je tipechi'ni siu'neje ti 'ne'liajliyiji'ni, inip'elisinisi ja Jesús ka jikioye ne'n ape'e.

Marcos 8:23

Ijiatjliyi Jesús isim'ne jikio'yi pak talok, sekyi'i ti yamayi kisie'e ti itiajlajni jlaja isi'i. Sekyi'i ti jlats'ilis 'yilinayik'i ape'e puwa jitiete, siu'neje ti jikioye yi'n ape'e puwa jitiete sekyi'i ti iyonayi 'ate ti i'yase'n: —¿Mi jwamjla'a ti ji'wejne'n?

Lucas 13:13

Jikioye yinatk'ipe ape'e, je yi' jlomayi ti 'esiet'ipi japa i'nioki, 'esieyiji ti tijna pijia'm. Sektaj'le ti iyunitiet'ipi pa Sinia'.

Lucas 4:38

Jesús, ti iniuyet'ipi kisie'e ti tajle japa 'najla'wet, ijio'ne Simón ji'wete. Siojopa jikant'e ja Simón inlaye yi'i, Jesús tikiniejeje'ni ka inoyeje japaka.

Lucas 4:40

Ti kilie' 'yuyeta, wikie'eyi siupapo i'nio' je isis, ti jiliaye je ijwienjlik'i, tikiniejat'iyijipi pa Jesús. Ijwienjlik'i'ni papo ti jikioye yink'i ape'e, sekyi'i ijwiejiete'n.

Lucas 7:12

Ti majleyet'iyipi jlaja isi', i'winat'iyispe ilia'm papo i'nio' ti yamisi siupa i'nio masa, ti k'iejli yamistaja a'noyi ti jantejesk'iye. Pakajampe pa jlas ijwienjli siojopa asejnia ti ask'ilieki. 'Yina 'loj papo i'nio' sek ji'wet'e yamisk'i ti yapisi.

Juan 11:3

'Yina ja Lázaro ti je 'es, sekyi'i japo jikitiawot takajlunieyi ja Jesús ka toki, ka tiwonaja 'ate: —'Yaka'niona, 'ajajnajwa ja je 'esi.

Hechos 28:8

Jakap'anepe ti Publio jinia' je 'es'ni, ti inlaye yi'i, jla'yi ti ijliam'ni. Pablo yama ti i'yene, t'ajla ape'e jla'yi ti jikio' yina ape'e, sekyi'i tijwa'ne.

Hechos 6:6

Sekyi'i ti yamat'iyijpe ti ijioyisiji japo injlojwajnas, ka t'ajlis ape'e, jla'yi ti jikio' jane'n ape'e.

Hechos 8:17

Pedro jla'yi ja Juan ti jikioye yinak'i ape'e, jiwekie'eja t'ipi ti Sinia' jikimet yiyits'i.

Hechos 9:12

Po' siunie ti'wenkinaja, i'nio' pa Ananías ijioyi, sekyi'i jikio' yi'n ape'e. Yikiajlayi'iji ti i'wijne'n, iyo ni ti'wenkinaja.

Hechos 9:17

Ijiatjliyi Ananías yam'ne ti ijioyi ja Saulo siupa yi'i. Yiyi ti 'yuyeyi, sekyi'i jikio' yina ape'e ti iyone'ate: —Isiecha Saulo, Saka'niona Jesús, siunie ini'wenki'na'm ti jleji na a'nayi ti jlalasta ka ata'yi ilia'm, sijliu'wa 'nakajanena'a ka ekiajle ka 'wejne'n, jla'yi ti Sinia' jikimet ti 'es jampo'a.