Marcos 4:31 - Sinia' Jlamtis 1994

³¹ Janak a'yejnap jiwek jana mostaza jlo' jlase' ti t'otiejata isia'm. 'Yina ape'e 'ni ajnat, poyeta niwa ijia ti kia'iyo ti sajmela'aja'n, 'yina jla'am ijiatayi ti je wujwe.

Marcos 4:31 ပူးပေါင်းရင်းမြစ်များ

Marcos 4:30

Jesús iyo 'neje 'ate: —¿Tent'i paka 'yiniyeyi ni jika anechijiayas ni Sinia'? ¿Tent'i paka i'yejnap jiwekie'e?

Marcos 4:32

Pa nojwaja'm puwa jlomas yiyek'i pijia'm, 'yina yamjliyi ti ijliask'i'ni pijia'm, jak je iyoyiji paj ti wujwak'i 'yakama ape'e niwa ijia a'la' ti kia'iyo wusietak'iji'n pet, jak je iyoyiji siupuwa ajwejnas iyoye jlopisieje, kajeyepa ti 'lap'ijia'm.

Lucas 17:6

Saka'niona isiujlie ti iyo'ate: —Ka poye siunie astankiujnieye ni 'es 'wanjlit'itie ka wo'ate jana jlojlase' jana mostaza ti samjlie'e, je jwela ka je akajlajyi ka wonayi 'ate ka ne'yi japa a'laye, “Taj'le ni jle'yi, jlase ni i'niat lajlik'i”, siojona a'la' jana jlamti'yi jank'iu'wa'm ni jiwone.

Hechos 19:20

Je jlase' pi jijweye puwa Saka'niona jlamtis, jak je iyoyiji itijwaja'n ape'e pi ajnat ti yajme'n ape'e.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

Hechos 4:4

Je iwit'iane 'loj papo i'nio' siupapo its'iuye siupa ijwi'il, papok je 'yakakiu. Japak tajlap'e siojopa jloma jle' Pentecostés ti po' papo iyo Sinia' jilisa', siupa nojt'ijiampe papok i'nio', ti 'najli papo ayijnies ti 'yakaj, ti tetina cinco mil.

Hechos 5:14

Je jlase' papo i'nio' siupapo je 'yakakiu pa Saka'niona, ayijnies asejnia kia'iyojliyi.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”