Marcos 4:7 - Sinia' Jlamtis 1994

⁷ Ijia 'neje puwa ijniuj'li pa ajnat k'itienis yi'i, siupuwa k'itienis ti itioye pet, sekyi'i 'yakama'a ape'e puwa iwomki, 'yina 'la'n ilian'ne, it'iminayi ti je iyo jlaye.

Marcos 4:7 ပူးပေါင်းရင်းမြစ်များ

Mateo 13:22

Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Mateo 13:7

Po' 'neje puwa ijniuj'li pet pa ajnat k'itienis yi'i, ti wusiet'ik'ipe pijia'm puwa k'itienis. 'Yaka'm ape'e puwa iwomki, puwak ilian'ne pet.

Mateo 13:8

'Yina po' 'neje puwa itijwa'm pet siupa ajnat ti 'ejts'i. Iyo jlaye kajeyepa, iyot'iyipi japa inseliaki ti ijwienjli cien puwa tajla'm ti wakajlat'ipi, iyot'iyipi japa setenta puwa jla', iyot'iyipi japa treinta puwa jla'.

Marcos 4:6

Jak je iyoyiji siuti kilie' yi'i je ijwietanit ta'a ti 'yajlits'i kajeyepa ti je tosits'i puwa jijwetisi'l.

Marcos 4:8

Po 'neje puwa ijyiwit'e pet siupa ajnat ti ijiat ti 'ejts'i, 'yina kia'iyo ta'a 'neje ti 'nesk'i pijia'm, jlomas ti je iliyi ti ijliask'i pijia'm, ta'a 'neje ti iyo jlaye. Siuti iwomki ijwienjli pijia'm iyot'iyipi ti treinta puwa jla' tajla'm, po' japa setenta puwa jla', ijia puwa cien puwa jla' tajla'm.”

Lucas 12:15

Sekyi'i ti kiak t'ipa iyonayipi papo i'nio': —Joskiyeyi, ká awoye asjlak'aliye ka woye ka'wena' niwa wask'i'nelaja. Je niwaka ka intajle jana in'wasankiye, kan'we'en ni jwajla'a.

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

Lucas 8:14

Inseliaki siupuwa ijniuj'li pet pa ajnat k'itienis yi'i, napoka pet siunapo iyoyi ni inamtik, 'yina ti po' siuniwa 'yuyits'i, siuniwa jikijmatis ti i'winis, siu'neje niwa ki iyo ape'e 'ni ajnat jinikanitiejeyejes. Niwaka'ne jla'am ti 'wes ti ijiok'i'ni, yamjliyi ti to'm ape'e ni siunie jitienkiujnieye ti 'esta, jak je iyoyiji ka iwoyi jlaye.

Lucas 8:7

Siupuwa ijniuj'li pet pa ajnat k'itienis yi'i, puwak ti 'nesat'ik'ipe pijia'm ti ijniujliji puwa k'itienis, ijlias'ni pijia'm paj ti k'itienis 'yakama ape'e, sekyi'i ilian'ne.