Marcos 3:7 - Sinia' Jlamtis 1994

⁷ 'Loj papo i'nio' Galilea jlele ti nojwisjink'i'nipe ja Jesús jikiusk'i pi i'niat lajlik'i, jla'yis japo t'eyasajnas.

Marcos 3:7 ပူးပေါင်းရင်းမြစ်များ

Mateo 10:23

Jane'yipe japa isi' siunapo yiji ti ja ke inena'yi 'ate, ka akinieye'nijpe ti ja'yiltanayi japa isi' kiecha. Jlam je awo ijiatk'i siunie jayoyi ti, siuti ja ke atejwa'yi ka ajoyeyits'i niwak isi'il siunapo Israel jlele yijits'i japakayeyi ti ja'nes ni I'nio' Jlas.

Mateo 12:15

Jesús, ti 'yijenayi pi iyone ti tinijlokiap'ni, yam'ne ti tajla'm jlajak isi'. Je pini' japo i'nio' yamk'i. Siojopo je isis ti tikiniejeje, wikie'eyi ti i'mieniti'n.

Mateo 12:16

'Yina iyone'ne 'ate japo i'nio': —¡Astaj ká ajotiejk'imna'a!

Mateo 4:25

Je pini' papo i'nio' yamk'i ja Jesús siupapo tal Galiléaja, siu'neje papo i'nio' tajle siujlieja ajnat jle' iyo'ate Decápolis, siu'neje papo i'nio' tal Jerusalenne, siu'neje papo tal Judéaja, siu'neje papo tal ji'wechaja ja tewuk Jordán.

Marcos 1:39

Jesús itijwits'i puwak 'najla'wetis yiji jlaja Galilea ti iyo jlamtikie' niwak Sinia' jlamtis ti isis, siu'neje ti iniujwank'i kisie'e puwa imose'l.

Marcos 1:45

Siuti yama pak i'nio', 'yina 'yaka'm ape'e siupi tiwonataja, sekyi'i ijwi'il siupi iyo ti 'es. It'imina ja Jesús ti je yiye'ni isiji, 'yina ijio'ni kisie'e yi'i siupa ajnat laj i'nioye'e, je iyojliyi papo i'nio' ti t'ijieyeyisi. Ijioyisi'ni wikie'eyi siupapo tajlits'i puwa ajnatis.

Marcos 3:20

Yam'niji kiaka Jesús yapilie'eje isiyi, pakayi ti ja'no'yiji kiajwe siojopa 'wuk, yi'i siupapo ijioyi. 'Yina jlam papokajle papo i'nio' ti je jlase' ti i'winayisk'i, tiwet'ianaja ka ji'wet poyeyi'ni kan'yekiujni'n ti jla'yis japo t'eyasajnas.

Marcos 4:1

Jesús yikiajlayi'iji ti taka'neyasa'n jikiusk'i siojopa tewuk iliyi. 'Yina ti je pini' papo i'nio' nojweje, sekyi'i ti yamayi siojopa kasejkana yits'e jikiusk'i pa i'niat, yamaja'm sekyi'i yiyeje'n, jlam'ne pet papo i'nio' nojwayisi kiusk'i pa i'niat.

Lucas 23:5

Kat'ajat'iyijpe ti ijialaskinisi, ti iyo'ate: —Siunie iyo ni jika'neyasajnaye, wuj ti 'yakajyijne'n napo i'nio'. Tajlap Galiléaja ti 'nelanjie'e, 'nakayi yi'ne Judéaja, ti je ilik'i siunie iniwone.

Lucas 6:12

Pak siupa jloma ti Jesús ya'am ti ijio ape'e siojopa tikijnaki, ti iyo t'ajlayeja'. Itijw siupa ajnaj ti takamtijniene pa Jinia', ti iyo t'ajlayeja'.

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Juan 7:41

Ijia japo iyo'ate: —Siunie Injwajieti ti Sinia' jijliujwanik, 'naka. 'Yina ijia japo iyo'ate: —Yaka je jat'inie'e, ¿yot'iyi'ni ka intajla'm jana Galilea siupa Injwajieti ti Sinia' jijliujwanik?

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 17:10

Jlampa ajnaja siupapo Sinia' jilis jla'm iyonayisi'ni 'ate iyoyeyi ka ijloyis ja Pablo siu'neje ja Silas 'niji yi'i japa isi' jle' iyo'ate Berea. 'Nes'ni ti yamitayisi ti ijioyisi japa Judíojos t'ajla'wet.

Hechos 17:14

Jlam yititjliyis japo Pablo ti ijliuyis, ijliuyisie'ne ka ino kiusk'i pa i'niat lajlik'i. 'Yina Silas jla'yi ja Timoteo sek 'wanjliyits'i 'ne jlamis Beréaja.