Marcos 16:16 - Sinia' Jlamtis 1994

¹⁶ Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Marcos 16:16 ပူးပေါင်းရင်းမြစ်များ

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Marcos 1:15

Ti iyo'ate: “Yiyi jla'a jloma, siunie Sinia' jika anechijiayas je to'ilia'm. ¡Woye asosikis ink'iejyisa'! ¡Apilieyi ni Sinia', kima'yi ilia'm siu'nie jika'niye ti 'es, ká akakiuye!”

Lucas 8:12

Siuniwa inseliaki ti ijniuj'li pa 'nayi, napoka siunapo i'nio' ti its'iutieje niwa Sinia' jlamtis, 'yina na'am ni imosik, ijialayi ti yitaja ni jlosik, ti iyo ka je ink'iuyisie, jla'yi ti iyo ka je injwajyi'n.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:29

Jesús iyo'ate ti isiujlie: —Siunie iyotaja ka awoyeyi, ka je akakiuye siunie jla'am ti ijliu'.

Juan 6:35

Jesús iyo'ne 'ate: —Yam woyek'i'm ti iyo in'wasankiyeja'. I'nio' ni jajnok'i, nak ja ke pajana'a ka inel'lia, jla'yi ni i'nio' ni ja ke sakakiu, kiak iyojliyi ja ke pajana'a ka inki'im.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 8:24

It'imina ti kia'awo ti awo'ate, “Ja ke atajlajyi ni aske' ka inetianatie.” Siuti ja sakakiuye ti ya'am siunie ti awo'ate “ya'am”, ja ke atajlajyi ni aske' ka inetiajnatie.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 13:39

Jla'am ti it'imina ti netia'n siunie jitis napoka, siunie Moisés jika'neyasajnaye je 'yijene paka wone ka netiajnat, ajwe'el siunapo je 'yakakiu.

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Romanos 3:6

¡Kiak ja ke iwo! Kajeyepa siut'itie ka kia'iwo ka Sinia' je ijnajyi, ¿tepat'e janwone kan'yenta pet napo i'nio' ni jitis iyoyi?

Romanos 4:24

Kia'iyo sam'neje ti tijnats'e'm, kajeyepa ti Sinia' kaslesajne'n 'yina lajk'ipa ka int'emina ti kia'iyo ti je akakiuk ti jla'am ti iniujwa'n kisie'e pa Saka'niona Jesús ti tajli pa a'no'.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

2 Tesalonicenses 2:12

Wikie'eyi siunapo i'nio' 'yakakiuyis ni siunie ijiatk'i, 'wenajliyi ti inikaniti'n ti iyoyi naka ni je 'es, Sinia' pajk'i ti yi'ne ni jitis jawo.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

Apocalipsis 20:15

'Yina sek titietaja'a wikie'eyi siunapo i'nio' jleyis je yi'i siunie imp'esinik ni jleyis ji'wet napoka ji'wasankiye po' ti t'o'n.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.