Marcos 3:18 - Sinia' Jlamtis 1994

¹⁸ Andrés, Felipe, Bartolomé, Mateo, Tomás jla'yi ja Santiago, Alfeo jlas, Tadeo, siu'neje ja Simón 'neje ti tajla'm siupapo teje'yi ilia'm papo Roma jlele, ti iyoyi jika kia'lisa' napo Judíojos.

Marcos 3:18 ပူးပေါင်းရင်းမြစ်များ

Mateo 13:55

¿Mi je 'nak 'ni in'wetis jiwo jlas? ¿Je 'naka siujlieja María jlas? ¿Mi je 'naka 'na japo Santiago siu'neje ja José, siu'neje ja Simón, siu'neje ja Judas jikiliayis?

Mateo 9:9

Jlampa Jesús sekt'ipa tajla ape'e, sekyi'i ti i'wina ja i'nio' siojo jle' iyo'ate Mateo, ti yijin'ni ts'e yi'i siojo yi'ijin'n ti t'alk'i'n niwa inkat'ijnieyejes, ti ijioyi'ni japa Roma. Jesús iyoni'ne 'ate: —Na'm ijyik'i. Mateo ipi'ya wek, takasit'ne 'yina yamak'i.

Marcos 2:14

Jak je iyoyiji siuti ijliasajampe'eje, sekyi'i ti i'wina siupa i'nio' jle' iyo'ate Leví, Alfeo jlas, yi'i siupi yi'i'ni ti t'ajlataja'ni papo i'nio' ka inkat'i'n ape'e puwa inkat'ijnieyejes ti ijioyi'ni pa anechiyas yi' Rómaja. Jesús tane ti iyo'ate: —Naj, na'm ijyik'i. Takasit'ne pa Leví, sekyi'i yamak'i.

Marcos 3:17

Santiago siu'neje ja ji'yini Juan, Zebedeo jilis, ti iyojinijpe 'ate Boanerges (ti iyo 'ate: “Isiumtijni jilis”),

Marcos 3:19

'Yina siu'neje ja Judas Iscariote, jaka ja ti janekiaj'l ja Jesús.

Marcos 6:3

¿Awo ka 'nakajliye siu'nie in'wetis jiwo, María jlas, ji'niayi ijwienjliyi japo Santiago, Judas, siu'neje ja Simón? ¿Awo ka 'nakjli ine'yi japo jika asejnia 'ne awak'i? Nak it'imina papo i'nio' ti a'tiejajam'ni ni iyo ja Jesús ti i'nioyi.

Juan 1:40

Ijwienjli siojo jle' iyo'ate Andrés, siojo Simón Pedro jikilia,

Juan 11:16

Sekyi'i'ne ja Tomás, jak siojo Jesús t'eyasanik 'ne'eje, ti tiwonaja'ni 'ate Timesi, ti ipi'yaye ti kia'iyo ja Jesús, tanayi japo ijia t'eyasajnas ti iyo'ate: —Naja'ni pet, kiak jayoki, siliaye janoyi wita'm pa jiliaye janwo.

Juan 14:22

Judas (je Iscariote) i'yasen'ne ti iyo'ate: —'Yaka'niona, ¿yot'iyi'ni ti samkataja ti jani'wenkints'e'm, ti ja ke awo ka ani'wenkijna'm napo siunapo yi' ape'e 'ni ajnat?

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Hechos 1:13

Ti yiyisiet'iyipi jlaja isi', yamitat'iyisipi siupi yiyits'i'ni siojopa 'wuk toj pijia'm. Pedrojimpe, jla'yi ja Juan, siu'neje pa Santiago, jla'yi ja Andrés, siu'neje ja Felipe, siu'neje ja Tomás, jla'yi ja Bartolomé, siu'neje ja Mateo, siu'neje ja Alfeo jlas jle' iyo'ate Santiago, siu'neje ja Simón tajla'm pet papo celote, siu'neje ja Santiago 'neje jlas siupi jle' iyo'ate Judas.

Hechos 15:13

Ti iliyet'iyijpe, tamtiyet'ipi pet ja Santiago ti iyo'ate: —I'lijwas, 'yejne'n.

Hechos 21:18

Jak je iyoyiji'ni, jloma kiecha ti ajokie isik'i ti ajok ji'wete ja Santiago, ti sa'yi ja Pablo. Siojopo i'yena papo ijia Sinia' jilis ijyiwite ti sekyi'i.

1 Corintios 15:7

Paj ti kia'iyo init'i'wenkinaja'ajme ja Santiago, sekyi'i japokayet'ijyi pet injlojwajnas ti ini'wenkijna'm.

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.

Gálatas 1:19

'Yina je a'we'en siojopo injlojwajnas ijia ka sek ne'yi, ijwienjli jla'am ja Santiago ti a'we'en, Saka'niona ji'niayi ijwienjliyi.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.