Marcos 2:21 - Sinia' Jlamtis 1994

²¹ “Ent'a ji'wena' pa ti ji'wuye ji'yusis ip'ioneje pa lotakinie ti ink'ie'. Kajeyepa siunie tip'onaja ti ink'ie' yapijlia'm ti tilijikieta, sekyi'i ti ijiatayiji ti its'isk'i siunie ji'yusie, 'yina ti je to'm ilia'm.

Marcos 2:21 ပူးပေါင်းရင်းမြစ်များ

Mateo 9:16

“Je ti'wena wek paka jiwa siunie ink'ie' ka imp'oneje siunie ji'wu' 'yusie. Kajeyepa siuti tip'onaja ni ink'ie' yapijlia'm, sekyi'i ti ijiatayiji ti its'isk'i kajeyepa ti 'yits'i.

Marcos 2:20

'Yina ijiatjliyijna'a jla'am ka tikinietaja ni siunie janjwa'yi, jiwekie'ajana'a ka ininel'liajaniti'n.

Marcos 2:22

Ent'a ja'wena 'neje siunie at'es ti ink'ie' ka tisiayek'iji'n siuniwa jijwa'al ti 'nejes ti ji'yusis. Kajeyepa ti tosiyetaje sekyi'i yikisatajamk'i niwa jijwa'al, sekyi'i ti tisaye'ni ni at'es, 'yina ikajyina ni at'es, kia'iyojliyi puwa jijwa'al. At'es siunie ink'ie' tejeye pet siuniwa ti ink'iejyis jijwa'al ti 'nejes.”

Lucas 5:36

Jesús iyoyet'ijyi 'ate, ti i'yejnap jiwekie'e, siunie ti iyo'ate: —Je ti'wena wek paka ji'wuye ka ink'ieye, ka imp'one pi jikiecha siupi ji'yusie. Kajeyepa ka kiak inwone, janlaki wekie'e siupa ji'wu' siupi ink'ie', kiak janwo'ojyi siupa ji'yusie, jano'we ti jank'ise'n, 'yaka je to'm ilia'm.

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.