Marcos 3:6 - Sinia' Jlamtis 1994

⁶ Sekyi'i ti yama'ni papok Fariséojos, jla'yis papok Herodes siupa anechiyas jikawos pet, ti iyoyisijyi'n siupa janwonisi ti iyo kanlanis ja Jesús.

Marcos 3:6 ပူးပေါင်းရင်းမြစ်များ

Mateo 12:14

Siojopo Fariséojos ti iniuyek'i kisie'e, inijlok'ijin'ni'ne ti iyoyisijyi'n siupa ka wonisi, ti iyo ka ilanis ja Jesús.

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Marcos 12:13

Siupapo Fariséojos, siu'neje pa Herodes jikawos, po' papo tijliukie'ni kajnoyi ja Jesús kan'yasis'ni, sek jane'yi ka poye pa paka ji'lija ka inwet'ianisk'i, 'yina ka pakaye wek ka injwelis ka intajlatisie, lapakawo ti iyoyisijyi'n paka jitis iwo.

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Lucas 22:2

Siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, iyoyet'iyisijyimpe siupa janwonisi ka tiliana pa Jesús, lapakawo ti je ijwiyisie papo i'nio', it'imina'ne ti inijwekisi siupi iyoyisi.

Lucas 6:11

Siupapo i'nio' sekyi'i wuj ti jwesis. Inijlok'ijin'ni'ne ti iyoyits'i 'ate: —¿Tepat'e ka iyonaja 'ni Jesús?

Juan 11:53

Jakayi'ne ti tiwokieyi ka tiliana, iyoyis'ne 'ate, “'Esiji ka tiliana 'ni Jesús.”

Hechos 4:25

Jijwejla'm pa akawo David, ka lajak'i japa akimet ti 'es ti yamtijie'n ti iyo'ate: “¿Yot'iyi'ni ti jwesis napo i'nio' yi' ape'e 'ni ajnat? ¿Yot'iyi'ni ti iyo kawoyisi siunie ti laj lajaye?