Marcos 3:5 - Sinia' Jlamtis 1994

⁵ Jesús jwesie ti i'yenaja'n papo i'nio' tijwajiape'n, 'yina je ikanit'ni siupa ti je its'iuyisie ti ijwiltaja'm. Sekyi'i iyone'ne 'ate pa i'nio': —'Akajni ni akio'. Kiak iyonayi. 'Yina yaka jla'm iwo ti 'esieyiji ti ijniejieti ti 'yitk'i pa jikio'.

Marcos 3:5 ပူးပေါင်းရင်းမြစ်များ

Mateo 12:13

Iyone'ne 'ate jak i'nio': —'Akajni ni akio'. Ijiatjliyi iyoyi'ni jak i'nio' ti jikio' 'yakajni, sekyi'i 'es'ne, ijniujlie wita'm jawa jikioye ti isis ja i'nio'.

Marcos 3:4

Sekyi'i ti i'yasa ape'e papo ti iyo'ate: —¿Ten siupa 'esiji jla'am ka tenajaja ka tiwoki siojona jloma ti i'nio 'wanjlijyi'n? ¿Ent'a naka ni siunie ti tiniukieje pa, ni'ne ka nakaye ni siunie ti jiwet'ia tiwenaja'm pa? ¿Ma jajwiejiet, ni'ne ka i'miate ka initiajnat? 'Yina lajk'ipa ka inkiujlie.

Lucas 13:15

Saka'niona isiujlie ti iyo'ate: —¡Sintijyisat'itie'ase'm! Siojona jloma ti i'nio 'wanjlijyi'n, ¿jilienajyi'ijyi niwa aslajwas wakiajas ti inkijmayewos, ni'ne ti malekiatiok pa, jloyeyi i'niate ti ji'yayina? ¿Mi ijiate?

Lucas 17:14

Jesús ti i'winat'iyipi, ijliuye'ni ti iyone'ate: —Maye'ni, ni'wenkinayi napo pa'yijis. Yamat'iyis'nijpe. Pa yit'iyits'ipe 'nayiji ti isisiet'ipi, 'yina netian'ne siupuwa ijiok'i'ni jiwatis.

Lucas 6:10

Jitiej yikiajlat'iyipi siupapo tijwajiape'n, sekyi'i iyone'ne 'ate pak i'nio': —'Akajni 'ni akio'. Je iyo ka inka'm ape'e siupa i'nio', iyo'ni siupa tiwonaja, sekyi'i 'es'ne.

Juan 9:7

Itimeje ti iyonayi 'ate: —Maj, joyi siujlieja i'niat Siloé. Le'e ni atokio'. (Siunie ti iyo'ate Siloé iyo'ate, Tijliuk.) Yam'ne siojo i'nio' ti talok ti ijioyi jlajak i'niat. Yiyi ti ilija'a ja jitiokio', yaka jla'm iwo ti i'winaja'n.

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

2 Corintios 3:14

Kajeyepa siupa ajnatiok itij'w ape'e siupa jlosik papo i'nio' t'ipi, it'imint'iyijpe ti je itijnisisie siupa iyot'iyipi. Yamjliyi ti kia'iyo siupapo jilis t'ipi papoka, 'wanjliyi kan'yenis niwa Sinia' jlamtis ti yi'i ni paj imp'esinik, 'yina je itiant'iejesi siunie yi'i, kajeyepa ti 'yiniye ka poye pa ka imp'o'n ape'e siunie jlosik. 'Yina naka'ne ni siunie tomk'iye, paka 'najanisi paka iwonisi, 'yina lajk'iji pa ka ilank'i ape'e siunie yi' ape'e ni jitiokio', ijwienjli jla'am pa Sijwajieti ti i'nio' 'esi ti kia'iyo.

Efesios 4:18

itiusina ape'e ni jlosik iyo. 'Yina siojona ji'wasankiye ti Sinia' iwijna'm napo jilis je tijna'yi, kajeyepa ti je itiant'iejesi pa Sinia' jla'yi ti t'o'n ni jlosik.

Efesios 4:26

Siuti injwesie, ká aninene 'ate, 'lojwinie'e ka intonie ni aske'; ká amita no'oti ni asjwesi,

Efesios 4:30

Siuti kiak iyo, je jikanitie'ni jana Sinia' jikimet ti 'es, 'yina janak ti inkajanitie ti ijiate ni nak aska'niona ni Sinia'. Janaka 'neje ti ja insisieyi ka netiejenie'e janak jloma ti asjwajieti yiji.

Hebreos 3:10

Tempi it'imina ti sijwesiajampe kiapoka i'nio', sekyi'i ti awoyepe 'ate: Paja paka iwoyisi ti je ijyiwitisi siunie sitiliaja ka iwoyisi.

Hebreos 3:17

¿Tent'i'nejepe siupapo ti Sinia' jiwak yi'ne paj ti cuaréntaja puwa najkapis? Papoka ti iyo jikeyisa', papoka 'neje ti no'we ti 'yajle'n yi'i pa ajnat ti laj i'nioye'e.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

Apocalipsis 6:16

Sekyi'i ti takajlunieyis'ni lajap ti iyonisi 'ate niwa tikijnakiyis, siu'neje niwa sisajas wus: —¡Kiaye sitipe'e, nip'onayi sitipe'e, 'nakayi ti ja kaslajk'i jitieyi'i siunie yi'iji'n jana ji'wet ni anechiyas, siu'neje ni 'wolepo 'woma ti ja jwesieja!