Marcos 5:18 - Sinia' Jlamtis 1994

¹⁸ Ti Jesús iyo kanapili japa kasejkana ti janek, siupa i'nio' jlam pa 'esie, iyone'ne 'ate ja Jesús ti inip'elisine: —Awotaja kayik ajak'i ka woyi.

Marcos 5:18 ပူးပေါင်းရင်းမြစ်များ

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Marcos 5:15

Jak je iyoyi ti yiyeyisi siupi yiji'nipe ja Jesús, i'winayisi siupa i'nio' siupi jitiej je 'es ti je tijwajli kiu', 'yaka jijwejlikiejimpe ti yiji'n, je pa iyoye 'ate ti pajk'i ti je 'es paka iwo, yaka jla'm iwo ji'wu' poye, siu'neje ti i'nioye, 'yina jnots'ijnits'i'ne papo i'nio'.

Marcos 5:16

Siupapo i'nio' i'winaja ja Jesús siupi iyone pak i'niojimpe ti jitiej je 'es, siu'neje pa iyo puwak ijnisies jitio' ti no'we, papoka ti ijwijla'm papo ijia.

Marcos 5:17

Sekyi'i papo i'nio' iyonisi'ne 'ate ti ijliuyis: —¡Anip'elisina'a, 'esiji ka tajli siujlie'e saka ajnat!

Marcos 5:7

Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!