Marcos 16:9 - Sinia' Jlamtis 1994

⁹ [Jlampa pajak'i ti yi' kisie'e ti tajli pi a'no', siojopa jloma ti inia'ne jla'a inkijmaye ti ajnaj 'wanjle ajnat'e, María Magdala jleliki japak iniane ti Jesús ini'wenkijna'm, siujlieja ti ijwiejietjimpe ti imose'l yiji ti iniujwank'i kisie'e.

Marcos 16:9 ပူးပေါင်းရင်းမြစ်များ

Mateo 27:56

Japoka japo María Magdala jleliki, siu'neje jlaja Zebedeo k'iemjla, siu'neje jlaja María 'neje, siujlieja Santiago siu'neje José jletis.

Marcos 15:40

Kia'iyo po 'neje japo asejnia, sek k'iejlijijyi ja takasitits'ijin'ni ti i'yenisi'ni. Japokap'ampe japo María Magdala jleliki, siu'neje jlaja Salomé, siu'neje jlaja María 'neje Santiago, 'wenayi siojo isijli, siu'neje José japo jletis.

Marcos 15:47

'Yina María Magdala jleliki, jla'yiki jlaja María 'neje Santiago jaka 'neje ja José jletis, yam'ni pet ti i'yenisk'i siojo tena'a kia t'o'.

Marcos 16:8

Sekyi'i yama'ni japok asejnia t'osiyeyijits'i'ni, ti tajlayisi pak a'no', kititiyeyiji'n lapakawo ti jnots'ijnits'i. 'Yina je ijwilis siupa iyo pa i'winis kajeyepa ti je ijwiyis ape'e.

Lucas 24:10

'Yina siojopo injlojwajnas 'yakakiuyeyits'iji pet. Iyonat'iyisijpe 'ate japo asejnia ti takajwejlanistaja: —Ma 'es pi jiwoyeyi, jlajmi woyeyi. Siojopo asejnia japokajimpe japo María Magdala jleliki, siu'neje jlaja Juana, siujlieja María 'neje Santiago jlet. Po' 'neje papo ijia jla'yispe.

Lucas 8:2

siu'neje papo ijwiejiett'ijyimpe jla'am siupapo asejnia, yit'iyipe papo iyo ka nekk'i, siu'neje papo ti kia'iyo ti ijwiejiett'ijyimpe ti imose'l yijits'i. María japokajimpe, siujlieja ti tiwonaja'ni 'ate Magdala jleliki, siujlieja ijwienjli sikio' itij'we times tom'niji puwa imose'l yijinipi.

Juan 20:12

Sekyi'i i'win'ne papo times Sinia' jijliujwajnas poli jlele ti ji'wuye lemi, yits'e tenat'itie'epe ja Jesús, ti yik'iji'n ijwienjli siupa tome 'niji jletik itijyi, ijwienjli pa tome 'niji jisietis itijyi.

Hechos 20:7

Siojokia jloma inkijmaye, anitotiek'i'ne wita'm ti anikijwana ti a'yaki jakia Saka'niona Jlak ti 'Es. Pablo iyo jlamtikie' k'iye japo i'nio', paj ti je k'iejeyeyi'i, paj ti ajnaj kioweja ti je iliyi. 'Yina ti 'yakatate ti iyo jlamtikie', kajeyepa ti iyo ka nek jakayi siukia ti k'iejli mot.

1 Corintios 16:2

Ti jawayeyi siojona i'nio 'wanjlijyi'n, siojona jikajlajyi ti jikimats'iji'n ja'wenakitieyipi pet pa Sinia' ti ja ekiajlayi. Apejlati'n astepe'e ti asa'am, ja'nakayeyi ti ja wakajla ta'a siuka yiktiejna'a ti nak jajiojwi.

Apocalipsis 1:10

Siojokia jloma ti Saka'niona jika jloma, 'yina siojopa Sinia' jikimet ti 'es ti yi' itipe'e, sekyi'i ti ape'yayeyi siojo jla'lap siupa i'yask'i ti to'm i'niajk'i, 'yina ijiok'i'ni siojo jla'lap iyo, iyo'ate siujlie'e wakiak'iu' ti tipajwukk'i,