Marcos 2:24 - Sinia' Jlamtis 1994

²⁴ 'Yina ti je 'esiji ti Fariséojos i'winayi, sekyi'i ti iyonajanisipe 'ate ja Jesús: —'Yene siapo 'eyasajnas. ¿Yot'iyi'ni ti iyoyisi siunie ti je 'esiji ka tiwoki siujlie'e jloma ti i'nio 'wanjlijyi'n?

Marcos 2:24 ပူးပေါင်းရင်းမြစ်များ

Mateo 12:2

Je 'esiji ti Fariséojos i'winayi, sekyi'i iyonisi'ne 'ate ja Jesús —'Yene siapo 'eyasajnas, iyoyisi siunie je 'esiji ka tiwoki janak jloma ti i'nio 'wanjlijyi'n.

Marcos 2:16

Jak je iyoyiji siupapo Fariséojos siu'neje papo taka'neyasane pa Moisés jika'neyasajnaye, ti i'winayis ja Jesús ti isijwane papok i'nio', sekyi'i i'yasisin'ne japo t'eyasajnas ti iyonisi 'ate: —¿Yot'it'iyi'ni ni aska anechiyasa' ti isijwane napo isi'm ilia'm niwa inkat'ijnieyejes, siu'neje napo i'nio' jike' po'?

Marcos 2:25

Jesús iyo'ne 'ate ti isiujlie: —¿Jet'i jlamtijiena'ijyi siunie iyot'iyipi siupa anechiyas t'ipi David? Siojopa jloma ti Abiatar ti jla'am ti iyo pa'yi jika anechiyasa' ti wuj. Yit'iyipe japa jloma ti David lajk'i paka intojwis siu'neje papo jla'yis, 'yina inil'liajne'n. David 'yuyi siupuwa woyejes yi kiajwe japa 'najla'wet, siupuwa ti t'otataje k'iye pi Sinia', sekyi'i ti ikojniene papo jla'yis, siupuwa woyejes ti papokata jla'am siupapo pa'yijis wus ti 'esiji ti itiujw.

Marcos 2:7

“¿Yot'iyi'ni ti ji'lij kiak iyone? 'Yina ti siunie iyo ti tamti, ket'i jwel ka je inta'yi ilia'm pa Sinia', ijwienjlijie'e jla'am pa Sinia' ti 'yijene pi iyone ti initiajnat puwa jikeyis pa i'nio'.”

Hebreos 12:3

Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.